Luùm 12:1 - WƆŊ FƐ̀Ì EBÒ SÌÀŊ DAYÀA

¹ Nyɛ̀iŋ nààŋ wùìyaim nyàŋ, wo Dayà naŋ wi tɔ̀ɔ̀ ke nyowo gbee e ɗewe kii zimgbe sùà. Weètii mìŋ yààìŋ pɔɔwɔ e tɔ̀ɔ̀nyaàŋ sùà, wèè naŋ kìɛ̀ŋ maŋ kpùnaiŋ màŋ ko nɛ̀ɛ̀uŋ niìŋ e sàà gè nɛɛmaŋ yèè wɔŋ nyiiŋ gèe sùà. Sìaìŋ ke di wèè niŋ tòmo weèuŋ e kìlà e fɔɔyɛ̀uŋ jii. Tɛɛ̀ nàŋ yaà e zòòlo kɛnɛɛ̀ wèè naŋ kiɛ̀ŋ.

Luùm 12:1 ပူးပေါင်းရင်းမြစ်များ

Luù 7:47

Kpeiŋ tɔ̀ miŋ woòum, esàɓù e mànaŋ gbeeɛ̀ wò naim tɔɔ̀ lɛ, è naŋ tɔɔ̀ kɛ̀ maŋ jùumù zimgbeum màŋ nɔ̀ŋ hakɛ̀ jùùyà miŋ. Kɛɛ wo nyùnɔ̀ɔŋ àŋ naŋ jùùyè hakɛ̀ wèè e nɛ̀ŋ jɔa wɔ̀, wò do nɔŋ nàŋ tɔ̀ɔ̀ e mànaŋ jɔa.”

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Luùm 15:16

Wò naim wa tàeɗùù wèè ka nɔ̀ŋ ɓɔìjɔ̀à tòmo wèè Jisɛ̀ Kulaì anyùùŋ nyaŋ fè àŋ Juùù nyaŋ tɛɛ, e kìlà wèè ka nyɛ̀nɛ̀ŋ e tòmo mààŋ wo sìèfèìŋ zòòlo, nààŋ mìŋ wòò ke mìè gbìàŋ Ebò Siauŋ nɛ̀, wèè e nyɛ̀nɛ̀ŋ wo jàà anyùùŋ nyaŋ fè àŋ Juùù nyaŋ naŋ hààwè Jisɛ̀ nyaŋ kùàŋ dìì. Àŋ do nàŋ nɔ̀ŋ mààŋ e nɛ̀ŋ kìɛŋ koɓɛ̀ Dayài e yèɛ àŋ naŋ jàà e ɓula ko nɛ̀ɛ̀uŋ niìŋ e yìwìà wo Jìnàŋ Nɛɛmaàŋ.

Luùm 15:30

Nyɛ̀iŋ nààŋ wùìyaim nyàŋ, e yìwìà e gààŋ Kanaà Jisɛ̀ Kulaìɛ sùà yèè e mànaàŋ yewe wo Jìnàŋ Nɛɛmaàŋ sìwè lɛ, mìŋ yààìŋ pɔ̀wɔ sùà wèè yàwi nààŋ gbiŋ eiŋ zòòlò wo Dayà koɓɛ̀ guùŋ e weèim.

Luùm 2:4

Tɔɔɓaa ɓɔ̀ nìŋ woò nààŋ wò Dayà yaà nyìnìè e keì sìàŋ gbee weè wi, weètii e kuwàìŋ èsaɓù bà wèè eiŋ fè màŋ tùwo naanààŋ wi màŋ jɛwɛ. Nyìmaìŋ kɛ̀ wo Dayà yààìŋ nyinie tɛ̀ɛ̀ e kìlà wò yààìŋ tɔ̀ɔ̀ sùà e mànaŋ, wèè woiŋ kìɛ̀ŋ jii nyingè naŋ fè maŋ tùwo naanààiŋ màŋ jɛwɛ yèè naŋ kìlà ko nɛ̀ɛ̀uŋ niìŋ.

Luùm 6:13

Ɓɔ̀ nìŋ nyimèè wèè màŋ nɛ̀ɛ̀ŋ kɔ̀ɔ̀ màŋ kpùnaiŋ màŋ bà màŋ do nyɛ̀nɛ̀ŋ jùumù. Kɛɛ deìŋ ke dòmàŋ Dayàa diɛŋ, esaɓù kɛ̀ nìŋ yaà wa mààŋ anyùùŋ naŋ fɔ̀, kɛɛ wo Dayà wòiŋ kìɛ̀ŋ wɔŋ nyiiŋ gèe. Kìɛìŋ maŋ kpùnaiŋ màŋ ko nɛ̀ɛ̀uŋ niìŋ wèè wo toomò miŋ e tɔ̀ɔ̀nyaàŋ sùà.

Luùm 6:16

Tɔɔɓaa nàŋ nyìmàŋ kɛ̀ nìŋ yaà aŋ ɗo koɓɛ̀ wo nyùnɔ̀ɔŋ nìŋ jɔɔlɔ̀ dìì wɔ. Sèè naŋ kìlà nyɛ̀iŋ bi aŋ ɗo wèè naŋ jɔ̀ɔ̀lɔ̀ maŋ jùumù dìì, e jìwààjɛ̀wɛ̀ɛ nàŋ yaà e fàa. Sèè naŋ kìlà nyɛ̀iŋ bi aŋ ɗo wèè naŋ jɔ̀ɔ̀lɔ̀ wo Dayà dìì, e jìwààjɛ̀wɛ̀ɛ do nàŋ nyɛ̀nɛ̀ŋ wo Dayà woiŋ jàà kùàŋ dìì wèè naŋ nɔ̀ŋ anyùùŋ tɔ̀ɔ̀nyaàŋ.

Luùm 6:19

Mìŋ toomàŋ maŋ mìè maŋ è gbòòìŋ ke ɗɔɔ gbiŋ maŋ nyiiŋ gèe wi màŋ sùà, esàɓù e zɔ̀kpɔ̀ɛ yaà e kɔɔiŋ nɛ̀ sùà e nyaàiŋ dè e yèɛ nìŋ naŋ nyìmè lɛ. E teenga guùŋ bà nìŋ naŋ wa kìlè nyɛ̀iŋ bi aŋ ɗo wèè naŋ nyɛ̀nɛ̀ŋ maŋ keì kùwà ninaŋ yaà maŋ keì naanààŋ maŋ kpùnaiŋ màŋ sùà, nààŋ maŋ gòngoiŋ màŋ naiŋ wa hiiyè wèè naŋ miŋ nyɛ̀nɛ̀ŋ lɛ. E ɗèwè guùŋ nɛɛ̀ sùà, nìŋ kuwa naŋ niŋ nyɛ̀nɛ̀ŋ e kpààŋ kɔɔiŋ wèè maŋ gòngoiŋ màŋ hiiyà maŋ kpùnaiŋ màŋ maŋ kìlà e tɔ̀ɔ̀nyaàŋ sùà, wèè kɛ̀ niŋ nɔ̀ŋ anyùùŋ nɛɛmaŋ koɓɛ̀ Dayài.

Luùm 9:23

Wò naŋ wa tɛɛ̀ nyɛ̀nɛ̀ŋ nààŋ wò naŋ wa tɔ̀ɔ̀ e jòòwo gbeeuŋ nɛ̀, e teengaà wò naŋ wa kɛ̀ɛ̀nɛ̀ŋ ke nyowo anyunùuŋ nyàŋ diɛŋ aŋ yè nyaŋ wò naŋ wa tàeɗùù wèè aŋ nɔ̀ŋ aŋ bà nyiŋ bà e jòòwouŋ nɛ̀ sùà nyaŋ.

1 Kɔliìŋ 1:10

E yìwìà e gààŋ e dèè Kana wiɔ̀ Jisɛ̀ Kulaìɛ sùà, mìŋ yààìŋ dàwe sùà nyɛ̀iŋ nààŋ wùìyaim nyàŋ gbiŋ, wèè e nɛ̀ɛ̀ŋ nìŋ woà lɛ naiŋ jàà kùàŋ dìì, wèè e tɛɛ gòòno goiŋ nàŋ sɛ̀ɛ̀ è fèemàŋ. Nɔ̀iŋ koɓɛ̀ guùŋ, e gòngò guùŋ diɛŋ, yèè esàɓù guùŋ diɛŋ.

2 Kɔliìŋ 10:1

Esàɓù ke jìì sìàŋ Jisɛ̀ Kulaì yaà e tɛ̀ɛ̀tɛ̀ɛ̀uŋ nɛ̀ sùà, è yaà e dàwe titi miàim Pɔɔ̀ mìŋ yààìŋ dàwe sùà, miàŋ wo yèɔ àŋ wòà nyààŋ mìŋ yaà e jùù, yèè mìŋ naŋ tɔumtɔ̀ùm sèè mìŋ nɔ̀ìŋ nèè tɛɛ̀, kɛɛ mìŋ nɔ̀ŋ e hmɔ̀ɔ̀ŋ weèiŋ sèè mìŋ nɔ̀ŋ koɓɛ̀ dii mìŋ goiŋ gbɛ̀ɛ̀ wɔ.

2 Kɔliìŋ 4:1

E yìwìà ke nyòwò Dayàa sùà wò naŋ wi fè e tòmo lɛɛ̀ wèè e niŋ nyɛ̀nɛ̀ŋ, yèè wèètii e ɓɔ̀mɔ̀ fè wi wùìyà.

2 Kɔliìŋ 4:16

E wèè esaɓù lɛɛ̀, e ɓɔ̀mɔ̀ŋ fè wi wùìyà, jòòpɛɛ e kɔɔ wilɛ̀ yaà yɔ̀kpɔ sùà, kɛɛ wo Dayà sie wo jinàŋ wiɔ̀ e gààŋ niìsìa gbiŋ.

2 Kɔliìŋ 5:20

È yààìŋ gbuuyè wèè Jisɛ̀ Kulaì, mààŋ koɓɛ̀i wo Dayà wuŋ bi wò yààìŋ dàwe sùà e yìwìà yàwi sùà lɛ. È gboo wèè Kulaì, tɔ̀ wo Dayà vɔɔnɔ̀iŋ e yìwìà koɓɛ̀ aŋ joouŋ wèè koɓɛ̀ anyuùŋ mɔ̀ɔ̀nɔuŋ.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Ɛfesɔ̀ 5:10

Fɛ̀ɛìŋ niŋ gbeè e yèɛ fɔ̀ɔ̀yɛ̀ Dayà jii lɛ̀.

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Fèle 4:18

Wɔŋ fɛ̀ì ke sɛ̀ gèe miɔ̀ŋ wɛɛ̀ŋ, wèè manɛ̀ŋ maŋ gbiŋ nìŋ naim kiɛ̀ŋ maŋ, yèè manɛ̀ŋ bi naŋ gàŋ zimgbe. Ke jii miɛ̀ŋ naŋ fɔ̀ wèè manɛ̀ŋ maŋ gbiŋ nìŋ naŋ kìɛ̀ŋ wo Ɛ̀pàfoditɔ̀ wèè woim hiàŋ maŋ. Manɛ̀ŋ kìɛŋ mɛɛ̀ŋ, màŋ yaà mààŋ manɛ̀ŋ kɛnɛ àŋ naŋ gììyè saaà koɓɛ̀ Dayài.

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

1Tɛsè 4:10

yèè kòò nìŋ yaà nyìnìè maŋ kpèè mɛɛ̀ŋ koɓɛ̀ anyuùŋ hààwe nyàŋ gbiŋ maŋ kpàlàùŋ kpàlàùŋ maŋ gbiŋ sùà wɔŋ fàà ko Mɛ̀sèdonià. E wèètii nyɛ̀iŋ nààŋ wùìya wi nyàŋ, è yààìŋ dàwe sùà wèè naŋ nyɛ̀nɛ̀ŋ zimgbe e tii nìàŋ.

1Tɛsè 5:12

È yààìŋ dàwe sùà, nyɛ̀iŋ nààŋ wùìya wi nyàŋ Kanaà sùà, wèè naŋ fè aŋ kààmɔɔŋ nyàŋ yààìŋ tòòmò e tɛɛ nyàŋ e ɓɛ̀ɛ̀jàa, aŋ yè nyaŋ sìàìŋ feìŋ àŋ dèìŋ ke dòmaŋ diɛŋ yèè àŋ kiɛ̀ìŋ maŋ mìè gòo e nyaàìŋ dè wɔŋ nyììŋ gè anyuùŋ hààwe nyàŋ nìŋ yaà sùà wɔŋ.

1Time 2:3

E zòòlo mààŋ tɛɛ̀ è yaà tɛ̀ɛ̀, yèè è fɔɔyɛ̀ wo Dayà wo Nyuùŋ Jòèye wiɔ̀ ke jii,

1Time 5:4

Kɛɛ sèè wo jɔ̀ùŋèèdààa kɛɛnɛ̀ŋ aŋ jɔ̀à ɔ̀ɔ̀ aŋ jɔ̀ɛ̀ɛ, aŋ jɔ̀à nyɛɛ̀ŋ aŋ yɛmɛ̀ e kèè anyuùŋ kòmaŋ nyiŋ nyàŋ dììo sùà jiɛ̀ kɛ̀ àŋ yaà toomo wèè Dayà. Tɛɛ̀ do nàŋ nɔ̀ŋ e jìwààjɛ̀wɛ̀ siaŋ e weè nyiŋ yèè tɛɛ̀ nàŋ fà wo Dayà jii.

Felemɔ̀ŋ - PHM 1:10

Mìŋ yààùm dàwe sùà wèè maŋ kpùùmàŋ wo Onisimɔ̀ŋ. Wò yaà mààŋ wo jɔ̀àfelaa ko nɛ̀ɛ̀ŋ miìŋ wo Jisɛ̀ Kulaì sùà, esaɓù kɛ̀ mìŋ naùŋ wa dè ke dòmàŋ Jisɛ̀ Kulaìɛ diɛŋ e teengaà yàwiuŋ yaà wa ko sààŋ nyìwìi lɛ̀.

Felemɔ̀ŋ - PHM 1:9

Kɛɛ mìŋ yààùm dàwe sùà wèè maŋ niŋ nyɛ̀nɛ̀ŋ esàɓù e mànaŋ. Hɛ̀ɛɛ̀ŋ, jòòpɛɛ miàŋ nàŋ yaà Pɔɔ̀ wo nyuùŋ kɔ̀à ke miè gbìàaŋ e kìlà mìŋ yaà wo nyùùŋ màŋ keì wèè wo Jisɛ̀ Kulaì.

Hiɓu 13:22

Mìŋ yààìŋ pɔɔwɔ nyɛ̀iŋ nààŋ wùìyaim nyàŋ, wèè naŋ kòmàŋ maŋ mìè gbìàŋ jii nyingè mɛɛ̀ŋ, esaɓù kɛ̀ wɔŋ fɛi sìngaim wɛɛ̀ŋ ko nɛ̀ɛ̀iŋ niìŋ, wɔŋ gò mùnlàŋ.

1Pììlɛ 2:20

Kiìŋ nàŋ yaà ke sɛ̀ gèeɛ̀, sèè nìŋ kuwo e ɓùla wèè maŋ kèì jùumù maŋ nìŋ naŋ nyɛ̀nɛ̀ŋ maŋ? Kɛɛ sèè naŋ tuwò tɛ̀ɛ̀, naŋ kùwà e keì nyìnga wèè e tɛ̀ɛ̀tɛ̀ɛ̀ɛ nìŋ naŋ nyɛ̀nɛ̀ŋ lɛ, wo Dayà doiŋ nàŋ fè keì sìàŋ weè niŋ.

1Pììlɛ 2:5

Hnaìŋ mààŋ maŋ duò gè nyiiŋ wo Dayà nyilìàiŋ ke saaŋ zòòlò Dayà wo jinàaŋ sùà, ko yèi nìŋ do nàŋ nɔ̀ŋ aŋ sìèfèìŋ e zòòlò nɛɛmaŋ wèè e tòmò Dayàa wèè maŋ saàà gèe wo Jìnàŋ Dayàa sùà maŋ yè maŋ wo Dayà jaa kùàŋ dìì esàɓù Jisɛ̀ Kulaì sùà maŋ.