Luùm 11:36 - WƆŊ FƐ̀Ì EBÒ SÌÀŊ DAYÀA

³⁶ Tɔɔɓaa wo Dayà naŋ wa bànè manɛ̀ŋ maŋ gbiŋ. Wuŋ nàŋ kuwa e gàaŋ manɛ̀ŋ maŋ gbiŋ diɛŋ. E jòòwo nɔ̀ŋ koɓɛ̀ Dayài wèè julɔfɔ. Àmiinàŋ.

Luùm 11:36 ပူးပေါင်းရင်းမြစ်များ

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Luù 19:38

Àŋ yaà wa kpàaŋ sùà àŋ yaà woo nyààŋ, “Wo Dayà kpuumàŋ wo kanaà hnàŋ e dèè Kanaà diɛŋ wɔ̀! Ke jii fàa nɔ̀ŋ ko àìjɛnɛ̀ŋ yèè e jòòwo nɔ̀ŋ koɓɛ̀ Dayài!”

Luù 2:14

“E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”

Nyɛ̀nɛ̀ŋ 17:28

yèè nààŋ wo nyùùŋ bà naŋ woò lɛ, ‘Wò naŋ wi kìɛ̀ŋ gààŋ wèè eiŋ nɔ̀ŋ wɔŋ nyiiŋ gèeɔ̀ sùà, wèè eiŋ kaàiŋ, yèè eiŋ nɔ̀ŋ anyùùŋ nyaŋ è yààìŋ nyaŋ.’ Màànààŋ nɔŋ anyuùŋ nyìmàŋ fɛi nyiŋ nyàŋ bà naŋ woò lɛ, ‘Yàwi nàŋ yaà aŋ jɔ̀àuŋ nyàŋ.’

Luùm 16:27

Tɔɔɓaa, esàɓù Jisɛ̀ Kulaìɛ sùà, è joowàìŋ wo Dayà guùŋ kɛ̀ɛ̀nɛ̀ŋ jiikɛ̀ɛɔ̀ wèè julɔfɔ. Àmiinàŋ.

1 Kɔliìŋ 11:12

Nààŋ nɔŋ wo jɔùŋ naŋ wa fòlò wo felaa e kɔɔo sùà, e ɗèwè guùŋ nii sùà nɔŋ wo jɔùŋ naŋ kòmò wo felaa, yèè wo Dayà nàŋ nyɛnɛŋ maŋ keì bi gbiŋ maŋ kaaìŋ.

1 Kɔliìŋ 8:6

È kùwàìŋ nɔŋ wo Dàyà guùŋ kpò, wo Dèdaà, wo yèɔ naŋ bànè manɛ̀ŋ maŋ gbiŋ wɔ̀, yèè wèè wo yèɔ è yààìŋ e ɗuunyaŋ wɔ̀. E kìlà è kùwàìŋ nɔŋ wo Kànà guùŋ kpò, wo Kanaà Jisɛ̀ Kulaì wo yèɔ e saɓùuŋ nɛ̀ sùà manɛ̀ŋ maŋ gbiŋ naŋ wa yɛ̀mɛ̀ e bàne wɔ̀, yèè e saɓùuŋ nɛ̀ sùà è yààìŋ fuɔŋ.

Gàla 1:5

E jòòwo e nɔ̀ŋ koɓɛ̀ Dayài wèè julɔfɔ yèè julɔfɔ! Àmiinàŋ.

Fèle 4:20

Tɔ̀ e jòòwo nɔ̀ŋ koɓɛ̀ Dayài wo Dèda wiɔ̀ wèè julɔfɔ yèè julɔfɔ! Àmiinàŋ.

1Time 1:17

Koɓɛ̀ wo Kànà wɔŋ nyiiŋ gèe gò jùàa, wo Dayà gunɔ̀ɔŋ, e jòòwo yèè e dɛ̀ɛ̀kɛ nɔ̀ŋ ko nɛ̀ɛ̀uŋ niìŋ wèè julɔfɔ yèè julɔfɔ! Àmiinàŋ.

1Time 6:16

Wuŋ guùŋ nɔŋ nàŋ yaà wo Dàyà nyiiŋ gèe gò jùà, tɔɔɓaa wò yaà e gbolòùŋ sùà e yèɛ wo nyùùŋ fè ɓɛ̀nɛ̀ŋ gbɛ̀ɛ̀ kɔɔ lɛ̀. Wo nyùùŋ bà gbiŋ kòò wò yɛ̀mɛùŋ wa, e kìlà wo nyùùŋ gbiŋ fòuŋ yɛmɛ̀. E jòòwo yèè e gaàŋ gò kɛ̀ɛ̀nɛ̀ŋ dìa nɔ̀ŋ koɓɛ̀ Dayài wèè julɔfɔ! Àmiinàŋ.

2Time 4:18

Wo Kanaà doim nàŋ joeyè woim gè maŋ keì naanààŋ sùà, e kìlà woim kɔ̀à e Kànà àìjɛnɛ̀uŋ nɛ̀ sùà. Tɔ̀ e jòòwo nɔ̀ŋ e weèuŋ wèè julɔfɔ yèè jùlɔ̀fɔ̀! Àmiinàŋ.

Hiɓu 2:10

Wo Dayà nàŋ kanaŋ manɛ̀ŋ bàne màŋ gbiŋ, yèè e gaàuŋ nɛ̀ sùà wò naŋ wa bànè manɛ̀ŋ maŋ gbiŋ. Yèè è yaà wa e kèì tɔ̀ɔ̀nyaàŋ wo Dayà naŋ wa nyɛ̀nɛ̀ŋ, e teengaà wò naŋ nyɛ̀nɛ̀ŋ wo Jisɛ̀ naŋ nɔ̀ŋ wo nyuùŋ tùlìà jii dìà sùà nààŋ wò naŋ wa kɔ̀ e keì nyìnga dìì, wèè wo nyɛ̀nɛ̀ŋ aŋ jɔ̀à Dayà nyaŋ zimgbe nyiŋ aŋ nɔ̀ŋ jòèye nyiŋ, yèè aŋ nɔ̀ŋ aŋ bà nyiŋ bà wèè e jòòwò Dayàa.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.

1Pììlɛ 5:11

E gààŋ nɔ̀uŋ wèè julɔfɔ yèè julɔfɔ! Àmiinàŋ.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.

Juù 1:25

Kìɛ̀ŋ wiìŋ e tɛ̀nɛŋ wo Dayà Nyuùŋ Jòèye wiɔ̀, esàɓù Jisɛ̀ Kulaì wo Kana wiɔ̀ sùà. Ko tɔ̀ɔ̀tù e ɗuunyaàŋ yèè nàaŋ yèè julɔfɔ è siaŋ maŋ jòòwò Dayà, mauŋ kìɛ̀ŋ e ɓɛ̀ɛ̀jàa, mauŋ tɛnɛ̀ŋ wèè e gaàuŋ nɛ̀ tɔɔɓaa. Àmiinàŋ.

Maŋ kèì nyɛɛnɛŋ 19:1

Eɓìèmàŋjɛ̀wɛ̀ tɛɛ̀, mìŋ naŋ kòmò ebò mààŋ anyùùŋ nàŋ yaà gbuuye ko àìjɛnɛ̀ŋ, àŋ yaà kpàaŋ sùà àŋ woà nyààŋ, “Tɛ̀nɛ̀ŋ wììŋ Dayà! Wuŋ nàŋ kanaŋ e jòèye, e jòòwo, yaà e gààŋ!

Maŋ kèì nyɛɛnɛŋ 21:6

Wò naŋ ɓɛìŋ woò wààŋ, “È nɔ̀ŋ nyɛ̀nɛŋ niŋ. Miàŋ nàŋ yaà jiɛ̀jiɛ̀ɔ yaà wo dìàmaàŋ, ko tɔɔtuì yèè ko jee ɗìi. Wo nyùnɔ̀ɔŋ gbiŋ ke jòòmàì yaà wɔ, mìŋ douŋ nàŋ kìɛ̀ŋ e tɔ̀ɔ̀nyaàŋ wèè wo tìà e wùìyè e yìwìà e wùìyè jɔ̀à nyiiŋ gèeɔ̀ sùà e yèɛ wo naàŋ kìɛ̀ŋ è nɛ̀ŋ gbiŋ lɛ̀.

Maŋ kèì nyɛɛnɛŋ 7:10

Àŋ naŋ wa kpààŋ sɛiŋ nyààŋ, “Wo Dayà wiɔ̀ jaa ke kpùà kanaà diɛŋ yaà wo Ɓaawaaà wɔ, kuwa gààŋ wèè wo jòèyè anyunùuŋ nyàŋ!”

Maŋ kèì nyɛɛnɛŋ 7:12

Àŋ yaà wa woo nyààŋ, “Àmiinàŋ! E tɛ̀nɛŋ, e jòòwo, e jiikɛ̀ɛ, ke sɛ̀ gèe, e ɓɛ̀ɛ̀jàa, e gààŋ, yaà e gaàŋ gbee nɔ̀ŋ koɓɛ̀ wo Dayà wiɔ̀ julɔfɔ yèè julɔfɔ! Àmiinàŋ!”