Luùm 11:32 - WƆŊ FƐ̀Ì EBÒ SÌÀŊ DAYÀA

³² Wo Dayà naŋ nyɛ̀nɛ̀ŋ anyùùŋ nyaŋ gbiŋ anyùùŋ màŋ keì esàɓù maŋhɛɛ gèe nyiŋ màŋ, wèè kɛ̀ wo tɔɔ̀ aŋ gbiŋ ke nyowo.

Luùm 11:32 ပူးပေါင်းရင်းမြစ်များ

Jɔ̀ɔŋ 1:7

Wò naŋ wa hnè wèè wo kiɛ̀ŋ ke mìè seì wèè e gbolòùŋ nɛ, wèè kɛ̀ anyùùŋ nyaŋ gbiŋ naŋ ɓɛ̀nɛ̀ŋ kùwùè e hààwe wo nyùnɔ̀ɔŋ yaà e gbolòùŋ nɛ wɔ sùà.

Jɔ̀ɔŋ 12:32

Sèè miàim wo Jɔ̀àfèlàà Nyuùŋ kpùnɔɔ̀ŋ nɔ̀ŋ wa nàwèè jòòwoim e ɗuunyaàŋ diɛŋ, mìŋ do nàŋ nyɛ̀nɛ̀ŋ anyùùŋ nyaŋ gbiŋ aŋ hnàŋ ko nɛ̀ɛ̀ŋ miìŋ.”

Luùm 11:31

E ɗèwè guùŋ lɛɛ̀ sùà, esàɓù ke nyowoɛ̀ wo Dayà naiŋ tɔɔ̀ lɛ, aŋ Juùù nyaŋ àŋ naàŋ gììyà wo Dayà maŋhɛɛ wèè e nyɛ̀nɛ̀ŋ saɓù wo Dayà tɔɔ̀ nyiŋ ke nyowo nyiiŋ pɛɛ.

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

Luùm 3:9

Kiìŋ tɛɛ̀ gbiŋ naŋ fasàì? Tɛɛ̀ ɓɛ̀nɛ̀ŋ tɔ̀ɔ kɛ̀ yàwi nààŋ Juùù nyaŋ tuwàìŋ tɛ̀ɛ̀ e nìàŋ anyùùŋ nyaŋ fè àŋ Juùù nyaŋ? Kpele, e fè yɛi! Aŋ Juùù, e kpùlìà anyùùŋ nyaŋ fè àŋ Juùù nyaŋ, aŋ gbiŋ àŋ yaà e gààŋ maŋ jùumù dìì, màànààŋ nɔŋ mìŋ naŋ woò lɛ.

Luùm 5:19

Màànààŋ nɔŋ yàwi nààŋ gbiŋ naiŋ wa nɔ̀ŋ anyùùŋ maŋ jùumù esàɓù e jùùmù wo nyùùŋ guùŋ lɛ, wo Adamàŋ, e ɗèwè guùŋ bi sùà wo Dayà naŋ wi jàà kùàŋ dìì esàɓù e tɔ̀ɔ̀nyààŋ wo nyùùŋ guùŋ, wo Jisɛ̀ Kulaì.

Gàla 3:22

Kɛɛ wɔŋ fɛ̀ì Dayàa naŋ woò wààŋ, anyuùŋ kpùuŋ nyàŋ gbiŋ àŋ yaà e gààŋ jùumù dìì. Yèè weètii, e ɗààhiìɛ wo Dayà naŋ wa ɓemè lɛ, è do nàŋ nɔ̀ŋ wèè anyùùŋ nyaŋ gbiŋ naŋ hààwè wo Jisɛ̀ Kulaì nyaŋ.

Gàla 3:23

Ke Sàwàa kè toomàŋ wì, yèè ke naŋ wi gbìɛ̀ŋ e gaàŋ nyiŋ nɛ̀ dì e jèèsùà e teengaà e hnàŋ, wèè sèè è naiŋ ɓɛ̀nɛ̀ŋ kɛ̀ɛ̀nɛ̀ŋ e hààwe.