Luùm 11:25 - WƆŊ FƐ̀Ì EBÒ SÌÀŊ DAYÀA

²⁵ Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

Luùm 11:25 ပူးပေါင်းရင်းမြစ်များ

Maafiù 13:11

Wo Jisɛ̀ naŋ nyiŋ woò wààŋ, “Wèè yɛ̀iŋ, wo Dayà wòiŋ nyɛ̀nɛ̀ŋ nàŋ nyìmàŋ ke gbùnù e Kànà àìjɛnɛ̀ɛŋ, kɛɛ e fè wèè nyiŋ.

Luù 21:24

Àŋ do nàŋ jìwìè aŋ bà nyiŋ maŋ kòyà ɗùà. Àŋ do nàŋ kɔ̀ɔ̀ aŋ bà nyiŋ e pèesìnàŋ dìì maŋ fuɔŋ joo sùà. Anyùùŋ nyaŋ fè àŋ Juùù nyaŋ do nàŋ ɓèmè ko Jùlusɛ̀làm, e kìlà aŋ doo nàŋ jeè e jèèsùà e tèèngà anyùùŋ maŋ fuɔŋ joo nyàŋ e jùà.

Jɔ̀ɔŋ 10:16

Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

Luùm 11:12

E jùùmù aŋ Juùù nyaŋ naŋ hìɛ̀ŋ e kpùùmaŋ gbee koɓɛ̀ anyùùŋ e ɗuunyaàŋ, yèè e hààwe gò kɛɛnɛ̀ŋ nyiŋ nɛ̀ naŋ hìɛ̀ŋ e kpùùmaŋ gbee koɓɛ̀ anyùùŋ nyaŋ fè àŋ Juùù nyaŋ. Kpeiŋ e kpùùmaŋ bi do wa nàwèè nàŋ gàŋ zimgbe sèè aŋ Juùù nyaŋ aŋ wa nàwèè nɔ̀ŋ aŋ bà nyiŋ bà wèè e kpùùmaŋ bi.

Luùm 11:24

Nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, nìŋ yaà mààŋ maŋ kuù kpee wèè ke ɔlè kùù gbee ke yèɛ naŋ wùìyè kùàŋ kiiŋ bi yɛ̀, maŋ yè maŋ wo Dayà naŋ nyɛ̀nɛ̀ŋ màŋ naŋ nɔ̀ŋ maŋ bà miŋ bà wèè ke ɔlè kùlɛ̀ɛ àŋ naŋ nyùɔ̀ŋ yɛ, jòòpɛɛ tɛɛ̀ fè yɛi nɔŋ kaaìŋ, wèè aŋ gbèyà maŋ kuù kpee joo, kpeiŋ aŋ miŋ jàànè koɓɛ̀ ke kuù joo bà ke yèɛ àŋ naŋ nyùɔ̀ŋ. Aŋ Juùù nyaŋ nàŋ yaà mààŋ ke kuù nyùaŋ yɛɛ̀. Yèè e gò nyìngà wèè wò Dayà wo ɓɛìŋ jàànè maŋ kuù kpee mɛɛ̀ŋ, kòɓɛ̀ kè ɔlè kuù nyùaàŋ wò naŋ miŋ gbèyè sùà yɛ.

Luùm 12:16

Nɔ̀ŋ wo nyuùŋ mɔ̀ɔ̀nɔŋ koɓɛ̀ anyùùŋ nyaŋ gbiŋ. Ɓɔ̀ mùŋ ɓemè muàŋ bi gbee yèè ɓɔ̀ mùŋ gongò kɛ̀ màŋ nyìmàŋ e nɛ̀ŋ e nìàŋ anyuùŋ gbànaŋ nyàŋ. Dèèyeè muàŋ bi koɓɛ̀ anyuùŋ gò kɛ̀ɛ̀nɛ̀ŋ nɛ̀ŋ nyaŋ.

Luùm 16:25

Jòòwò wiìŋ e tɛ̀ɛ̀tɛ̀ɛ̀ Dayàa! Wò ɓɛ̀nɛ̀ŋ nyɛ̀nɛ̀ŋ e hààwe mɔ̀ɛ̀ e nyìngà sùà wèè julɔfɔ esàɓù Ebò Siaàŋ mìŋ naiŋ woò lɛ e nyaàiŋ dè wo Jisɛ̀ Kulaì. Tɛɛ̀ nàŋ yaà ɓɛìŋ e yèɛ ke gbùnuɛ̀ yaà wa ko nyɛɛnɛŋ maŋ doà gɔu bà sùà yɛ.

Luùm 9:18

Weètii wo Dayà tɔɔ̀ ke nyowo koɓɛ̀ wo nyùnɔ̀ɔŋ gbiŋ wò manaŋ wɔ̀, yèè sèè wò mɔnɔŋ wèè wo nyɛ̀nɛ̀ŋ ke jìì nyùùŋ gbiŋ ke nɔ̀ŋ gbɔ̀mgbɔ̀ɔ̀, wò nyɛ̀nɛ̀ŋ nìŋ.

1 Kɔliìŋ 10:1

Mìŋ manaŋ naŋ jàà jii nyɛ̀iŋ nààŋ wùìyaim nyàŋ, kɛ̀ aŋ nèwàènèwe wi nyàŋ gbiŋ yaà wa ko fuùŋ kùwaì dìì kò yaà nyiìŋ yɛ̀ɛ̀mɛ̀ diɛŋ, e jèèsùà aŋ gbiŋ kɔ̀ɛ̀ wɔŋ Juwo Wɛinɔɔ̀ŋ sùà bòìbòì aŋ nìàŋ.

1 Kɔliìŋ 12:1

E nɛ̀ɛŋ nìŋ naŋ sìngè e nyaàiŋ dè e kèè maŋ kìɛŋ e yìwìà wo Jìnàŋ Dayà sìwè lɛ. Nyɛ̀iŋ nààŋ wùìyaim nyàŋ, mìŋ manaŋ naŋ nyìmàŋ e tɔɔɓaaà e nyaàiŋ e miŋ dè.

1 Kɔliìŋ 2:7

E jiikɛ̀ɛɛ̀ mìŋ woà e kiiŋ niŋ nɛ̀, wo Dayà nàŋ kanaŋ e jììkɛ̀ɛ̀ gbùnu bi, e yèɛ yaà ko nyɛɛnɛŋ koɓɛ̀ anyuùŋ kpùuŋ nyàŋ lɛ, kɛɛ wòiŋ wa tàeɗùù tɛ wèè e nɔ̀ŋ wèè e jòòwo wilɛ̀ pangàà pɛɛ wò naŋ wa bànè e ɗuunyaàŋ.

1 Kɔliìŋ 4:1

Kɛ̀ɛ̀nɛɛ̀ìŋ e gòngo wèè wi mààŋ aŋ ɓɔìjɔ̀à wèè Jisɛ̀ Kulaì, aŋ yè nyaŋ àŋ naŋ kìɛ̀ŋ e tòmo wèè aŋ gɔ̀àì ke mìè gbìàŋ ke gbùnù Dayàa sùà nyaŋ.

Ɛfesɔ̀ 1:9

Esàɓù e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ lɛ sùà, wo Dayà naŋ wi nyɛ̀nɛ̀ŋ wèè eiŋ nyìmàŋ e ɗèweɛ̀ wò kuwa ke gbùnu sùà, yèè wò naŋ naàŋ ɗewè tɛ wèè wo niŋ kpɛ̀ɛ̀yɛ̀ nyɛ̀nɛŋ esàɓù Jisɛ̀ Kulaì sùà.

Ɛfesɔ̀ 3:9

yèè wèè ka nyɛ̀nɛ̀ŋ anyùùŋ nyaŋ gbiŋ nyìmàŋ e ɗeweɛ̀ ke gbùnù Dayàa kuwa ke nɔ̀ŋ tòòmo nyiŋ lɛ̀. Wo Dayà wo yèɔ naŋ bànè e nɛ̀ŋ gbiŋ wɔ̀, naŋ wa nyɛ̀ɛ̀nɛ̀ŋ ke gbùnuuŋ nɛɛ̀ŋ e teenga lii gbiŋ sùà.

Ɛfesɔ̀ 4:18

Maŋ gòngo màŋ maŋ jii nyiŋ màŋ sùà naŋ kùwò nyìwì. Aŋ fè àŋ bà nyiŋ bà gbiŋ kòɓɛ̀ wɔ̀ŋ nyiiŋ gèeɔ̀ wò Dayà kiɛ̀ŋ wɔŋ, aŋ nyimààŋ è nɛ̀ŋ bà gbiŋ, yèè àŋ naŋ nyìngè e ɗì.

2Pììlɛ 3:8

Kɛɛ nyɛ̀iŋ nààŋ dàwi mànaim nyàŋ, ɓɔ̀ nìŋ nyɛɛnɛ̀ŋ è kèì guùŋ. Tiŋ nàŋ yaà, e fèemàŋ gòòno gbiŋ fè kò fɛ̀ɛ̀fèìŋ Kanaà wèè è fèèmàŋ kè gɔ̀ɛ̀ guùŋ yèè màŋ doa tààsùùŋ guùŋ. Ko nɛ̀ɛ̀uŋ niìŋ, maŋ kèì ɗì tìyèe miiŋ naŋ seenè kpaŋ.

Maŋ kèì nyɛɛnɛŋ 1:20

Kɛɛ̀ nàŋ yaà e fàsàì ke gbùnù maŋ ɗù nɔɔnɔŋ le tìyèe màŋ mùŋ naŋ yɛmɛ̀ mìŋ kuwa kùàŋ jìka màŋ, yaà maŋ gòoò laumpò kùù nɔɔnɔŋ le tìyèe màŋ. Maŋ ɗù nɔɔnɔŋ le tìyèe màŋ nàŋ yaà aŋ màìkà nɔɔnɔŋ le tìyèe nyàŋ wèè maŋ gbòò anyùùŋ hààwè ɗì nɔɔnɔŋ le tìyèe nyàŋ, yèè maŋ kuù sɛ̀ɛ̀ maŋ làùmpò nɔɔnɔŋ le tìyèe màŋ nàŋ yaà maŋ gbòò anyùùŋ hààwè ɗì nɔɔnɔŋ le tìyèe nyàŋ.”

Maŋ kèì nyɛɛnɛŋ 10:7

E teengaà wo màìkà nɔɔnɔŋ letìyèeɔ̀ do nàŋ fùɔ̀ŋ e pòtanàuŋ nɛ̀ lɛ, wo Dayà do nàŋ kpɛ̀ɛ̀yɛ̀ ke nyɛ̀nɛ̀ŋ gbùnuuŋ nɛɛ̀ŋ, nààŋ wò naŋ dàànè ebò siaàŋ koɓɛ̀ aŋ ɓɔìjɔ̀àuŋ nyàŋ, aŋ wɛ̀ijì nyaŋ.”

Maŋ kèì nyɛɛnɛŋ 11:15

Wo màìkà nɔɔnɔŋ letìyèeɔ̀ naŋ fùɔ̀ŋ e pòtanàuŋ nɛ̀, yèè mìŋ naŋ kòmò maŋ mìè gbɔ̀ɔ gbee e yìwìà ko àìjɛnɛ̀ŋ màŋ yaà woo wààŋ, “E kànà ɗuunyaàŋ è yaà naàŋ wèè wo Kana wiɔ̀ Dayà yèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, yèè wò do nàŋ nɔ̀ŋ wo kana wèè julɔfɔ yèè julɔfɔ.”

Maŋ kèì nyɛɛnɛŋ 7:9

Eɓìèmàŋjɛ̀wɛ̀ tɛɛ̀, mìŋ naŋ yɛ̀mɛ̀ anyuùŋ kpùuŋ jika aŋ yè nyaŋ wo nyùùŋ gbiŋ fè wa ɓɛ̀nɛ̀ŋ kpɛ̀nɛŋ nyàŋ. Àŋ yewe wa anyuùŋ kpùuŋ ziì gbiŋ sùà, maŋ ziì maŋ gbiŋ sùà, maŋ fuɔŋ màŋ gbiŋ sùà, yèè maŋ kàìŋ maŋ gbiŋ sùà. Aŋ gbiŋ naŋ sìè ke kpùà kanaà yaà wo Ɓaawaaà feìŋ, àŋ naŋ gɔ̀àì maŋ ɓuuɓane fua yèè àŋ kuwa maŋ siesaŋ sìwè.