Luùm 11:21 - WƆŊ FƐ̀Ì EBÒ SÌÀŊ DAYÀA

²¹ Wo Dayà gò wa yɛ̀mɛ̀ àŋ Juùù nyaŋ kè nyowo, aŋ yè nyaŋ yaà mààŋ maŋ kuù kpee kɛnɛ màŋ nyaŋ. Nìŋ naŋ gongò kɛ̀ wò doiŋ nàŋ yɛ̀mɛ̀ ke nyowo?

Luùm 11:21 ပူးပေါင်းရင်းမြစ်များ

Luùm 11:17

Nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, nìŋ yaà mààŋ maŋ kuù kpee wèè ke ɔlè kùù gbee ke yèɛ naŋ wùìyè kùàŋ kiiŋ bi yɛ̀, yèè wo Dayà naŋ nyɛ̀nɛ̀ŋ màŋ naŋ nɔ̀ŋ maŋ bà miŋ bà wèè ke ɔlè kùlɛ̀ɛ àŋ naŋ nyùɔ̀ŋ yɛ. Wo Dayà wòiŋ nyɛ̀nɛ̀ŋ nàŋ ɓèmè maŋ jɛ̀ì maŋ kuù kpee màŋ wò naŋ gbèyè maŋ e yìwìà ke yèɛ àŋ naŋ nyùɔ̀ŋ yɛ. Wèè esaɓù lɛɛ̀, nìŋ jikà e kpùùmaàŋ folo e gùlò ke kuù nyùaŋ yii sùà lɛ, nààŋ nìŋ naŋ nɔ̀ŋ aŋ bà nyiŋ bà.

Luùm 11:19

Nyɛ̀iŋ nààŋ bàiŋ nàŋ wɛ̀i ɓɛ̀nɛ̀ŋ wòo nààŋ, “Hɛ̀ɛɛ̀ŋ. Wo Dayà naŋ wa gbèyè maŋ kuù kpee miiŋ wèè eiŋ yɛ̀mɛ̀ ko jɛ̀i.”

Luùm 11:20

Tɛɛ̀ è yaà tɔɔɓaa. Wo Dayà naŋ nyiŋ wa jàà e ɓula esàɓù e hààwe gò kɛɛnɛ̀ŋ nyiŋ nɛ̀, yèè mùŋ jaa naàŋ ko jɛ̀i nyiŋ niìŋ, esaɓù kɛ̀ mùŋ kuwa e hààwe. Ɓɔ̀ mùŋ ɓemè muàŋ bi gbee weè niŋ, kɛɛ e jùù e nɔ̀um.

Luùm 11:22

Nyìmaìŋ kɛ̀ wo Dayà ɓɛ̀nɛ̀ŋ nɔ̀ŋ tɛ̀ɛ̀ ko nɛ̀ɛ̀iŋ niìŋ, yèè wòiŋ ɓɛ̀nɛ̀ŋ kìɛ̀ŋ e keì nyìnga. Wò kiɛ̀ŋ e keì nyìnga koɓɛ̀ anyùùŋ nyaŋ nauŋ fè jɛwɛ nyàŋ, kɛɛ wò nɔ̀ŋ tɛ̀ɛ̀ ko nɛ̀ɛ̀iŋ niìŋ sèè nìŋ jeeà ke nyɛ̀nɛŋ siauŋ nɛɛ̀ŋ sùà. Kɛɛ sèè nìŋ fòuŋ jɛwɛ, wò doiŋ nàŋ gè kùàŋ dìì woiŋ jàà e ɓula nyɛ̀iŋ pɛɛ.

Luùm 8:32

Tɔɔɓaa e fè ɓɛ̀nɛ̀ŋ nɔ̀ŋ wò Dayà, wo yèɔ gò wa kìlìà wò Jɔ̀àfèlàà wuŋ biɔ̀ kùàŋ feìŋ wɔ, wò nauŋ wa kiɛ̀ŋ e saaà gèe sùà wèè wo nɔ̀ŋ e kpùùmaŋ wèè yàwi nààŋ gbiŋ. Sèè wo Dayà naŋ wa tɛɛ̀ ɓɛ̀nɛ̀ŋ nyɛ̀nɛŋ, e gòiŋ haawè kɛ̀ wò wi ɓɛ̀nɛ̀ŋ kìɛ̀ŋ è nɛ̀ɛŋ gbiŋ wèè foo?

Juù 1:5

Jòòpɛɛ nàŋ nyìmàŋ tɛɛ̀ gbiŋ, kɛɛ, mìŋ manaŋ ka kɛ̀lɛ̀ɛ̀ maŋ jiiiŋ màŋ koɓɛ̀ e ɗeweɛ̀ wo Kanaà Dayà naŋ wa jòèyè anyùùŋ ko Ezɔ̀ɛ̀ nyaŋ e yìwìà e dìì fùɔ̀ŋ Ijèɛ diɛŋ lɛ̀, tii naŋ mààŋ, yèè wò naŋ pɔ̀ɔ̀pɔ̀ɔ̀ aŋ yè nyaŋ gò wa haawè nyaŋ.