Luùm 11:20 - WƆŊ FƐ̀Ì EBÒ SÌÀŊ DAYÀA

²⁰ Tɛɛ̀ è yaà tɔɔɓaa. Wo Dayà naŋ nyiŋ wa jàà e ɓula esàɓù e hààwe gò kɛɛnɛ̀ŋ nyiŋ nɛ̀, yèè mùŋ jaa naàŋ ko jɛ̀i nyiŋ niìŋ, esaɓù kɛ̀ mùŋ kuwa e hààwe. Ɓɔ̀ mùŋ ɓemè muàŋ bi gbee weè niŋ, kɛɛ e jùù e nɔ̀um.

Luùm 11:20 ပူးပေါင်းရင်းမြစ်များ

Luù 18:14

Kpeiŋ wo Jisɛ̀ naŋ woò wààŋ, “Nààŋ aŋ fèlàà tìyèe nyàŋ naŋ wa kɔ̀ maŋ gboo nyiŋ màŋ sùà, e kèè e tɔ̀ɔ̀nyààŋ wo nyuùŋ kùwà e nɛ̀ɛ̀nɛ̀ŋ fuɔɔ̀ŋ naŋ wa fɔ̀ɔ̀yɛ̀ wo Dayà jii, kɛɛ e fè wa wò Fɛlosiìɔ. Anyùùŋ nyaŋ joowà nyiŋ bi nyàŋ, wo Dayà do nyiŋ nàŋ deeyè. Anyùùŋ nyaŋ deeyà nyiŋ bi nyàŋ, wo Dayà do nyiŋ nàŋ joowò.”

Nyɛ̀nɛ̀ŋ 18:6

Ko diemeì, anyùùŋ nyaŋ nauŋ gììyè maŋhɛɛ yèè àŋ nauŋ fè maŋ mìè ɓɛ̀ɛ̀pɔ̀ɔ. Kpeiŋ wo Pɔɔ̀ naŋ gbùmò e buunùuɛ̀ maŋ dèè kɔɔuŋ màŋ yèè wò naŋ nyiŋ tɔ̀ɔ̀ maŋ kùàŋ wò naŋ woò wààŋ, “Sìaìŋ nyɛ̀iŋ bi jii wèè e yèɛ gbiŋ doiŋ nàŋ kaaìŋ lɛ, e naàŋ nɔ̀ŋ è kpàŋ è kɔɔim è do nàŋ nɔ̀ŋ e kèì ɗì maŋ sɛ̀ìŋ nyɛ̀iŋ bi màŋ! Yèè niŋ naìm sìè jii. E yìwìà nàaŋ mìŋ do nàŋ nɔ̀ŋ gbùùyè ke mìè Dayàa koɓɛ̀ anyùùŋ nyaŋ fè àŋ Juùù nyaŋ.”

Luùm 11:18

Weètii, ànyùùŋ nyaŋ wò Dayà naŋ jàà è ɓula nyàŋ, ɓɔ̀ nìŋ niingè nyiŋ fɛ̀ɛ̀, nyiŋ nàŋ yaà mààŋ maŋ kuù kpee maŋ yè maŋ wò naŋ wa gbèyè e yìwìà ke kuù gbeeɛ̀ àŋ naŋ nyùɔ̀ŋ yɛ sùà. Niŋ fè ɓɛ̀nɛ̀ŋ nyɛ̀nɛ̀ŋ e kuù gùlò lɛɛ̀ e nyìngàà sùà. E kuù gùlò lɛɛ̀ naŋ nyɛnɛŋ naŋ nyìngàà sùà.

Luùm 11:21

Wo Dayà gò wa yɛ̀mɛ̀ àŋ Juùù nyaŋ kè nyowo, aŋ yè nyaŋ yaà mààŋ maŋ kuù kpee kɛnɛ màŋ nyaŋ. Nìŋ naŋ gongò kɛ̀ wò doiŋ nàŋ yɛ̀mɛ̀ ke nyowo?

Luùm 12:16

Nɔ̀ŋ wo nyuùŋ mɔ̀ɔ̀nɔŋ koɓɛ̀ anyùùŋ nyaŋ gbiŋ. Ɓɔ̀ mùŋ ɓemè muàŋ bi gbee yèè ɓɔ̀ mùŋ gongò kɛ̀ màŋ nyìmàŋ e nɛ̀ŋ e nìàŋ anyuùŋ gbànaŋ nyàŋ. Dèèyeè muàŋ bi koɓɛ̀ anyuùŋ gò kɛ̀ɛ̀nɛ̀ŋ nɛ̀ŋ nyaŋ.

Luùm 12:3

Kà nyìmàŋ kɛ̀ wo Dayà naim kìɛ̀ŋ e tɛ̀ɛ̀tɛ̀ɛ̀uŋ nɛ̀ zimgbe, yèè weètii tɔ̀ miŋ woò nyɛ̀iŋ nààŋ bà guùŋ gbiŋ kɛ̀, ɓɔ̀ mùŋ ɓemè muàŋ bi gbee è do nìàŋ è ɗeweɛ̀ mùŋ yaà lɛ, tiŋ zà muŋ fè yɛi. Tòòmoò e gòngo siaŋ yèè muŋ gbaì muàŋ bi e nyaàiŋ dè e hààweɛ̀ wo Dayà naum kiɛ̀ŋ lɛ.

Luùm 3:3

È yaà tɔɔɓaa kɛ̀ aŋ Juùù nyaŋ bà nyiŋ gò wa hààwè kè miè gbìaàŋ wèè aŋ nyiŋ jɔ̀ɔ̀lɔ̀ dìì, màànààŋ àŋ naŋ wa jɔ̀ɔ̀ ɗààhiì kɛ̀ àŋ do nàŋ nyɛ̀nɛ̀ŋ lɛ. Weètii, tɛɛ̀ wɛ̀i ɓɛ̀nɛ̀ŋ tɔɔ̀ kɛ̀ wèè esàɓù e hààwe gò kɛɛnɛ̀ŋ nyiŋ nɛ̀, wo Dayà naàŋ nyiìŋ kpuumò nààŋ wò naŋ wa jɔ̀ɔ̀ e ɗààhiì wèè wo nyɛ̀nɛ̀ŋ lɛ?

1 Kɔliìŋ 10:12

Sèè nìŋ gongà kɛ̀ nìŋ sia tììŋ tììŋ, sɔɔ̀ naŋ yɛ̀mɛ̀ nyɛiŋ bi diɛŋ ɓɔ̀ nìŋ sɔ̀à.

1 Kɔliìŋ 15:1

Mìŋ manaŋ wèè kao dìkà maŋ jiiiŋ màŋ, nyɛ̀iŋ nààŋ wùìyaim nyàŋ, koɓɛ̀ Ebò Siaàŋ mìŋ yaà woo ko nɛ̀ɛ̀ŋ niìŋ lɛ, e yèɛ nìŋ naŋ jàà kùàŋ dìì lɛ, yèè e yèɛ nìŋ sia diɛŋ lɛ̀.

1 Kɔliìŋ 16:13

Ɓɔ̀ nìŋ nɔ̀ŋ màŋjàwè, sìeìŋ gbàùŋ gbàùŋ e hààweɛ̀ sùà, kùwieìŋ jii nyingè, niŋ nyìngà sùà.

2 Kɔliìŋ 1:24

E fè fɛ̀ɛ sùà wèè eiŋ tɔ̀ɔ̀ è nɛ̀ɛŋ nìŋ haawà lɛ, è nyìmàŋ kɛ̀ nìŋ sia gbàùŋ gbàùŋ e hààweɛ̀ sùà. Kɛɛ e gbio sùà, è yààìŋ tòòmò koɓɛ̀ guùŋ wèè e zɔ̀lɔ̀ nyɛ̀iŋ biɛ̀.

2 Kɔliìŋ 10:5

yaà e kpààwaa gbiŋ e yèɛ kilìà nyùùŋ kùàŋ feìŋ wo fè nyìmàŋ Dayà lɛ. È kuwo maŋ gòngò anyùùŋ e nyiŋ nyɛ̀nɛ̀ŋ aŋ jɔ̀ɔ̀lɔ̀ Jisɛ̀ Kulaì dìì.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Kòlo 2:7

Nyùaìŋ e gulòiŋ nɛ̀ wo Jisɛ̀ Kulaì ko sùà, e kìlà niŋ kɛɛnɛ̀ŋ gààŋ e hààweiŋ nɛ̀ sùà, màànààŋ àŋ naiŋ wa kaà lɛ. Kɛ̀ɛ̀nɛìŋ ke sɛ̀ gèe e teenga gbiŋ koɓɛ̀ Dayài.

2Tɛsè 2:4

Wò do nàŋ gììyè manɛ̀ŋ maŋ gbiŋ àŋ naŋ nyààŋ dayà ɔ̀ɔ̀ manɛ̀ŋ maŋ gbiŋ àŋ naŋ zoolà maŋ maŋhɛɛ, wò do nàŋ nyɛ̀nɛ̀ŋ mààŋ wò kuwa e gààŋ maŋ gbiŋ diɛŋ. Wò do ngèè pɛɛ nàŋ kɔ̀ ko Saaŋ Zòòlò Dayài wo woò wààŋ wuŋ nàŋ yaà wo Dayà.

1Time 6:17

Wòò anyùùŋ nyaŋ naŋ bàne wɔŋ nyììŋ gè ɗuunyaŋ lɛɛ̀ sùà nyaŋ ɓɔ̀ àŋ joowò nyiiŋ bi, e kìlà ɓɔ̀ àŋ sìà màŋ jii tùlia nyiŋ màŋ è bànè ɗuunyaŋ lɛɛ̀ sùà. Wòò nyiŋ aŋ kɛɛnɛ̀ŋ e hààwe wo Kanaà Dayà sùà, wo yèɔ kpuumàŋ wiì yèè wo wi kìɛ̀ŋ manɛ̀ŋ maŋ gbiŋ è jikàìŋ maŋ nyiiŋ gèe wi màŋ sùà maŋ.

Hiɓu 3:12

Wùìyaim nyàŋ, yɛ̀mɛìŋ nyɛ̀iŋ bi diɛŋ! Ɓɔ̀ nìŋ nyimèè wèè è keì naanààŋ è do jɔ̀à màŋ jiiŋ màŋ sùà, wèè niŋ go nàŋ fè è hààweiŋ nɛ̀ jɛwɛ koɓɛ̀ wo Dàyà nyiiŋ gèeɔ̀.

Hiɓu 3:19

Nààŋ wo Dayà naŋ wa ɓèmè e ɗààhiìuŋ nɛ̀, aŋ gò wa ɓɛ̀nɛ̀ŋ hàì kòɓɛ̀ è dììɛ esàɓù e hààwe gò kɛɛnɛ̀ŋ nyiŋ nɛ̀.

Hiɓu 4:11

Weètii nyɛ̀nɛ̀ŋ wiìŋ e tɛ̀ɛ̀tɛ̀ɛ̀ɛ gbiŋ è naiŋ ɓɛ̀nɛ̀ŋ nyɛ̀nɛŋ wèè e yɛmɛ̀iŋ e nyiiŋ gèe lii, wèè kɛ̀ yàwi nààŋ bà guùŋ gbiŋ gòiŋ niŋ nàŋ sòò yɛ̀mɛ, màànààŋ àŋ naŋ wa nyɛ̀nɛ̀ŋ esàɓù e hààwe gò kɛ̀ɛ̀nɛ̀ŋ nyiŋ nɛ̀.

Hiɓu 4:6

Anyuùŋ jiɛ̀jiɛ̀ nyaŋ naŋ wa kòmò Ebò Siaàŋ nyaŋ, aŋ gò wa yɛ̀mɛ̀ è nyiiŋ gèe lii, esaɓù kɛ̀ aŋ gò niŋ wa haawè. Anyùùŋ bà kòò àŋ yaà, aŋ yè nyaŋ wo Dayà naŋ nyiŋ gè nyààŋ diɛŋ wèè aŋ niŋ yɛmɛ̀.

Jìiiŋ 2:19

Mùŋ naŋ haawè kɛ̀ wo Dayà yaà nɔŋ wò guùŋ? Keì sìàŋ le! Aŋ jinàŋ naanààŋ nyaŋ nyiŋ pɛɛ àŋ naŋ niŋ haawè e jèèsùà àŋ jele kɔɔ kpàkpà wèè e jùù.

Jìiiŋ 4:6

Kɛɛ e mànaàŋ wo Dayà kiɛ̀ŋ lɛ è naŋ nyìngè sùà. Màànààŋ wɔŋ fɛ̀ì Dayàa naŋ woò lɛ kɛ̀, “Wo Dayà giiyà wo nyùnɔ̀ɔŋ ɓemàŋ wuŋ bi gbee wɔ̀ maŋhɛɛ, kɛɛ wo kìɛ̀ŋ wo nyùnɔ̀ɔŋ deeyà wuŋ bi wɔ̀ e keì sìàŋ.”

1Pììlɛ 1:17

Nìŋ nyaaŋ Dayà Dèda, sèè nìŋ nɔ̀ŋ zoolo, wo yèɔ gbaì e keì koɓɛ̀ anyùùŋ nyaŋ gbiŋ e ɗèwè guùŋ nɛ e yìwìà e tùwò kìì nyùùŋ gbiŋ sùà wɔ. Wèètii, e jùù nɔ̀iŋ kɔɔ sùà wèè Dayà maŋ nyiiŋ gèe gbànaiŋ màŋ sùà e ɗuunyaàŋ diɛŋ.

1Pììlɛ 5:12

Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.

1Pììlɛ 5:9

Nyìngaìŋ e hààweiŋ nɛ̀ sùà niŋ giiyàuŋ maŋhɛɛ, esaɓù nàŋ nyìmàŋ kɛ̀ ke gbòò aŋ wùìya nyàŋ e ɗuunyaàŋ gbiŋ sùà, àŋ yaà kɔ̀ɔ̀yɛ̀ maŋ kèì nyìngà guùŋ mɛɛ̀ŋ dìì.

Maŋ kèì nyɛɛnɛŋ 18:7

Kìɛnùuŋ maŋ keì nyìnga zimgbe yaà ke jii mɔ̀ɔ̀nɛŋ, màànààŋ nɔŋ wò naŋ wa kìɛ̀ŋ wuŋ bi e jòòwo yèè wò naŋ jìkà e tɛ̀ɛ̀tɛ̀ɛ̀ ɗuunyaàŋ lɛ, esaɓù wò woà wuŋ bi ke jiiuŋ nɛɛ̀ŋ sùà wààŋ, ‘Kià mìŋ jaa, miàŋ nàŋ yaà wo jɔùŋ kana gbeeɔ̀! Miŋ fè wò jɔ̀ùnèèdàà, julɔfɔ miŋ naàŋ wa nàwèè kɛ̀ɛ̀nɛ̀ŋ kè jii mɔ̀ɔ̀nɛŋ!’

Maŋ kèì nyɛɛnɛŋ 3:17

Mùŋ woà mààŋ, ‘Mìŋ naŋ banè yèè mìŋ yaà tɛ̀ɛ̀, mìŋ kuwa e nɛ̀ɛŋ gbiŋ mìŋ naŋ kpɛɛ̀ŋ weè niŋ lɛ̀.’ Kɛɛ muŋ nyimààŋ è ɗeweɛ̀ ke jii mɔ̀ɔ̀nɛŋ naum wòòyè fùùŋ e kìlà mùŋ naŋ tɛɛwɛ̀ wèè aum tɔ̀ɔ̀ ke nyowo lɛ̀. Mùŋ yaà wo nyuùŋ kɛ̀ɛ̀o sìwè, ke kpanja, yèè wo nyuùŋ zììlè fɛ̀ɛ̀.