Luùm 11:14 - WƆŊ FƐ̀Ì EBÒ SÌÀŊ DAYÀA

¹⁴ Mìŋ kuwa ke jii tùlia e ɗewe lɛɛ̀ sùà, wèè ka nyɛ̀nɛ̀ŋ anyùùŋ maŋ sɛ̀ìŋ miŋ bi màŋ, aim gììyà koo, wèè esàɓù e tòmoɛ̀ mìŋ naŋ nyɛ̀nɛ̀ŋ lɛ, wèè kɛ̀ wo Dayà joeyè aŋ bà nyiŋ.

Luùm 11:14 ပူးပေါင်းရင်းမြစ်များ

Luùm 10:19

Tɔ̀ miŋ dawè ɓɛìŋ, anyùùŋ Ezɔ̀ɛ̀ nyaŋ gò wa kòmàŋ kè miè gbìaŋ yɛɛ̀, yèè aŋ nyiŋ nyìmàŋ tɛ̀ɛ̀? Wo Mòòze wuŋ bi, wo yèɔ yaà wa gbuuye wèè Dayà wɔ, wuŋ jiɛ̀ naŋ wa fàsàì wɔŋ mààŋdàwè wɛɛ̀ŋ, nààŋ wò naŋ wa woò wààŋ, “Wo Kanaà Dayà wààŋ, ‘Mìŋ do nàŋ nyààŋ anyùùŋ nyaŋ kuwà màŋ fuɔŋ ɗi nyàŋ, wèè e sùàŋ anyunùim nyàŋ maŋ jii. Yèè e yìwìà anyùùŋ maŋ fùɔ̀ŋ ɗì anyuùŋ zùwo, mìŋ do nàŋ nyɛ̀nɛ̀ŋ anyunùim nyàŋ aŋ tuù.’ ”

Luùm 11:11

Weètii tɔ̀ mìŋ dawè mìàŋ, nààŋ aŋ Juùù nyaŋ naŋ wa duonò, àŋ naŋ sɔ̀ɔ̀ aŋ gò wa yèwà dìì? E gò yɛi wa kaaìŋ. Àŋ naŋ wa yèwè dìì. Esàɓù maŋ keì naanààŋ nyiŋ màŋ, naŋ nyɛ̀nɛ̀ŋ anyùùŋ nyaŋ fè àŋ Juùù nyaŋ naŋ wa nɔ̀ŋ jòèye nyiŋ, yèè tɛɛ̀ nàŋ do nàŋ nyɛ̀nɛ̀ŋ anyùùŋ Ezɔ̀ɛ̀ nyaŋ aŋ nyiŋ gììyà le koo.

Luùm 9:3

wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

1 Kɔliìŋ 10:33

Nyɛ̀nɛìŋ nɔŋ màànààŋ mìŋ nyɛnɛŋ lɛ̀, mìŋ fɛɛ wèè ka nyɛ̀nɛ̀ŋ wo nyùùŋ gbiŋ ke jiiuŋ nɛɛ̀ŋ ke fà maŋ nɛ̀ŋ nyɛ̀nɛim màŋ gbiŋ sùà. Miŋ fè gongò wèè è kèì sìàŋ miàŋ biɛ̀, sɔɔ̀ e kèì sìàŋ wèè anyùùŋ nyaŋ gbiŋ e wèè aŋ yɛmɛ̀ e jòèye.

1 Kɔliìŋ 7:16

Diè mùŋ naŋ ɓɛ̀nɛ̀ŋ hààwe kɛ̀ muŋ naàŋ jòèyè wò faniŋ mɔɔ̀ŋ muàŋ jɔùŋ kùwìè è hààweɔ̀, ɔ̀ɔ̀ diè mùŋ do nàŋ nyìmè kɛ̀ mùŋ do nàŋ jòèyè wo jawè mɔɔ̀ŋ, muàŋ felaa kùwìè e hààweɔ̀?

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,

1Time 2:4

wo yèɔ manaŋ wèè wo nyùùŋ gbiŋ yɛ̀mɛ̀ e jòèye yèè wo nyìmàŋ e tɔ̀ɔ̀nyaàaŋ wɔ̀.

1Time 4:16

Yɛ̀mɛ̀ muaŋ bi diɛŋ, yèè e nɛ̀ɛŋ mùŋ kaà anyùùŋ nyaŋ lɛ̀ diɛŋ. Jèèe ko nyìnìè maŋ keì mɛɛ̀ŋ, efefoo sèè mùŋ nyɛ̀nɛ̀ŋ miìŋ, mùŋ do nàŋ jòèyè muaŋ bi yèè aŋ yè nyaŋ gbiŋ mùŋ naŋ kàa nyaŋ.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.

Taitɔ̀ 3:5

wò naŋ wi joeyè. E fè kɛ̀ yàwi bi è naŋ nyɛ̀nɛ̀ŋ è tɔ̀ɔ̀nyaàŋ bà, kɛɛ e yìwìà ke nyòwò wuŋ biɛ̀ sùà wò naŋ wi joeyè, esàɓù Jìnàŋ nɛɛmaàŋ sùà, wo yèɔ naŋ wi kìɛ̀ŋ e kòmo jɛi yèè wɔŋ nyiiŋ gèe jɛi esàɓù e gùaà wò naŋ wi gùò lɛ sùà.

Felemɔ̀ŋ - PHM 1:12

Jòòpɛɛ mìŋ yaà tùàŋ sùà wo Onisimɔ̀ŋ ko nɛ̀ɛ̀ŋ muìŋ, kɛɛ ke jìì mànaŋ miɛ̀ŋ yàaùŋ maŋjɛ̀wɛ.

Hiɓu 1:14

Kiìŋ nàŋ yaà aŋ màikà nyaŋ? Aŋ màikà nyaŋ yaà aŋ jinàŋ aŋ yè nyaŋ tomàŋ wèè Dayà, e kìlà wò tùɔ̀ŋ nyiìŋ wèè aŋ kpuumàŋ anyùùŋ nyaŋ wò manaŋ wo joeyè nyaŋ.

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.

Jìiiŋ 5:20

jàaìŋ tɛɛ jii, wo nyùnɔ̀ɔŋ gbiŋ naŋ kɛ̀lɛ̀ɛ̀ ke jìì wo nyùùŋ maŋ jùumùɔ e yìwìà ke dòmaŋ ɓàuŋ nɛɛ̀ŋ diɛŋ wɔ̀, wò do nàŋ jòèyè wo jìnàŋ nyùùŋ maŋ jùumù wii e yìwìà e fàa dìì. Yèè tii è hiàŋ maŋ jùumù zimgbe jùùyà hakɛ̀.