Luùm 11:11 - WƆŊ FƐ̀Ì EBÒ SÌÀŊ DAYÀA

¹¹ Weètii tɔ̀ mìŋ dawè mìàŋ, nààŋ aŋ Juùù nyaŋ naŋ wa duonò, àŋ naŋ sɔ̀ɔ̀ aŋ gò wa yèwà dìì? E gò yɛi wa kaaìŋ. Àŋ naŋ wa yèwè dìì. Esàɓù maŋ keì naanààŋ nyiŋ màŋ, naŋ nyɛ̀nɛ̀ŋ anyùùŋ nyaŋ fè àŋ Juùù nyaŋ naŋ wa nɔ̀ŋ jòèye nyiŋ, yèè tɛɛ̀ nàŋ do nàŋ nyɛ̀nɛ̀ŋ anyùùŋ Ezɔ̀ɛ̀ nyaŋ aŋ nyiŋ gììyà le koo.

Luùm 11:11 ပူးပေါင်းရင်းမြစ်များ

Luù 20:16

Wò do nàŋ hnè wo jìwà anyuùŋ yɛ̀mɛ̀ ɓù diɛŋ nyiiŋ gbiŋ, e kìlà wo fè wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ koɓɛ̀ anyuùŋ joo bà.” Nààŋ anyùùŋ nyaŋ naŋ tɛɛ̀ kòmò, àŋ naŋ woò nyààŋ, “Julɔfɔ tɛɛ̀ ɓɔ̀ è kaaìŋ.”

Nyɛ̀nɛ̀ŋ 13:42

Nààŋ wo Pɔɔ̀ yèè wo Bànaŋɓà yaà wa kɔɔyɛ e yìwìà ko sààŋ zòòlò aŋ Juùù nyaŋ, anyùùŋ nyaŋ naŋ nyiŋ wa pɔwɔ̀ wèè aŋ hnàŋ ɓɛìŋ ke Ɗɔ̀ɔ̀ Zòòlò aŋ Juùù nyaŋ do ɓɛìŋ nàŋ hnè lɛ diɛŋ wèè wo Pɔɔ̀ yèè wo Bànaŋɓà aŋ nyiŋ ɓɛìŋ wòò e zimgbe niŋ nyaàiŋ dè ke mìè Dayàa.

Nyɛ̀nɛ̀ŋ 18:6

Ko diemeì, anyùùŋ nyaŋ nauŋ gììyè maŋhɛɛ yèè àŋ nauŋ fè maŋ mìè ɓɛ̀ɛ̀pɔ̀ɔ. Kpeiŋ wo Pɔɔ̀ naŋ gbùmò e buunùuɛ̀ maŋ dèè kɔɔuŋ màŋ yèè wò naŋ nyiŋ tɔ̀ɔ̀ maŋ kùàŋ wò naŋ woò wààŋ, “Sìaìŋ nyɛ̀iŋ bi jii wèè e yèɛ gbiŋ doiŋ nàŋ kaaìŋ lɛ, e naàŋ nɔ̀ŋ è kpàŋ è kɔɔim è do nàŋ nɔ̀ŋ e kèì ɗì maŋ sɛ̀ìŋ nyɛ̀iŋ bi màŋ! Yèè niŋ naìm sìè jii. E yìwìà nàaŋ mìŋ do nàŋ nɔ̀ŋ gbùùyè ke mìè Dayàa koɓɛ̀ anyùùŋ nyaŋ fè àŋ Juùù nyaŋ.”

Luùm 10:19

Tɔ̀ miŋ dawè ɓɛìŋ, anyùùŋ Ezɔ̀ɛ̀ nyaŋ gò wa kòmàŋ kè miè gbìaŋ yɛɛ̀, yèè aŋ nyiŋ nyìmàŋ tɛ̀ɛ̀? Wo Mòòze wuŋ bi, wo yèɔ yaà wa gbuuye wèè Dayà wɔ, wuŋ jiɛ̀ naŋ wa fàsàì wɔŋ mààŋdàwè wɛɛ̀ŋ, nààŋ wò naŋ wa woò wààŋ, “Wo Kanaà Dayà wààŋ, ‘Mìŋ do nàŋ nyààŋ anyùùŋ nyaŋ kuwà màŋ fuɔŋ ɗi nyàŋ, wèè e sùàŋ anyunùim nyàŋ maŋ jii. Yèè e yìwìà anyùùŋ maŋ fùɔ̀ŋ ɗì anyuùŋ zùwo, mìŋ do nàŋ nyɛ̀nɛ̀ŋ anyunùim nyàŋ aŋ tuù.’ ”

Luùm 11:1

Sèè è nɔ̀ŋ yɛi, kɛ̀ tɔ̀ miŋ dawè, wo Dayà naŋ wa fè anyùùŋ wuŋ bi nyàŋ jɛwɛ? Wo Dayà gò nyiŋ fè jɛwɛ. Yèè ngèè miàŋ bi mìŋ yaà wo nyùnòò Ezɔ̀ɛ̀, e yìwìà ke kpòò Eɓulɔhɛɛ̀ɛŋ sùà, yèè e yìwìà e zìì Bɛ̀njìmaiɛ̀ŋ lɛ̀ sùà.

Luùm 11:12

E jùùmù aŋ Juùù nyaŋ naŋ hìɛ̀ŋ e kpùùmaŋ gbee koɓɛ̀ anyùùŋ e ɗuunyaàŋ, yèè e hààwe gò kɛɛnɛ̀ŋ nyiŋ nɛ̀ naŋ hìɛ̀ŋ e kpùùmaŋ gbee koɓɛ̀ anyùùŋ nyaŋ fè àŋ Juùù nyaŋ. Kpeiŋ e kpùùmaŋ bi do wa nàwèè nàŋ gàŋ zimgbe sèè aŋ Juùù nyaŋ aŋ wa nàwèè nɔ̀ŋ aŋ bà nyiŋ bà wèè e kpùùmaŋ bi.

Luùm 11:14

Mìŋ kuwa ke jii tùlia e ɗewe lɛɛ̀ sùà, wèè ka nyɛ̀nɛ̀ŋ anyùùŋ maŋ sɛ̀ìŋ miŋ bi màŋ, aim gììyà koo, wèè esàɓù e tòmoɛ̀ mìŋ naŋ nyɛ̀nɛ̀ŋ lɛ, wèè kɛ̀ wo Dayà joeyè aŋ bà nyiŋ.

Luùm 11:31

E ɗèwè guùŋ lɛɛ̀ sùà, esàɓù ke nyowoɛ̀ wo Dayà naiŋ tɔɔ̀ lɛ, aŋ Juùù nyaŋ àŋ naàŋ gììyà wo Dayà maŋhɛɛ wèè e nyɛ̀nɛ̀ŋ saɓù wo Dayà tɔɔ̀ nyiŋ ke nyowo nyiiŋ pɛɛ.