Luùm 11:10 - WƆŊ FƐ̀Ì EBÒ SÌÀŊ DAYÀA

¹⁰ Tɔ̀ aŋ ziilè le fɛ̀ɛ̀, wèè kɛ̀ ɓɔ̀ àŋ yɛmɛ̀ dìì, yèè nyɛnɛ̀ŋ nyiŋ aŋ fungo maŋ keì nyìnga nyiŋ màŋ dìì e teenga gbiŋ sùà.”

Luùm 11:10 ပူးပေါင်းရင်းမြစ်များ

Luùm 1:21

Àŋ nyìmàŋ wo Dayà, kɛɛ aŋ fòuŋ kìɛ̀ŋ è ɓɛ̀ɛ̀jàa ɔ̀ɔ̀ auŋ gè sɛ̀. Maŋ gòngo nyiŋ màŋ yaà wèè foo, yèè maŋ jiikɛ̀ɛ gò kɛɛnɛ̀ŋ nyiŋ màŋ naŋ nyɛ̀nɛ̀ŋ àŋ nɔ̀ŋ ke nyìwì sùà.

Luùm 11:8

Nààŋ wɔŋ fɛ̀ì Dayàa naŋ woò lɛ, “Wo Dayà naŋ nyɛ̀nɛ̀ŋ maŋ jii nyiŋ màŋ nɔ̀ŋ dɔ̀ɔ̀mùùŋ. E yìwìà ke ɗɔɔ yii e hàì nàaŋ ɗɔɔ yɛɛ̀, wo Dayà naŋ nyiŋ nyɛ̀nɛ̀ŋ aŋ fè jàà keì jii e kìlà aŋ fè yɛ̀mɛ̀ keì gbiŋ dìò sùà tɛ̀ɛ̀ wɔ̀ŋ fàà Dayàa.”

Ɛfesɔ̀ 4:18

Maŋ gòngo màŋ maŋ jii nyiŋ màŋ sùà naŋ kùwò nyìwì. Aŋ fè àŋ bà nyiŋ bà gbiŋ kòɓɛ̀ wɔ̀ŋ nyiiŋ gèeɔ̀ wò Dayà kiɛ̀ŋ wɔŋ, aŋ nyimààŋ è nɛ̀ŋ bà gbiŋ, yèè àŋ naŋ nyìngè e ɗì.

2Pììlɛ 2:17

Anyùùŋ mààŋ nɛɛ̀ŋ àŋ yaà mààŋ maŋ gòò maŋ màì wòòye, mààŋ ko fuùŋ kùwaì wɔŋ dùfòìɔ dulà lɛ, ko nɔ̀ŋ nyiŋ niìŋ kò yaà bàànè hàa wo Dayà sìwè ke nyiwì kpɔtu kpɔ̀tùɛ sùà ko jàhamaŋ weè nyiŋ.

2Pììlɛ 2:4

Wo Dayà gò wa yɛ̀mɛ̀ àŋ màikà nyaŋ naŋ wa sɛ̀ɛ̀ màŋ jùumù sùà nyaŋ kè nyowo, kɛɛ wò naŋ nyiŋ gbìɛ̀ŋ ko jàhamaŋ, ko yèi àŋ naŋ nyiŋ sìè maŋ pela ke nyìwìɛ sùà, àŋ yaà fùlìè ke ɗɔ̀ɔ̀ gbài kitiɛ̀ ke hnàŋ.

Juù 1:13

Maŋ kpèè sàngè nyiŋ màŋ tɔɔ̀ miŋ bi mààŋ e fɔ̀ù bɔ̀ìŋ juwo diɛŋ. Àŋ yaà mààŋ maŋ ɗu gò jɛ̀ì è dìì aŋ yè nyaŋ wo Dayà wa bànè ke nyiwì kpùɛ dìì ko hàa weè nyiŋ ko jàhamaŋ wèè julɔfɔ lɛ̀.

Juù 1:6

Jàaìŋ e kèì aŋ màikà nyaŋ jii aŋ yè nyaŋ gò wa jɛ̀ì màŋ toomo nyiŋ màŋ wo Dayà naŋ nyiŋ wa jàà maŋ, kpeiŋ àŋ naŋ yèwè maŋ toomo nyiŋ màŋ yèè àŋ naŋ gììyè maŋ gbòò nyiiŋ bi màŋ kɛ̀ɛ. E wèètii wo Dayà naŋ nyiŋ wa dìkìè maŋ jɔ̀ɔɔ wèè fɔfɔ̀fɔ, ke nyiwì kpùɛ dìì ko yèi wo Dayà naŋ nyiŋ gbìɛ̀ŋ wèè aŋ fòlà ke ɗɔ̀ɔ̀ kiti hàaà lɛ, e kìlà wo Dayà do nyiŋ wa nàwèè nàŋ pɔ̀ɔ̀ɓɛ̀ɛ.