Luùm 11:1 - WƆŊ FƐ̀Ì EBÒ SÌÀŊ DAYÀA

¹ Sèè è nɔ̀ŋ yɛi, kɛ̀ tɔ̀ miŋ dawè, wo Dayà naŋ wa fè anyùùŋ wuŋ bi nyàŋ jɛwɛ? Wo Dayà gò nyiŋ fè jɛwɛ. Yèè ngèè miàŋ bi mìŋ yaà wo nyùnòò Ezɔ̀ɛ̀, e yìwìà ke kpòò Eɓulɔhɛɛ̀ɛŋ sùà, yèè e yìwìà e zìì Bɛ̀njìmaiɛ̀ŋ lɛ̀ sùà.

Luùm 11:1 ပူးပေါင်းရင်းမြစ်များ

Luù 20:16

Wò do nàŋ hnè wo jìwà anyuùŋ yɛ̀mɛ̀ ɓù diɛŋ nyiiŋ gbiŋ, e kìlà wo fè wɔŋ ɓù gbɛɛwɛ̀jɛ̀wɛ̀uŋ nɔɔ̀ŋ koɓɛ̀ anyuùŋ joo bà.” Nààŋ anyùùŋ nyaŋ naŋ tɛɛ̀ kòmò, àŋ naŋ woò nyààŋ, “Julɔfɔ tɛɛ̀ ɓɔ̀ è kaaìŋ.”

Nyɛ̀nɛ̀ŋ 22:3

Wo Pɔɔ̀ naŋ woò wààŋ, “Mìŋ yaà wo Juùù nyuuŋ, yèè àŋ naim wa kùmìè ko jawa gbeeì ko Tasɔ̀ wɔŋ fùɔ̀ŋ Sèlesìàa sùà. Kɛɛ kià ko Jùlusɛ̀làm mìŋ naŋ dɛɛkɛ̀, yèè mìŋ yaà wa wo kààjɔa e yìwìà ko gbòòkùàŋ Gàmaliàa. Yèè àŋ naim wa kaà wèè ka jɔ̀ɔ̀lɔ̀ maŋ sàwà aŋ nèwàènèwe wi nyàŋ gbiŋ dìì. Yèè ngèè mìŋ yaà wa e wànàŋ zimgbe sùà wèè ka jɔ̀ɔ̀lɔ̀ wo Dayà dìì mààŋ nyɛ̀iŋ nààŋ bà gbiŋ nàaŋ ɗɔɔ yɛɛ̀.

Nyɛ̀nɛ̀ŋ 26:4

“Aŋ Juùù nyaŋ gbiŋ àim nyìmàŋ e yìwìà e teengaà mìŋ yaà wa wo jɔ̀àkàìŋ jɔa lɛ̀. Àŋ nyìmàŋ kɛ̀ diè mìŋ naŋ nyìnìè wɔŋ nyiiŋ gèe miɔ̀ŋ wɔŋ fùɔ̀ŋ miàŋ biɔ̀ sùà yaà ko Jùlusɛ̀làm.

Luùm 11:11

Weètii tɔ̀ mìŋ dawè mìàŋ, nààŋ aŋ Juùù nyaŋ naŋ wa duonò, àŋ naŋ sɔ̀ɔ̀ aŋ gò wa yèwà dìì? E gò yɛi wa kaaìŋ. Àŋ naŋ wa yèwè dìì. Esàɓù maŋ keì naanààŋ nyiŋ màŋ, naŋ nyɛ̀nɛ̀ŋ anyùùŋ nyaŋ fè àŋ Juùù nyaŋ naŋ wa nɔ̀ŋ jòèye nyiŋ, yèè tɛɛ̀ nàŋ do nàŋ nyɛ̀nɛ̀ŋ anyùùŋ Ezɔ̀ɛ̀ nyaŋ aŋ nyiŋ gììyà le koo.

Luùm 3:4

Tii nààŋ e gò fasàì. Wo Dayà yaà tɔ̀ɔ̀nyaàŋ, jòòpɛɛ anyuùŋ kpùuŋ nyàŋ gbiŋ aŋ fè tɔ̀ɔ̀nyaàŋ. Wɔŋ fɛ̀ì Dayàa naŋ woò wààŋ, “Maŋ mìè gbòaum màŋ tɔɔ̀ kɛ̀ mùŋ yaà tɔ̀ɔ̀nyaàŋ sèè mùŋ woà e keì. Mùŋ kuwa maŋ kɛ̀ɛ̀nɛ̀ŋ gɛŋ sèè mùŋ nɔ̀ŋ kɔ̀ɔ̀yɛ̀ e gbài dìì.”

Luùm 9:3

wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

2 Kɔliìŋ 11:22

Àŋ yaà aŋ Hiɓulù nyuuŋ? Mìŋ yaà wo bà. Àŋ yaà anyùùŋ ko Ezɔ̀ɛ̀? Mìŋ yaà wo bà. Àŋ folo ke kpòò Eɓulɔhɛɛ̀ɛŋ sùà? Yɛi nɔŋ mìŋ yaà.

Fèle 3:5

Mìŋ yaà wa maŋ ɗɔ̀ɔ̀ nɔɔnɔŋ le taai nààŋ àŋ naim wa jàà kpùa. Anyuùŋ kòmaim nyàŋ àŋ yaà wa anyùùŋ fùɔ̀ŋ Ezɔ̀ɛ̀ɔ, e yìwìà e zìì Bɛ̀njìmaiŋ nɛ̀ sùà, yèè mìŋ kuwa maŋ sɛ̀ìŋ aŋ Hiɓulù nyuuŋ. Nààŋ mìŋ yaà wa wo Fɛlosiì lɛ, mìŋ naŋ wa jɔ̀ɔ̀lɔ̀ maŋ Sàwà Dayà maŋ gbiŋ dìì.