Luùm 10:4 - WƆŊ FƐ̀Ì EBÒ SÌÀŊ DAYÀA

⁴ Wo Jisɛ̀ Kulaì naŋ wa hìɛ̀ŋ maŋ Sàwà maŋ ko dìa, wèè kɛ̀ anyùùŋ nyaŋ gbiŋ kɛɛnɛ̀ŋ hààwe nyàŋ, àŋ do nàŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài.

Luùm 10:4 ပူးပေါင်းရင်းမြစ်များ

Maafiù 3:15

Kɛɛ wo Jisɛ̀ naŋ wa fàsàì yèè wò naŋ wòò wo Jɔ̀ɔŋ wààŋ, “Tɔ̀ e nɔ̀ŋ yɛi nyɛ̀nɛŋ niŋ e teenga lɛɛ̀ sùà esaɓù kɛ̀, yàwi nààŋ gbiŋ kuwa eiŋ niŋ nyɛ̀nɛ̀ŋ e nɔ̀ŋ e tɔ̀ɔ̀nyaàŋ màànààŋ wo Dayà manaŋ wèè eiŋ nyɛ̀nɛ̀ŋ lɛ.” Yèè wo Jɔ̀ɔŋ naŋ nyimèè wèè wouŋ gùà.

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Luùm 3:22

Wo Dayà jaa nɔŋ anyùùŋ kùàŋ dìì e tɔ̀ɔ̀nyaàŋ sùà esàɓù e hààweɛ̀ àŋ kuwa wo Jisɛ̀ Kulaì sùà lɛ. Wo Dayà nyɛnɛŋ tɛɛ̀ koɓɛ̀ anyùùŋ nyaŋ gbiŋ kuwa hààwe wo Jisɛ̀ Kulaì sùà nyaŋ, esaɓù kɛ̀ aŋ gbiŋ naŋ seenè kpaŋ.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

Gàla 3:24

Tɔɔɓaa ngèè, ke Sàwàa hewa wèè nàŋ nɔ̀ŋ wo kààmɔɔŋ wiɔ̀ e jèèsùà wo Jisɛ̀ Kulaì wo hnàŋ. Kpeiŋ kɛ̀, è doiŋ weè nàŋ ɓɛ̀nɛ̀ŋ kɛ̀ɛ̀nɛ̀ŋ e hààwe, e kìlà wo Dayà wo wi jàà kùàŋ dìì e tɔ̀ɔ̀nyaàŋ sùà.

Gàla 4:5

wèè wo bìlɛ̀ŋ aŋ yè nyaŋ yaà wa ke Sàwàa dìì nyaŋ, e kìlà wèè yàwi pɛɛ eiŋ nɔ̀ŋ aŋ jɔ̀à Dayà.

Kòlo 2:10

e kìlà tɔɔɓaa wo Dayà naiŋ nyɛ̀nɛ̀ŋ naŋ nɔ̀ŋ aŋ bàiŋbà wɔŋ nyiiŋ gèeuŋ nɔɔ̀ŋ sùà. Wuŋ nàŋ kuwa e gààaŋ aŋ sìèfèìŋ aŋ jìnàŋ nyaŋ yaà anyùùŋ gbèègbèè nyiŋ nyàŋ diɛŋ.

Kòlo 2:17

Maŋ keì mɛɛ̀ŋ gbiŋ yaà nɔŋ wɔ̀ŋ mììmììŋ maŋ keì maŋ do nàŋ kaaìŋ maŋ. Kɛɛ e kɛnɛɛ̀ nàŋ yaà ke kpùnàŋ Jisɛ̀ Kulaìɛ.

Hiɓu 10:14

E yìwìà è sàà gè ɗì gunùuŋ nɛ̀ wò naŋ gè lɛ, è naŋ gùò maŋ jùùmù anyùùŋ nyaŋ yèè àŋ nɔ̀ŋ anyùùŋ nɛɛmaŋ.