Luùm 10:2 - WƆŊ FƐ̀Ì EBÒ SÌÀŊ DAYÀA

² Mìŋ yaà wo seì kɛ̀ àŋ manaŋ wo Dayà zimgbe, kɛɛ aŋ kuwà è jiikɛ̀ɛ kɛnɛ niŋ.

Luùm 10:2 ပူးပေါင်းရင်းမြစ်များ

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Nyɛ̀nɛ̀ŋ 21:20

Anyùùŋ nyaŋ gbiŋ naŋ wa kòmò e nɛ̀ɛŋ wo Pɔɔ̀ naŋ woò lɛ naŋ wa tɛ̀nɛ̀ŋ wo Dayà yèè àŋ naŋ wòò wo Pɔɔ̀ nyààŋ, “Wùìya wiɔ̀, màŋ yɛ̀mɛ̀ anyuùŋ taasùùŋ jika nyàŋ kinɛiŋ aŋ Juùù nyaŋ sùà naŋ hààwè Kanaà Jisɛ̀ nyaŋ. Aŋ gbiŋ yaà e wànàŋ sùà wèè aŋ jɔ̀ɔ̀lɔ̀ maŋ Sàwà Dayà maŋ dìì.

Nyɛ̀nɛ̀ŋ 21:28

Kpeiŋ àŋ naŋ tɔ̀ɔ̀tù kpàaŋ nyààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kìɛìŋ e kpùùmaŋ! Wo felaa wɛɛ̀ nàŋ yaà kàà sùà anyùùŋ nyaŋ gbiŋ maŋ tàta màŋ sùà kɛ̀ aŋ fè anyuùŋ wi nyàŋ jɛwɛ e kìlà ɓɔ̀ àŋ jɔɔlɔ̀iŋ maŋ Sàwà maŋ wo Dayà naŋ kìɛ̀ŋ Mòòze màŋ dìì; eɓìèmàŋjɛ̀wɛ̀ tii, wò naŋ hìɛ̀ŋ anyùùŋ nyaŋ fè àŋ Juùù nyaŋ wo nyiŋ jɔ̀ɔ̀yɛ̀ ko Saaŋ Zòòlò Dayài, yèè wò gè e ɓɛ̀ɛ̀jàa zɛ̀nɛɛ̀ŋ ko zòòlò nɛɛmaŋ yaà!”

Nyɛ̀nɛ̀ŋ 22:22

E faaàŋ naŋ jèè kùmìè e yèɛ wo Pɔɔ̀ yaà woo lɛ̀, e jèèsùà wo tɛɛ̀ woò. Yèè anyùùŋ nyaŋ naŋ tɔ̀ɔ̀tù kpàaŋ nyààŋ, “Jiwàuŋ, wo fè tɛ̀ɛ̀ wèè wo nɔ̀ŋ wɔ̀ŋ nyiiŋ gèeɔ̀ sùà è ɗuunyaàŋ.”

Nyɛ̀nɛ̀ŋ 22:3

Wo Pɔɔ̀ naŋ woò wààŋ, “Mìŋ yaà wo Juùù nyuuŋ, yèè àŋ naim wa kùmìè ko jawa gbeeì ko Tasɔ̀ wɔŋ fùɔ̀ŋ Sèlesìàa sùà. Kɛɛ kià ko Jùlusɛ̀làm mìŋ naŋ dɛɛkɛ̀, yèè mìŋ yaà wa wo kààjɔa e yìwìà ko gbòòkùàŋ Gàmaliàa. Yèè àŋ naim wa kaà wèè ka jɔ̀ɔ̀lɔ̀ maŋ sàwà aŋ nèwàènèwe wi nyàŋ gbiŋ dìì. Yèè ngèè mìŋ yaà wa e wànàŋ zimgbe sùà wèè ka jɔ̀ɔ̀lɔ̀ wo Dayà dìì mààŋ nyɛ̀iŋ nààŋ bà gbiŋ nàaŋ ɗɔɔ yɛɛ̀.

Luùm 10:1

Wùìyaim nyàŋ, e mànaŋ gbee mɛ̀ ke jii miɛ̀ŋ sùà yèè e zòòlo mɛ̀ nàŋ yaà wèè wo Dayà jòèyè anyunùim nyàŋ ko Ezɔ̀ɛ̀.

Luùm 10:3

Kòò àŋ nyìmè è ɗeweɛ̀ wò Dayà jaa ànyùùŋ kùàŋ dìì wèè aŋ nɔ̀ŋ ànyùùŋ tɔ̀ɔ̀nyaàŋ kò nɛ̀ɛ̀uŋ niìŋ lɛ. Kɛɛ àŋ naŋ kàmè ɗewe wèè aŋ kàmè ke dòmàŋ nyiŋ bi. Weètii àŋ naŋ wa gè maŋhɛɛ wèè aŋ hààwè wo Dayà, wèè wo nyiŋ ɓemè wèè aŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

2 Kɔliìŋ 8:3

Kà ɓɛ̀nɛ̀ŋ nɔ̀ŋ wo seì kaiŋ wòò mìàŋ, àŋ naŋ kiɛ̀ŋ màànààŋ àŋ manaŋ wèè aŋ kiɛ̀ŋ lɛ, yèè àŋ naŋ ngèè pɛɛ kiɛ̀ŋ e nìàŋ e gààŋ kìɛŋ nyiŋ nɛ̀. E yìwìà maŋ jìì nyiŋ bi màŋ diɛŋ

Gàla 1:14

Mìŋ sia wa aŋ Juùù sèène dàwiim nyàŋ zimgbe nyiŋ feìŋ e kèè Dayà zòòloɛ̀ sùà, yèè mìŋ naŋ wa haamìŋ wèè ka jɔ̀ɔ̀lɔ̀ maŋ sàwà maŋ gbiŋ aŋ nèwàènèwe wi nyàŋ naŋ wi wa kiɛ̀ŋ maŋ dìì.

Gàla 4:15

Nìŋ yaà wa kai e zɔlɔ̀ sùà! Kiìŋ naŋ wa kaaìŋ? Miaŋ bi kà ɓɛ̀nɛ̀ŋ fè ke mìè seì kɛ̀ nàŋ wa ɓɛ̀nɛ̀ŋ gè maŋ fɛ̀ɛ̀ kòmàŋ nyɛiŋ bi màŋ e zɔlɔ̀ sùà, sèè nìŋ ɓɛnɛ̀ŋ, e kìlà naim miŋ kiɛ̀ŋ.

Fèle 1:9

Mìŋ zoolà wèè e mànaiŋ nɛ̀ e dɛɛ̀ sùà zimgbe, e nyɛ̀nɛ̀ŋ niŋ kɛɛnɛ̀ŋ jiikɛ̀ɛ e kìlà niŋ nyìmàŋ e keì fèemàŋ,

Fèle 3:6

E wànàŋ zimgbe yààìm wa wèè ka nìmìlà ke gbòò anyuùŋ hààwe nyàŋ. Nààŋ nɔŋ wo nyùùŋ naŋ ɓɛ̀nɛ̀ŋ nɔ̀ŋ wo nyùùŋ tɔ̀ɔ̀nyaàŋ nààŋ wò jɔɔlɔ̀ maŋ keì maŋ wo Dayà naŋ woò maŋ ke Sàwàa sùà lɛ, miŋ gò wa nyɛ̀nɛ̀ŋ è keì naanààŋ.

Kòlo 4:13

Mìàŋ bi mìŋ yaà wo seì kɛ̀, kà yɛ̀mɛ̀ e tòmo nyìngaà wò naŋ nyɛ̀nɛ̀ŋ e weèiŋ, yèè wèè anyuùŋ hààwe nyàŋ ko Làòdisià yaà ko Hɛlapolì.