Luùm 10:19 - WƆŊ FƐ̀Ì EBÒ SÌÀŊ DAYÀA

¹⁹ Tɔ̀ miŋ dawè ɓɛìŋ, anyùùŋ Ezɔ̀ɛ̀ nyaŋ gò wa kòmàŋ kè miè gbìaŋ yɛɛ̀, yèè aŋ nyiŋ nyìmàŋ tɛ̀ɛ̀? Wo Mòòze wuŋ bi, wo yèɔ yaà wa gbuuye wèè Dayà wɔ, wuŋ jiɛ̀ naŋ wa fàsàì wɔŋ mààŋdàwè wɛɛ̀ŋ, nààŋ wò naŋ wa woò wààŋ, “Wo Kanaà Dayà wààŋ, ‘Mìŋ do nàŋ nyààŋ anyùùŋ nyaŋ kuwà màŋ fuɔŋ ɗi nyàŋ, wèè e sùàŋ anyunùim nyàŋ maŋ jii. Yèè e yìwìà anyùùŋ maŋ fùɔ̀ŋ ɗì anyuùŋ zùwo, mìŋ do nàŋ nyɛ̀nɛ̀ŋ anyunùim nyàŋ aŋ tuù.’ ”

Luùm 10:19 ပူးပေါင်းရင်းမြစ်များ

Luùm 10:18

Kɛɛ tɔ̀ miŋ dawè weè, è ɓɛ̀nɛ̀ŋ nɔ̀ŋ tɔɔɓaa kɛ̀, anyùùŋ Ezɔ̀ɛ̀ nyaŋ kòò àŋ kòmò wa kè miè gbìaàŋ? Tɔɔɓaa àŋ nyiŋ wa kòmàŋ. Wɔŋ fɛ̀ì Dayàa naŋ woò wààŋ, “Ke miè gbìaàŋ naŋ wa nɔ̀ŋ wòo nyiŋ koɓɛ̀ anyùùŋ fuɔŋ nyàŋ gbiŋ e ɗuunyaàŋ diɛŋ. Maŋ mìè gbòa nyiŋ màŋ naŋ wa hàì ko dìà e dììɛ gbiŋ e ɗuunyaàŋ.”

Luùm 11:11

Weètii tɔ̀ mìŋ dawè mìàŋ, nààŋ aŋ Juùù nyaŋ naŋ wa duonò, àŋ naŋ sɔ̀ɔ̀ aŋ gò wa yèwà dìì? E gò yɛi wa kaaìŋ. Àŋ naŋ wa yèwè dìì. Esàɓù maŋ keì naanààŋ nyiŋ màŋ, naŋ nyɛ̀nɛ̀ŋ anyùùŋ nyaŋ fè àŋ Juùù nyaŋ naŋ wa nɔ̀ŋ jòèye nyiŋ, yèè tɛɛ̀ nàŋ do nàŋ nyɛ̀nɛ̀ŋ anyùùŋ Ezɔ̀ɛ̀ nyaŋ aŋ nyiŋ gììyà le koo.

Luùm 11:14

Mìŋ kuwa ke jii tùlia e ɗewe lɛɛ̀ sùà, wèè ka nyɛ̀nɛ̀ŋ anyùùŋ maŋ sɛ̀ìŋ miŋ bi màŋ, aim gììyà koo, wèè esàɓù e tòmoɛ̀ mìŋ naŋ nyɛ̀nɛ̀ŋ lɛ, wèè kɛ̀ wo Dayà joeyè aŋ bà nyiŋ.

1 Kɔliìŋ 1:12

Tɔ̀ miŋ woò niŋ e ɗewe kii lɛɛ̀ sùa, nyɛ̀iŋ nààŋ gbiŋ nìŋ yaà gbuuye gbàgbà. Wo nyùnɔ̀ɔŋ bà wààŋ, “Wo Pɔɔ̀ mìŋ yaà maŋjɛ̀wɛ.” Wo bàa wààŋ, “Wo Àpolò mìŋ yaà maŋjɛ̀wɛ.” Wo bà wààŋ, “Wo Sifɔ̀ mìŋ yaà maŋjɛ̀wɛ,” yèè wo bà wààŋ, “Wo Jisɛ̀ Kulaì mìŋ yaà maŋjɛ̀wɛ.”

1 Kɔliìŋ 10:19

E keìɛ mìŋ yaà woo lɛ̀ nàiŋ jàà jii kɛ̀ e nɛ̀ŋjè saaà wèè aŋ dayà joo è yaà e nɛ̀ŋ bà? Ɔ̀ɔ̀ kɛ̀ wo dayà joowò yaà e nɛ̀ŋ bà?

1 Kɔliìŋ 11:22

Niŋ kuwà màŋ gboo kuaŋ màŋ yè maŋ nìŋ jiiyà nɛ̀ŋ e kìlà naŋ tìà nɛ̀ŋ lɛ? Nìŋ naŋ wùɔ̀ŋ ke gbòò anyuùŋ hààwè Dayà nyaŋ, e kìlà nìŋ manaŋ naŋ sìà anyuùŋ gò kɛ̀ɛ̀nɛ̀ŋ nɛ̀ŋ nyaŋ e sàngè? Tɔɔɓaa miŋ fèiŋ tɛnɛ̀ŋ.

1 Kɔliìŋ 12:2

Nàŋ nyìmàŋ kɛ̀ e teengaà pɛɛ nìŋ yaà wa anyùùŋ nyaŋ fè àŋ Juùù nyaŋ, àŋ naiŋ wa kɔ̀ɔ̀ maŋ dòmaŋ nyaaŋ zimgbe ko zòòlò aŋ dayà joo gò gè nyiiŋ.

1 Kɔliìŋ 15:50

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ nàŋ yaà kɛ̀, e nɛ̀ɛŋ gbiŋ wo Dayà naŋ bàànè maŋ kèìŋ yaà maŋ sɛ̀ìŋ nɛ, e fè nɔ̀ŋ bàiŋbà è Kànà Dayàa sùà, yèè e yèɛ è fà lɛ, e fè kɛ̀ɛ̀nɛ̀ŋ è yèɛ jeeyà wèè julɔfɔ lɛ̀.

1 Kɔliìŋ 7:29

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀, e teengaà naŋ joo lɛ̀, e gò ɓɛìŋ jìwà nɛ̀ŋ, yèè e yìwìà e teenga lɛɛ̀ sùà naàŋ, anyuùŋ kɛ̀ɛ̀nɛ̀ŋ jɔùŋ ɔ̀ɔ̀ felaa, aŋ nɔ̀ŋ mààŋ koɓɛ̀i àŋ yaà yɛi aŋ kpào le.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

1Pììlɛ 2:10

E teenga bà sùà niŋ fè wa ànyùùŋ Dayà, kɛɛ e teenga lɛɛ̀ sùà nàŋ naàŋ nɔ̀ŋ anyunùuŋ. E teenga bà sùà, niŋ nyimààŋ wa kè nyòwoɛ̀ Dayà kuwa lɛ̀, kɛɛ e teenga lɛɛ̀ sùà wòiŋ tɔ̀ɔ̀ ke nyowouŋ nɛɛ̀ŋ.