Luùm 10:18 - WƆŊ FƐ̀Ì EBÒ SÌÀŊ DAYÀA

¹⁸ Kɛɛ tɔ̀ miŋ dawè weè, è ɓɛ̀nɛ̀ŋ nɔ̀ŋ tɔɔɓaa kɛ̀, anyùùŋ Ezɔ̀ɛ̀ nyaŋ kòò àŋ kòmò wa kè miè gbìaàŋ? Tɔɔɓaa àŋ nyiŋ wa kòmàŋ. Wɔŋ fɛ̀ì Dayàa naŋ woò wààŋ, “Ke miè gbìaàŋ naŋ wa nɔ̀ŋ wòo nyiŋ koɓɛ̀ anyùùŋ fuɔŋ nyàŋ gbiŋ e ɗuunyaàŋ diɛŋ. Maŋ mìè gbòa nyiŋ màŋ naŋ wa hàì ko dìà e dììɛ gbiŋ e ɗuunyaàŋ.”

Luùm 10:18 ပူးပေါင်းရင်းမြစ်များ

Maafiù 24:14

Eɓìèmàŋjɛ̀wɛ̀ tii, Ebò Siaàŋ e nyaàiŋ dè e Kànà Dayàa, do wa nàwèè nàŋ nɔ̀ŋ ɓààye niŋ koɓɛ̀ anyùùŋ nyaŋ gbiŋ e ɗuunyaàŋ, wèè kɛ̀ maŋ ziì maŋ gbiŋ maŋ fuɔŋ màŋ sùà aŋ niŋ kòmàŋ e kìlà aŋ kiɛ̀ŋ ke mìè seì, kpeiŋ kɛ̀ ɗuunyaàŋ hàì ko dìa.”

Maafiù 26:13

Mìŋ woòiŋ e tɔɔɓaaà, kɛ̀ koɓɛ̀i gbiŋ àŋ do nàŋ wòò ke mìè gbìàŋ Ebò Siaŋ lɛɛ̀ e ɗuunyaŋ lɛɛ̀ dìì lɛ, ebò wo nìe wɛɛ̀ doo nàŋ haì wèè e nɛ̀ɛŋ wò naŋ nyɛ̀nɛ̀ŋ lɛ wèè auŋ jààèjii.”

Maafiù 28:19

Weètii, kɔ̀àaìŋ koɓɛ̀ anyùùŋ nyaŋ gbiŋ e ɗuunyaàŋ niŋ nyɛ̀nɛ̀ŋ nyiŋ aŋ nɔ̀ŋ anyùùŋ màŋjɛ̀wɛ̀im. Gùaìŋ nyiŋ e dèè Dèdaà diɛŋ, wo Jɔ̀àfelaaà, yèè wo Jìnàŋ Nɛɛmaàŋ,

Maafiù 4:8

Kpeiŋ wo Sɛ̀tanàaŋ naŋ kɔ̀ɔ̀ wo Jisɛ̀ wɔŋ toò mùŋlaŋ bà dìmɛ̀ yèè wò nauŋ tɔ̀ɔ̀ e tɛ̀ɛ̀tɛ̀ɛ̀ e kànà ɗuunyaàŋ gbiŋ.

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 26:20

Mìŋ naŋ gbòò ke mìè Dayàa koɓɛ̀ anyùùŋ nyaŋ ko Dàmakɔ̀ nyiŋ jiɛ̀, yèè mìŋ naŋ kɔ̀ ko Jùlusɛ̀làm yaà wɔŋ fùɔ̀ŋ Jùdiàa gbiŋ sùà. Eɓìèmàŋjɛ̀wɛ̀ tii, mìŋ naŋ kɔ̀ koɓɛ̀ anyùùŋ nyaŋ fè àŋ Juùù nyaŋ e kìlà mìŋ naŋ nyiŋ woò mìàŋ, aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài! Kpeiŋ kɛ̀ niŋ tɔɔ̀ ke nyɛ̀nɛiŋ nɛɛ̀ŋ janyai e yìwìà e ɗeweɛ̀ nìŋ do naŋ nyɛ̀nɛ̀ŋ maŋ nyiiŋ gèeiŋ màŋ lɛ.

Nyɛ̀nɛ̀ŋ 28:23

Nààŋ àŋ naŋ tɔ̀ɔ̀ e teenga wèè aŋ mɛ̀ɛ̀ŋ wo Pɔɔ̀, aŋ zimgbe nyiŋ naŋ wa hnè ko gbooì wò joà lɛ ke ɗɔɔ yii. Wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e nyaàiŋ dè e Kànà Dayàa e yìwìà maŋ nyiìŋ tɛ̀tɛ̀ e jèèsùà e gɔɛɛ hàì ko ɗìò tɛɛ. Wò naŋ gbòò ko nɛ̀ɛ̀ŋ nyiŋ niìŋ e yìwìà maŋ Sàwà maŋ wo Dayà naŋ wa kìɛ̀ŋ wo Mòòze màŋ yèè maŋ keì wòo màŋ e yìwìà maŋ fɛ̀ì aŋ Wɛ̀ijì nyaŋ sùà wèè wo kamè ɗewe aŋ kɛɛnɛ̀ŋ e hààwe wo Jisɛ̀ sùà.

Luùm 1:8

E jiɛ̀jiɛ̀ɛ nàŋ yaà, mìŋ naŋ gè wo Dayà miɔ̀ŋ ke sɛ̀ e yìwìà wo Jisɛ̀ Kulaì sùà wèè nyɛ̀iŋ nààŋ gbiŋ, e fèfoo kɛ̀ anyùùŋ nyaŋ gbiŋ e ɗuunyaàŋ kòò àŋ yaà kùmìè e kèè e hààweɛ̀ nìŋ kuwa wo Jisɛ̀ Kulaì sùà lɛ.

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

Kòlo 1:23

Nìŋ kuwa naŋ jèè hààwe sɛmɛ sùà, e kìlà naŋ bànè ko tɔɔtu siaŋ. Ɓɔ̀ nìŋ dangè nyɛ̀iŋ bi nìŋ do mɛɛmɛ̀ɛ̀ŋ e yìwìà kè jii tùliaà nìŋ naŋ wa yɛmɛ̀ yɛ, e teengaà nìŋ naŋ wa kòmò Ebò Siaàŋ e yìwìà ko àìjɛnɛ̀ŋ lɛ. Wèè esàɓù Ebò Siaŋ lɛɛ̀, miàim Pɔɔ̀, naŋ nɔ̀ŋ wo ɓɔìjɔ̀à tòmo, yèè mìŋ naŋ wa gbòò ke mìè Dayàa koɓɛ̀ anyùùŋ nyaŋ gbiŋ e ɗuunyaàŋ.

Kòlo 1:6

Ebò Siaàŋ kòò è yaà nɔŋ hìàŋ sùà e kpùùmaŋ e kìlà kòò è yaà ɓààye sùà e ɗuunyaàŋ gbiŋ sùà, màànààŋ nɔŋ è naiŋ ɓààyè e tɛɛ e teenga gɔu, e yìwìà ke ɗɔɔ jiɛ̀jiɛ̀ɛ nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa, yèè nìŋ naŋ nyìmè e tɔ̀ɔ̀nyaàaŋ e nyaàiŋ e niŋ dè lɛ.

1Tɛsè 1:8

Ke miè gbìaàŋ nyaàiŋ de wo Kanaà ke gòiŋ nɔŋ yèwà sìwè wèè ke ɓààyè maŋ kpàlàùŋ kpàlàùŋ ko Mɛ̀sèdonià maŋ yèè kò Àkaayà, kɛɛ ebò e hààweiŋ nɛ̀ wo Dayà sùà è naŋ ɓààyè koɓɛ̀ gbiŋ. E keì bà nààŋ fè ɓɛìŋ wèè e nɔ̀ŋ wòo niŋ.