Luùm 10:17 - WƆŊ FƐ̀Ì EBÒ SÌÀŊ DAYÀA

¹⁷ Sèè è nɔ̀ŋ yɛi, kɛ̀ wo nyùùŋ gbiŋ fè ɓɛ̀nɛ̀ŋ kɛ̀ɛ̀nɛ̀ŋ hààwe sèè wò go kòmàŋ ke miè gbìaàŋ, e nyaàiŋ dè wo Jisɛ̀ Kulaì.

Luùm 10:17 ပူးပေါင်းရင်းမြစ်များ

Luù 11:28

Wo Jisɛ̀ naŋ fasàì wò naŋ woò wààŋ, “E zɔlɔ̀ yaà ngèè koɓɛ̀ anyùùŋ nyaŋ komo ke mìè gbìàŋ Dayàa yèè aŋ nyiŋ jàà kùàŋ dìì nyaŋ!”

Luù 8:11

Wo Jisɛ̀ naŋ ɓɛìŋ woò wààŋ, “Tɛɛ̀ nàŋ yaà e fàsàì ke kàɓanèɛ, manɛ̀ŋ koei nàŋ yaà ke mìè Dayàa.

Luù 8:21

Wo Jisɛ̀ naŋ nyiŋ woò wààŋ, “Wo yèye miɔ̀ŋ yaà aŋ wùìyaim nyàŋ nàŋ yaà anyùùŋ nyaŋ komò ke mìè gbìàŋ Dayàa yèè aŋ nyiŋ jɔ̀ɔ̀lɔ̀ dìì nyaŋ.”

Jɔ̀ɔŋ 1:37

Anyùùŋ màŋjɛ̀wɛ̀ tìyèè Jɔ̀ɔŋ nyàŋ naŋ kòmò e yèɛ wò naŋ woò lɛ, yèè àŋ naŋ dè wo Jisɛ̀ maŋjɛ̀wɛ.

Luùm 1:16

Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

Luùm 10:14

Kɛɛ dièsɔa àŋ naŋ ɓɛ̀nɛ̀ŋ nyààŋ e dèè Kanaà wèè e kpùùmaŋ sèè àŋ go kɛ̀ɛ̀nɛ̀ŋ hààwe? Dièsɔa àŋ naŋ ɓɛ̀nɛ̀ŋ kɛ̀ɛ̀nɛ̀ŋ hààwe sèè àŋ go kòmàŋ ke miè gbìaàŋ? Dièsɔa àŋ naŋ ɓɛ̀nɛ̀ŋ kòmàŋ ke miè gbìaàŋ sèè wo nyùùŋ bà go nyiŋ niŋ woò?

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

Gàla 3:2

Wòò nìim e kèì ɗì guùŋ, nìŋ naŋ wa yɛ̀mɛ̀ wo Jìnàŋ Nɛɛmaàŋ esàɓù kɛ̀, nìŋ naŋ wa jɔ̀ɔ̀lɔ̀ ke Sàwàa dìì ɔ̀ɔ̀ nààŋ nìŋ naŋ wa kòmò e Ebò Siaàŋ yèè nìŋ naŋ niŋ haawè lɛ?

Gàla 3:5

Wo Dayà naiŋ kìɛ̀ŋ wo Jinàuŋ nɔɔ̀ŋ, yèè wò naŋ nyɛ̀nɛ̀ŋ maŋ kèè mèè e tɛɛiŋ esaɓù kɛ̀ nìŋ naŋ wa jɔ̀ɔ̀lɔ̀ ke Sàwàa dìì, ɔ̀ɔ̀ esaɓù kɛ̀ nìŋ naŋ wa kòmò e Ebò Siaàŋ yèè nìŋ naŋ niŋ haawè?

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

Hiɓu 4:2

È naiŋ wa kòmò Ebò Siaàŋ, màànààŋ nɔŋ àŋ naŋ niŋ wa kòmò lɛ, kɛɛ e gò nyiŋ wa nyìnìàŋ è keì kɛnɛ gbiŋ, esaɓù kɛ̀ àŋ naŋ wa gè maŋhɛɛ wèè aŋ hààwè e yèɛ àŋ naŋ wa kòmò lɛ.

1Pììlɛ 1:23

Esaɓù ke mìè nyiiŋ gèe gò jùà Dayàa sùà, naŋ nyɛ̀nɛ̀ŋ nìŋ naŋ ɓɛìŋ nɔ̀ŋ e kòmaiŋ jɛ̀ì mààŋ aŋ jɔ̀à wo nyuùŋ kòmaàŋ wo yèɔ fè fà wɔ.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.