Luùm 1:32 - WƆŊ FƐ̀Ì EBÒ SÌÀŊ DAYÀA

³² Àŋ nyìmàŋ ke Sàwà Dayàa naŋ woò wààŋ kɛ̀ wo nyùnɔ̀ɔŋ gbiŋ naŋ nyɛ̀nɛ̀ŋ maŋ tùwo mààŋ mɛɛ̀ŋ wɔ naŋ tɛɛwɛ̀ wèè wo fà. Kɛɛ yɛi nɔŋ è yaà kòò àŋ yaà nyìnìè maŋ keì naanààŋ mɛɛ̀ŋ, yèè àŋ nyiinàŋ anyuùŋ joo maŋ jii wèè aŋ miŋ nyɛ̀nɛ̀ŋ nyiŋ pɛɛ.

Luùm 1:32 ပူးပေါင်းရင်းမြစ်များ

Luù 11:48

Nyɛ̀iŋ bi nìŋ naŋ kìɛ̀ŋ ke mìè seì, kɛ̀ nìŋ naŋ wa nyimèè wèè e nɛ̀ɛŋ anyuùŋ kòmaiŋ nyàŋ naŋ wa nyɛ̀nɛ̀ŋ lɛ. Àŋ naŋ wa jìwè aŋ wɛ̀ijì nyaŋ. Niŋ gò nyiŋ wa kìɛ̀ŋ ɓɛ̀ɛ̀jàa, nìŋ naŋ wa nɔŋ kpàà maŋ hùàaŋ nyiŋ màŋ.

Nyɛ̀nɛ̀ŋ 22:20

Nààŋ àŋ naŋ wa jìwè wo Siiwììŋ, wo seiyìiŋ nɔɔ̀ŋ, mìŋ yaào wa miàŋ bi. Mìŋ naŋ wa pɛɛ kpuumò wèè ka gbònògbònò maŋ dèè kɔ̀ɔ̀ anyùùŋ nyaŋ nauŋ wa jìwè nyaŋ.’

Nyɛ̀nɛ̀ŋ 8:1

Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.

Luùm 1:18

E yìwìà ko àìjɛnɛ̀ŋ, wo Dayà naŋ tɔ̀ɔ̀ e ɗeweɛ̀ wò naŋ tuù lɛ wèè maŋ jùùmù yaà maŋ kpèè nàànààŋ anyùùŋ nyaŋ yè nyaŋ keewà e tɔ̀ɔ̀nyaàaŋ kùàŋ feìŋ nyaŋ.

Luùm 1:21

Àŋ nyìmàŋ wo Dayà, kɛɛ aŋ fòuŋ kìɛ̀ŋ è ɓɛ̀ɛ̀jàa ɔ̀ɔ̀ auŋ gè sɛ̀. Maŋ gòngo nyiŋ màŋ yaà wèè foo, yèè maŋ jiikɛ̀ɛ gò kɛɛnɛ̀ŋ nyiŋ màŋ naŋ nyɛ̀nɛ̀ŋ àŋ nɔ̀ŋ ke nyìwì sùà.

Luùm 6:21

Kiìŋ è naiŋ wa nafà wèè maŋ keì maŋ nìŋ naŋ wa nyɛ̀nɛ̀ŋ yèè e sàngè yààìŋ naàŋ wèè naŋ miŋ ɓɛìŋ nyɛ̀nɛ̀ŋ lɛ? E jìwààjɛ̀wɛ̀ maŋ keì bi zà nàŋ yaà e fàa!

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

2Tɛsè 2:12

E jìwààjɛ̀wɛ̀ tii nàŋ yaà kɛ̀ anyùùŋ nyaŋ gbiŋ gò hààwè è tɔ̀ɔ̀nyaàaŋ lɛ̀, yèè àŋ naŋ nyìnìè ke nyɛɛkɛŋ nyiŋ nɛɛ̀ŋ maŋ jùumù sùà nyaŋ wo Dayà do nyiŋ nàŋ gbààì keì.