Luùm 1:30 - WƆŊ FƐ̀Ì EBÒ SÌÀŊ DAYÀA

³⁰ àŋ woà maŋ keì naanààŋ wèè aŋ dàwi nyiŋ nyàŋ. Àŋ naŋ wùɔ̀ŋ Dayà, aŋ kuwà ɓɛ̀ɛ̀jàa màŋ mìè gbòa nyiŋ màŋ sùà, àŋ ɓemàŋ nyiŋ bi gbee, àŋ kɛɛ maŋ nyòngà. Àŋ gongà tutùtuuŋ wèè aŋ yɛmɛ̀ e ɗewe jɛi wèè aŋ nyɛ̀nɛ̀ŋ e keì naanààŋ. Anyùùŋ nyɛɛ̀ŋ kuwà ɓɛ̀ɛ̀jàa wèè ànyuùŋ kòmaŋ nyiŋ nyàŋ.

Luùm 1:30 ပူးပေါင်းရင်းမြစ်များ

Maafiù 15:4

Wo Dayà wààŋ, ‘Jɔ̀ɔ̀lɔɔ̀ wo dèda mɔɔ̀ŋ yèè wo yèye mɔɔ̀ŋ dìì,’ e kìlà, ‘Wo nyùnɔ̀ɔŋ gbiŋ gboo naanààŋ koɓɛ̀ wo dèdauŋ nɔɔ̀ŋ yèè wo yèyeuŋ nɔɔ̀ŋ wɔ, è do nàŋ nɔ̀ŋ tɛ̀ɛ̀ wèè aŋ jìwà wo nyùùŋ wii.’

Maafiù 16:21

E yìwìà e teenga lii wo Jisɛ̀ naŋ tɔ̀ɔ̀tù anyùùŋ màŋjɛ̀wɛ̀uŋ nyàŋ wòo janyai wààŋ, “Mìŋ yaà kɔ̀ɔ̀yɛ̀ ko Jùlusɛ̀làm yèè mìŋ do nàŋ kɔ̀ e nìmìlà maŋ keì zimgbe dìì e yìwìà aŋ màmànkùmɛ̀ŋ fuɔŋ nyàŋ, aŋ kànà sìèfèìŋ zòòlo nyàŋ, yèè aŋ kààmɔ̀ɔ̀ŋ maŋ Sàwà Dayà nyaŋ. Àŋ doim nàŋ jìwè, yèè sèè e gɔ̀ɛ̀ɛ̀ taai maaŋ, ka yèwà e fàaà dìì wɔŋ nyiiŋ gèeo sùà.”

Luù 21:16

Anyuùŋ kòmaiŋ nyàŋ, aŋ wùìyaiŋ nyàŋ, e hààwè anyuùŋ mɔ̀ɔ̀nɔiŋ nyàŋ doiŋ nàŋ maàŋ. E kìlà àŋ do nàŋ jìwè nyɛ̀iŋ nààŋ bà nyiŋ.

Jɔ̀ɔŋ 7:7

Anyùùŋ nyaŋ e ɗuunyaàŋ kuwà èsaɓù bà wèè aiŋ wùàŋ. Kɛɛ àŋ naim wùɔ̀ŋ esaɓù kɛ̀, mìŋ woà nyiìŋ kɛ̀ maŋ keì nyɛ̀nɛŋ nyiŋ màŋ maŋ fè tɛ̀ɛ̀.

Nyɛ̀nɛ̀ŋ 5:36

Nàŋ jààèjii kɛ̀ wo Teoɗà naŋ wa hnè e teenga gɔu bà sùà, wò naŋ wa ɓèmè wuŋ bi wo nyùùŋ gààŋ gbee wèè auŋ tùlìà jii. E sɔ̀ngɔ̀ anyuùŋ hɔ̀nɔ̀ɔ̀ tiinàŋ nauŋ wa dè maŋjɛ̀wɛ. Àŋ nauŋ wa jìwè, anyùùŋ màŋjɛ̀wɛ̀uŋ nyàŋ gbiŋ aŋ ɓaayè, yèè ke gboòuŋ nɛɛ̀ŋ naŋ wa sɔ̀ɔ̀ dìì ke hàì dìà.

Luùm 2:17

Nyɛ̀iŋ bi zà? Nìŋ nyaaŋ nyɛ̀iŋ bi aŋ Juùù. Nìŋ naŋ tùlìè maŋ Sàwà maŋ jii e kìlà nìŋ kɛɛ maŋ nyòngà wèè Dayà.

Luùm 2:23

Nìŋ kɛɛ maŋ nyòngà nààŋ nyɛ̀iŋ nàŋ kuwa maŋ Sàwà Dayà maŋ, kɛɛ niŋ fè hìàŋ sàngè kòɓɛ̀ Dayài sèè nìŋ pɔɔ̀ maŋ sàwàuŋ màŋ?

Luùm 3:27

Kiìŋ è kùwàìŋ naàŋ wèè eiŋ kɛ̀ɛ̀ maŋ nyòngà? E nɛ̀ŋ gbiŋ fè! Yèè kiìŋ nàŋ yaà esaɓùɛ wèè tɛɛ̀? Ɓàà è yaà wèè maŋ Sàwà Dayà maŋ è jɔɔlɔ̀ìŋ dìì maŋ? Kpele, è yaà wèè esàɓù e hààweɛ̀ è kùwàìŋ Jisɛ̀ Kulaì sùà lɛ.

2 Kɔliìŋ 10:15

E wèètii e fèiŋ kɛ̀ɛ̀ màŋ nyòngà wèè è tòmoɛ̀ è yèɛ anyùuŋ bà naŋ nyɛ̀nɛ̀ŋ è naŋ gɛ̀ɛ̀ kò dìaì wo Dayà naŋ tɔɔ̀ weè wilɛ̀. Kɛɛ è kuwa jii tùlia kɛ̀ e hààweiŋ nɛ̀ do nàŋ dɛɛ̀, wèè eiŋ ɓɛ̀nɛ̀ŋ nyɛ̀nɛ̀ŋ e tòmo gbee e tɛɛiŋ, e teenga gbiŋ eiŋ tòòmò ko dìa wiì wo Dayà naŋ tɔɔ̀ lɛ.

2 Kɔliìŋ 12:20

E jùù yààìm kɔɔ kɛ̀ sèè mìŋ hnàŋ, ɗɔɔ bà, nìŋ do nàŋ nɔ̀ŋ è gbà. Miŋ naìŋ mɛɛ̀ŋ wèè naŋ nɔ̀ŋ è ɗeweɛ̀ mìŋ henàŋ mɔ̀ɔ̀nɔ̀ŋ wèè naŋ nɔ̀ŋ lɛ, yèè mìŋ do nàŋ nɔ̀ŋ è gbà, e yìwìà e ɗeweɛ̀ nìŋ henàŋ mɔ̀ɔ̀nɔ̀ŋ wèè ka nɔ̀ŋ lɛ. E jùù yààìm kɔɔ kɛ̀ mìŋ do nàŋ mɛɛ̀ŋ nìŋ yaà tììnyɛ̀ŋ nyààŋ, yèè nìŋ yaà gììyè koo, ɔ̀ɔ̀ e wùàŋ yààìŋ, yèè wo nyùùŋ gbiŋ naŋ nɔŋ kpɛɛ̀ŋ wèè wuŋ bi, maŋ dìène yèè nyuùŋ fìè fie, e tɛɛmànaŋ yèè maŋ keì gɔ̀àgɔ̀à sùà.

2Tɛsè 2:4

Wò do nàŋ gììyè manɛ̀ŋ maŋ gbiŋ àŋ naŋ nyààŋ dayà ɔ̀ɔ̀ manɛ̀ŋ maŋ gbiŋ àŋ naŋ zoolà maŋ maŋhɛɛ, wò do nàŋ nyɛ̀nɛ̀ŋ mààŋ wò kuwa e gààŋ maŋ gbiŋ diɛŋ. Wò do ngèè pɛɛ nàŋ kɔ̀ ko Saaŋ Zòòlò Dayài wo woò wààŋ wuŋ nàŋ yaà wo Dayà.

2Time 3:2

Anyùùŋ do nɔŋ nàŋ mɔ̀nɔ̀ŋ nyiìŋ bi, aŋ mànàŋ nɛɛnɛŋ, aŋ ɓèmè nyiiŋ bi gbee, yèè maŋ nyaàŋ gbeegbèè gbòa. Àŋ do nàŋ gbòò maŋ mìè ɓɛ̀ɛ̀pɔ̀ɔ, aŋ naàŋ kɛ̀ɛ̀nɛ̀ŋ è ɓɛ̀ɛ̀jàa wèè ànyuùŋ kòmaŋ nyiŋ nyàŋ, aŋ nɔ̀ŋ anyuùŋ gò nyìmàŋ saɓù, yèè aŋ naàŋ nyìmè wo Dayà.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

Jìiiŋ 3:5

Yɛi nɔŋ e milèɛ yaà, è naŋ tolòò maŋ nɛ̀ŋ kɔ̀ɔ̀ ke kpùnaàŋ e tɛɛ kɛɛ è kɛɛ maŋ nyòùngà maŋ keì gbeegbèè. Gòngoìŋ nɔŋ e ɗeweɛ̀ e hmɔɔ̀ŋ kpɛiŋ kpɛiŋ sie e ngòòlaà ɓie gbee e hmɔ̀ɔ̀ŋ lɛ!

Jìiiŋ 4:16

Kɛɛ nìŋ ɓemàŋ nyɛ̀iŋ bi gbee, naŋ kɛ̀ɛ̀ maŋ nyòùngà. Maŋ nyoungà kɛ̀ɛ mààŋ miiŋ maŋ fè tɛ̀ɛ̀.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

Juù 1:16

Anyùùŋ nyɛɛ̀ŋ gboo naanààŋ wèè nyùùŋ yèè àŋ sie nyùùŋ jii, àŋ kuwa nɔŋ e gòngò nàànààŋ nyiŋ bi lɛ̀ maŋjɛ̀wɛ, àŋ kɛɛ maŋ nyòngà nyaàiŋ dè nyiŋ bi, àŋ nyaaŋ nyààŋ aŋ bà wèè kàìsa aŋ yɛmɛ̀ ke dòmàŋ e wùmaŋ nyiŋ.