Luùm 1:28 - WƆŊ FƐ̀Ì EBÒ SÌÀŊ DAYÀA

²⁸ Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Luùm 1:28 ပူးပေါင်းရင်းမြစ်များ

Nyɛ̀nɛ̀ŋ 17:23

Yèè nààŋ mìŋ yaà weè kààìŋ ko jawa gbeeiŋ niìŋ yèè mìŋ yaà yɛ̀ɛ̀mɛ̀ manɛ̀ŋ maŋ nìŋ zoolà maŋ, mìŋ naŋ mɛ̀ɛ̀ŋ wɔŋ gbɛ̀gbɛ̀ zòòlo maŋ mìè mɛɛ̀ŋ sìngìà wuùŋ wààŋ, ‘Koɓɛ̀ wo Dayàa e nyimàiŋ wɔ.’ Nìŋ zoolà wo Dayà wɛɛ̀, kɛɛ niŋ nyimààŋ wuùŋ ngèè gbiŋ. Weètii mìŋ manaŋ kaiŋ wòò e kiiuŋ nɛ̀.

Nyɛ̀nɛ̀ŋ 17:32

Anyùùŋ nyaŋ bà nyiŋ naŋ tɔ̀ɔ̀tù hìle nààŋ àŋ naŋ kòmò wo Pɔɔ̀ naŋ woò wààŋ wo Dayà naŋ gè wo nyùùŋ e fàa dìì. Kɛɛ aŋ bà nyiŋ naŋ woò nyààŋ, “È manaŋ maŋ wi ɓɛìŋ wòò e keì lɛɛ̀ e teenga joo bà sùà.”

Luùm 1:18

E yìwìà ko àìjɛnɛ̀ŋ, wo Dayà naŋ tɔ̀ɔ̀ e ɗeweɛ̀ wò naŋ tuù lɛ wèè maŋ jùùmù yaà maŋ kpèè nàànààŋ anyùùŋ nyaŋ yè nyaŋ keewà e tɔ̀ɔ̀nyaàaŋ kùàŋ feìŋ nyaŋ.

Luùm 1:21

Àŋ nyìmàŋ wo Dayà, kɛɛ aŋ fòuŋ kìɛ̀ŋ è ɓɛ̀ɛ̀jàa ɔ̀ɔ̀ auŋ gè sɛ̀. Maŋ gòngo nyiŋ màŋ yaà wèè foo, yèè maŋ jiikɛ̀ɛ gò kɛɛnɛ̀ŋ nyiŋ màŋ naŋ nyɛ̀nɛ̀ŋ àŋ nɔ̀ŋ ke nyìwì sùà.

Luùm 1:24

Weètii wo Dayà naŋ dàngè anyùùŋ nyɛɛ̀ŋ wèè aŋ nyɛ̀nɛ̀ŋ e kèì wùmaŋ nyiŋ. Àŋ naŋ wa nyɛ̀nɛ̀ŋ e yèɛ àŋ manaŋ lɛ̀, yèè maŋ keì kùwà ninaŋ màŋ maŋ jii nyiŋ màŋ sùà toomàŋ maŋ kpùnaŋ nyiŋ màŋ wèè aŋ nyɛ̀nɛ̀ŋ maŋ kèì sàngè mààŋ e hmɔŋtu nyɛ̀nɛŋ.

Luùm 1:26

Wèè esaɓù lɛɛ̀ wo Dayà wò nyiŋ dangè wèè aŋ dè maŋ kpèè sàngè naanààŋ nyiŋ màŋ maŋjɛ̀wɛ. Aŋ jɔùŋ ɓemàŋ aŋ jɔùŋ dàwi nyiŋ wèè aŋ nyɛ̀nɛ̀ŋ ke yɛ̀ɛ̀, aŋ fè ɓɛìŋ nyɛ̀nɛ̀ŋ kè yɛɛ̀ kɛnɛ kòɓɛ̀ àŋ faniŋ nyiŋ nyàŋ.

1 Kɔliìŋ 15:34

Ɓèmeìŋ e jiikɛ̀ɛ niŋ gè kùàŋ maŋ jùumùiŋ màŋ sùà. Mìŋ yààìŋ wòo sùà e kèì sàngè tiŋ nàŋ yaà kɛ̀ nyɛ̀iŋ nɛɛ̀ŋ bà nyiŋ niŋ nyimààŋ Dayà.

2 Kɔliìŋ 10:5

yaà e kpààwaa gbiŋ e yèɛ kilìà nyùùŋ kùàŋ feìŋ wo fè nyìmàŋ Dayà lɛ. È kuwo maŋ gòngò anyùùŋ e nyiŋ nyɛ̀nɛ̀ŋ aŋ jɔ̀ɔ̀lɔ̀ Jisɛ̀ Kulaì dìì.

Ɛfesɔ̀ 5:4

Gbeeiŋ ngèè wèè naŋ gbòà maŋ mìè gbòa naanààŋ, maŋ mìè gbòà sàngè kà tinàŋ gbiŋ, ɔ̀ɔ̀ maŋ mìè gbòa gò kùwìè jiikɛ̀ɛ, kɛɛ naŋ gè wo Dayà ke sɛ̀.

2Tɛsè 1:8

e hmɔɔ̀ŋ kùwa sùà wèè wo gbàì e tɔ̀ɔ̀nyaàŋ sùà anyùùŋ nyaŋ naŋ kùwìè wo Dayà maŋhɛɛ nyàŋ, yèè aŋ yè nyaŋ fè jɔ̀ɔ̀lɔ̀ Èbò Siaàŋ nyaàiŋ dè wò Kana wiɔ̀ Jisɛ̀ dìì nyaŋ.

2Time 3:8

Màànààŋ nɔŋ wo Janìŋ yèè wo Jamɓùlù naŋ wa gììyè wo Mòòze maŋhɛɛ lɛ̀, yɛi nɔŋ anyùùŋ nyɛɛ̀ŋ gììyà e tɔ̀ɔ̀nyaàaŋ maŋhɛɛ, anyùùŋ nyaŋ maŋ jii nyiŋ màŋ fè toomo tɛ̀ɛ̀ yèè àŋ naŋ sooò e hààweɛ̀ sùà.

Taitɔ̀ 1:16

Àŋ ɓulo ke sɔɔ kɛ̀ àŋ nyìmàŋ Dayà, kɛɛ maŋ kpèè nyiŋ màŋ giiyà niìŋ maŋhɛɛ. Àŋ kuwa maŋ jìì wùòno, yèè aŋ fè jɔ̀ɔ̀lɔ̀ Dayà dìì, aŋ fè tɛ̀ɛ̀ wèè aŋ nyɛ̀nɛ̀ŋ è keì sìàŋ bà gbiŋ.

Felemɔ̀ŋ - PHM 1:8

Wo Jisɛ̀ Kulaì naim kìɛ̀ŋ ke jii nyingè, wèè kaìŋ woò kɛ̀ kiìŋ nìŋ nyɛnɛŋ.

2Pììlɛ 3:5

Àŋ do tɛɛ̀ nàŋ woò e fèfoo àŋ manaŋ aŋ nyɛɛnɛ̀ŋ kɛ̀ e gɔuo sùà wa wo Dayà naŋ wa nɔŋ gbòò yèè ke nyiliɛ̀ yaà e dììɛ naŋ nɔ̀ŋ. E dììɛ naŋ fòlò e wùìyè sùà yèè e wùìyè wò naŋ bàànè e dìì,