Luùm 1:23 - WƆŊ FƐ̀Ì EBÒ SÌÀŊ DAYÀA

²³ Aŋ fè zòòlò wò Dayàa naŋ tɛ̀ɛ̀wɛ̀ jòòwo yèè wò yaà wɔŋ nyiiŋ gèeɔ̀ sùà wèè julɔfɔ wɔ̀. Kɛɛ àŋ zoolà aŋ dayà nyaŋ àŋ naŋ banè yèè àŋ naŋ tèènè nyuùŋkpùuŋ nyàŋ, aŋ yè nyaŋ fè wɔŋ nyiiŋ gèeɔ̀ sùà wèè julɔfɔ nyàŋ. Aŋ bà nyiŋ yaà mààŋ aŋ wòì, aŋ yìlì, yèè aŋ yilì gɔ̀ɛ̀ɛ̀ dìì.

Luùm 1:23 ပူးပေါင်းရင်းမြစ်များ

Nyɛ̀nɛ̀ŋ 10:12

Maŋ ɗolònɛ̀ŋ kàntinàŋ gbiŋ, aŋ yilì gɔ̀ɛ̀ɛ̀ dìì e dììɛ diɛŋ, yèè aŋ wòì e yìwìà ke nyiliɛ̀ yaà wa wɔŋ dèè bi sùà.

Nyɛ̀nɛ̀ŋ 17:29

Nààŋ è yààìŋ aŋ jɔ̀à Dayà lɛ, ɓɔ̀ è gongòiŋ kɛ̀ è nɔ̀ŋ kiiuŋ nɛ̀ è yaà e nɛ̀ŋ gbiŋ mààŋ wo dayà jooɔ̀ wo yèɔ àŋ naŋ bàànè è gòoò, ɔ̀ɔ̀ è kaiŋfua ɔ̀ɔ̀ kè dùò wɔ. Wo fè mààŋ è nɛ̀ŋ gbiŋ è yèɛ wò nyuùŋkpùuŋ naŋ gongò kɛ̀ è kuwa e nɔ̀ŋ yèè wò naŋ banè lɛ.

Luùm 1:25

Àŋ vɔɔnɔ̀ŋ e tɔ̀ɔ̀nyaàaŋ wèè e tòa e nyaàiŋ dè wo Dayà. Àŋ zoolà yèè àŋ kiɛ̀ŋ ɓɛ̀ɛ̀jàa koɓɛ̀ aŋ yìlì nyaŋ wo Dayà naŋ banè nyaŋ. E nɛ̀ɛŋ nyɛ̀nɛ̀ŋ aŋ zoolò wo Dayàa naŋ miŋ banè wɔ, wo yèɔ do nàŋ nɔ̀ŋ tɛ̀nɛuŋ wèè julɔfɔ wɔ̀. Àmiinàŋ.

1 Kɔliìŋ 12:2

Nàŋ nyìmàŋ kɛ̀ e teengaà pɛɛ nìŋ yaà wa anyùùŋ nyaŋ fè àŋ Juùù nyaŋ, àŋ naiŋ wa kɔ̀ɔ̀ maŋ dòmaŋ nyaaŋ zimgbe ko zòòlò aŋ dayà joo gò gè nyiiŋ.

1Pììlɛ 4:3

Nìŋ naŋ wa kòlò ko nyìnìè maŋ keì maŋ anyùùŋ nyaŋ fè àŋ Juùù nyaŋ manaŋ wèè nyɛ̀nɛŋ màŋ. Nìŋ yaà wa nyuùŋ naanààŋ nìŋ kuwa wa e ɗèwè maŋ keì naaŋ nààiŋ màŋ maŋjɛ̀wɛ. Nìŋ gèe wa kìlia ko tììyè maŋ mùàŋ yèè ko nyìnìè gbana, yèè ngèè, nìŋ yaà wa pɛɛ ko zòòlò maŋ gòò.

Maŋ kèì nyɛɛnɛŋ 9:20

Anyuùŋ ziì gbànaŋ nyàŋ gbiŋ, aŋ yè nyaŋ maŋ keì nyìnga mɛɛ̀ŋ gò wa jìwà nyaŋ, aŋ gò wa kìlà koɓɛ̀ Dayài wèè aŋ dàngè àŋ dayà joo zòòlo nyàŋ nyiŋ bi naŋ wa banè nyaŋ. Àŋ hewa zòòlò aŋ jinàŋ naanààŋ, aŋ dayà joo bàànè gòoò, e kaiŋ fua, maŋ kàì, le dùò, yèè maŋ kùù, maŋ yè maŋ fè kòmàŋ màŋkàìŋ, maŋ fè yɛ̀mɛ̀ dìì ɔ̀ɔ̀ maŋ kaaìŋ.