Luùm 1:20 - WƆŊ FƐ̀Ì EBÒ SÌÀŊ DAYÀA

²⁰ E yìwìà e teengaà wo Dayà naŋ wa bànè e ɗuunyaàŋ lɛ, anyùùŋ àŋ yɛ̀mɛ̀ manɛ̀ŋ bàneuŋ yaà maŋ kèè mèèuŋ màŋ, yèè àŋ nyìmàŋ janjai kɛ̀ e gààŋ Dayàa yaà wèè julɔfɔ e kìlà tɔɔɓaa wuŋ nàŋ yaà wo Dayà. Weètii anyùùŋ nyiiŋ aŋ kuwà kè kàfaì gbiŋ.

Luùm 1:20 ပူးပေါင်းရင်းမြစ်များ

Maafiù 5:45

Kpeiŋ kɛ̀ nàŋ nɔ̀ŋ aŋ jɔ̀à koɓɛ̀ wo Dèdaiŋ nɔɔ̀ŋ ko àìjɛnɛ̀ŋ. Esaɓù kɛ̀ wò nyɛnɛŋ e gɔɛɛ dììkà anyùùŋ tɔ̀ɔ̀nyaàŋ nyaŋ yaà anyuùŋ naanààŋ nyaŋ diɛŋ, e kìlà wò nyɛnɛŋ maŋ gɔ̀à maŋ sɔ̀à anyùùŋ tɔ̀ɔ̀nyaàaŋ nyaŋ yèè anyuùŋ nyɛ̀nɛ̀ŋ maŋ tùwo naanààŋ nyaŋ diɛŋ.

Jɔ̀ɔŋ 1:18

Wo nyuùŋkpùuŋ bà gbiŋ kòò wò yɛ̀mɛ̀ wa wò Dayà. Wo nyùnɔ̀ɔŋ nɔŋ nauŋ yɛmɛ̀ wɔ wuŋ nàŋ yaà wo Jɔ̀àfèlàà gunɔ̀ɔŋ wo yèɔ nauŋ gbɛ̀ɛ̀ e kɔɔ fɔ̀ɔ̀ yèè wò naŋ wi tɔ̀ɔ̀ e ɗeweɛ̀ wo Dayà yaà lɛ.

Jɔ̀ɔŋ 15:22

Sèè mìŋ go wa weè hnàŋ wèè ka gbòà ko nɛ̀ɛ̀ŋ nyiŋ niìŋ, e keì naàŋ nyiŋ weè jeèè wèè màŋ jùumù nyiŋ màŋ. Kɛɛ aŋ kuwà ɓɛìŋ kè kàfaì wèè màŋ jùumù nyiŋ màŋ.

Nyɛ̀nɛ̀ŋ 17:29

Nààŋ è yààìŋ aŋ jɔ̀à Dayà lɛ, ɓɔ̀ è gongòiŋ kɛ̀ è nɔ̀ŋ kiiuŋ nɛ̀ è yaà e nɛ̀ŋ gbiŋ mààŋ wo dayà jooɔ̀ wo yèɔ àŋ naŋ bàànè è gòoò, ɔ̀ɔ̀ è kaiŋfua ɔ̀ɔ̀ kè dùò wɔ. Wo fè mààŋ è nɛ̀ŋ gbiŋ è yèɛ wò nyuùŋkpùuŋ naŋ gongò kɛ̀ è kuwa e nɔ̀ŋ yèè wò naŋ banè lɛ.

Nyɛ̀nɛ̀ŋ 22:1

“Nyɛ̀iŋ nààŋ wùìyaim nyàŋ, jàaìŋ maŋ nùŋ dìì ko nɛ̀ɛ̀ŋ miìŋ miŋ gbaì wèè miàŋ bì ko fɛɛ̀fenìiŋ!”

Luùm 1:19

Wo Dayà kiɛ̀ŋ nyiìŋ e keì nyìnga, esaɓù kɛ̀ manɛ̀ŋ maŋ gbiŋ àŋ naŋ nyìmè e nyaàiŋ dè wo Dayà maŋ màŋ yaà janjai ko nɛ̀ɛ̀ŋ nyiŋ niìŋ, e fèfoo wo Dayà wuŋ bi naŋ niŋ nyɛ̀nɛ̀ŋ è naŋ nɔ̀ŋ janjai.

Luùm 16:26

Kɛɛ e tɔ̀ɔ̀nyaàŋ lii è nɔ̀ŋ wòo niŋ ke fòolàa e yìwìà e sìngà aŋ wɛ̀ijì nyaŋ wɔŋ fɛ̀ì Dayàa sùà. Wo Dàyà nyiiŋ gèe gò jùàa naŋ nyiŋ wa woò yèè wò naŋ nyiŋ nyɛ̀nɛ̀ŋ aŋ ɓààyè ebò siaŋ bi koɓɛ̀ anyùùŋ nyaŋ gbiŋ e ɗuunyaàŋ sùà, wèè kɛ̀ aŋ jɔɔlɔ̀ e kìlà aŋ kɛɛnɛ̀ŋ hààwe.

Luùm 2:1

Nyɛ̀iŋ nààŋ bà nyiŋ nìŋ haà aŋ dàwiiŋ nyàŋ e kiti diɛŋ wèè e keì naanààŋ nyɛ̀nɛŋ. Kɛɛ niŋ kuwà kè kàfaì bà gbiŋ, wo Dayà gò kpɛɛ̀ŋ kɛ̀ ɓòò nàŋ yààùm. Sèè nìŋ gbaì aŋ dàwiiŋ nyàŋ, kɛ̀ nàŋ hàà e kiti nyɛ̀iŋ bi diɛŋ, esaɓù kɛ̀ è yaà e keì jèeiŋ e fèfoo nìŋ nyɛnɛŋ maŋ kèì guùŋ bi.

Luùm 2:15

Maŋ kpèè nyiŋ màŋ tɔɔ̀ kɛ̀ e yèɛ maŋ Sàwà Dayà maŋ naŋ woò lɛ è yaà sìnga niŋ maŋ jii nyiŋ màŋ sùà. Maŋ jìì nyiŋ bi màŋ tɔɔ̀ ɓɛìŋ kɛ̀ tɛɛ̀ è yaà tɔɔɓaa, nààŋ e teenga bà sùà màŋ gbùwò nyìŋ maŋ keì, e kìlà e teenga bà sùà maŋ nyiŋ gè e keì ɗì.

1 Kɔliìŋ 1:20

Kiìŋ naŋ kaaìŋ koɓɛ̀ anyuùŋ kɛ̀ɛ̀jii nyàŋ? Kiìŋ naŋ kaaìŋ koɓɛ̀ aŋ kààmɔ̀ɔ̀ŋ nyìmàŋ fɛi zimgbe nyàŋ? Kiìŋ naŋ kaaìŋ koɓɛ̀ aŋ yè nyaŋ kuwa e jii kɛ̀ɛ̀ maŋhɛɛ gèe zimgbe nyàŋ e ɗuunyaàŋ? Wo Dayà naŋ tɔɔ̀ kɛ̀ e jììkɛ̀ɛ̀ ɗuunyaŋ lɛɛ̀ è yaà nɔŋ e ɓàaɓàa.

Kòlo 1:15

Wo Jisɛ̀ Kulaì nàŋ yaà wo yèɔ naŋ tèènè wo Dayàa e fèiŋ yɛmɛ̀ wɔ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ, wo yèɔ kuwa gààŋ manɛ̀ŋ bànè Dayà maŋ gbiŋ diɛŋ wɔ̀.

Kòlo 2:9

E ɗewe kiiɛ̀ wo Dayàa yaà lɛ, e ɗèwè kìì guùŋ bi nɔŋ sùà wo Jisɛ̀ Kulaì naŋ tèènè wo Dayà e nɔ̀ŋ kiiuŋ nɛ̀ ke kpùnàŋ wɔŋ nyiiŋ gèeuŋ nɔɔ̀ŋ sùà,

1Time 1:17

Koɓɛ̀ wo Kànà wɔŋ nyiiŋ gèe gò jùàa, wo Dayà gunɔ̀ɔŋ, e jòòwo yèè e dɛ̀ɛ̀kɛ nɔ̀ŋ ko nɛ̀ɛ̀uŋ niìŋ wèè julɔfɔ yèè julɔfɔ! Àmiinàŋ.

1Time 6:16

Wuŋ guùŋ nɔŋ nàŋ yaà wo Dàyà nyiiŋ gèe gò jùà, tɔɔɓaa wò yaà e gbolòùŋ sùà e yèɛ wo nyùùŋ fè ɓɛ̀nɛ̀ŋ gbɛ̀ɛ̀ kɔɔ lɛ̀. Wo nyùùŋ bà gbiŋ kòò wò yɛ̀mɛùŋ wa, e kìlà wo nyùùŋ gbiŋ fòuŋ yɛmɛ̀. E jòòwo yèè e gaàŋ gò kɛ̀ɛ̀nɛ̀ŋ dìa nɔ̀ŋ koɓɛ̀ Dayài wèè julɔfɔ! Àmiinàŋ.

Hiɓu 11:27

E hààwe naŋ nyɛ̀nɛ̀ŋ wo Mòòze naŋ wa yèwè ko Ijè e yèɛ e jùù gòuŋ wa nyɛ̀nɛ̀ŋ wèè è wùàŋ kànà fuɔɔ̀ŋ. Jòòpɛɛ wo Mòòze gò wa yɛ̀mɛ̀ wò Dayàa wo nyùùŋ gbiŋ fè yɛmɛ̀ wɔ, wò naŋ wa gè maŋhɛɛ wèè wo kɛɛ̀ maŋjɛ̀wɛ.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.