Luùm 1:2 - WƆŊ FƐ̀Ì EBÒ SÌÀŊ DAYÀA

² Wèè paŋ wo Jisɛ̀ hnàŋ wa e ɗuunyaàŋ, wo Dayà naŋ wa jɔ̀ɔ̀ e ɗààhiì kɛ̀ wò do nàŋ wòò Ebò Siaŋ lɛɛ̀ e yìwìà aŋ wɛ̀ijìuŋ nyàŋ sùà, nààŋ àŋ naŋ niŋ sìngè maŋ fɛ̀ì Nɛ̀ɛ̀màŋ Dayà maŋ sùà lɛ.

Luùm 1:2 ပူးပေါင်းရင်းမြစ်များ

Maafiù 1:22

Tɛɛ̀ gbiŋ naŋ wa kaaìŋ wèè e nyɛ̀nɛ̀ŋ e yèɛ wo Kanaà naŋ wa woò lɛ, màànààŋ wò naŋ wa gbùùyè wo wɛ̀ijìɔ sùà lɛ e hɛɛnɛ̀ŋ.

Luù 1:70

E teenga gɔuo sùà, wo Kanaà Dayà naŋ wa gbòò e yìwìà aŋ kèèlà nɛɛmauŋ nyàŋ sùà kɛ̀,

Nyɛ̀nɛ̀ŋ 10:43

Wèè wuŋ aŋ wɛ̀ijì nyaŋ gbiŋ naŋ wa gbòò ke mìè seì, kɛ̀ wo nyùnɔ̀ɔŋ gbiŋ haawàuŋ wɔ, maŋ jùumùuŋ màŋ do nàŋ nɔ̀ŋ hakɛ̀ jùùya miŋ esàɓù e deèuŋ nɛ̀ sùà.”

Nyɛ̀nɛ̀ŋ 13:32

Wo Dayà naŋ wa jɔ̀ɔ̀ ɗààhiì koɓɛ̀ aŋ nèwàènèwe wi nyàŋ. Yàwi pɛɛ è yààìŋ wòò sùà ebò siaŋ lɛɛ̀.

Nyɛ̀nɛ̀ŋ 26:6

Mìŋ sia nàaŋ kià wèè aim gbaì esaɓù mìŋ kuwa ke jii tùlia wèè e ɗààhiìɛ wo Dayà naŋ wa jɔ̀ɔ̀ lɛ koɓɛ̀ aŋ nèwàènèwe wi nyàŋ.

Luùm 16:26

Kɛɛ e tɔ̀ɔ̀nyaàŋ lii è nɔ̀ŋ wòo niŋ ke fòolàa e yìwìà e sìngà aŋ wɛ̀ijì nyaŋ wɔŋ fɛ̀ì Dayàa sùà. Wo Dàyà nyiiŋ gèe gò jùàa naŋ nyiŋ wa woò yèè wò naŋ nyiŋ nyɛ̀nɛ̀ŋ aŋ ɓààyè ebò siaŋ bi koɓɛ̀ anyùùŋ nyaŋ gbiŋ e ɗuunyaàŋ sùà, wèè kɛ̀ aŋ jɔɔlɔ̀ e kìlà aŋ kɛɛnɛ̀ŋ hààwe.

Luùm 3:2

È kuwa e nàfa weè wi maŋ dòmaŋ nyaaŋ zimgbe! E sìèfeìŋ jiɛ̀jiɛ̀ɛ nàŋ yaà, è do wi nàŋ nafà esaɓù kɛ̀ wo Dayà kuwa wa ke jii tùlia aŋ Juùù nyaŋ sùà yèè wò naŋ nyiŋ kìɛ̀ŋ ke miè gbìauŋ nɛɛ̀ŋ.

Luùm 3:21

Èiŋ naàŋ nyìmàŋ e ɗeweɛ̀ wo Dayà jaa nyùùŋ kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ lɛ. E fè wèè eiŋ jɔ̀ɔ̀lɔ̀ màŋ sàwà maŋ dìì, jòòpɛɛ maŋ Sàwà Dayà maŋ yèè aŋ wɛ̀ijì nyaŋ naŋ kìɛ̀ŋ ke mìè seì e weè niŋ.

Taitɔ̀ 1:2

e yèɛ nyaàiŋ naŋ dè ke jii tùlia wèè nyiiŋ gèe gò jùà. Wo Dayà, wo yèɔ fè tòà wɔ, naŋ wa ɓèmè e ɗààhiì pangàà ko tɔ̀ɔ̀tù e ɗuunyaàŋ,