Luùm 1:18 - WƆŊ FƐ̀Ì EBÒ SÌÀŊ DAYÀA

¹⁸ E yìwìà ko àìjɛnɛ̀ŋ, wo Dayà naŋ tɔ̀ɔ̀ e ɗeweɛ̀ wò naŋ tuù lɛ wèè maŋ jùùmù yaà maŋ kpèè nàànààŋ anyùùŋ nyaŋ yè nyaŋ keewà e tɔ̀ɔ̀nyaàaŋ kùàŋ feìŋ nyaŋ.

Luùm 1:18 ပူးပေါင်းရင်းမြစ်များ

Luùm 1:19

Wo Dayà kiɛ̀ŋ nyiìŋ e keì nyìnga, esaɓù kɛ̀ manɛ̀ŋ maŋ gbiŋ àŋ naŋ nyìmè e nyaàiŋ dè wo Dayà maŋ màŋ yaà janjai ko nɛ̀ɛ̀ŋ nyiŋ niìŋ, e fèfoo wo Dayà wuŋ bi naŋ niŋ nyɛ̀nɛ̀ŋ è naŋ nɔ̀ŋ janjai.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Luùm 1:32

Àŋ nyìmàŋ ke Sàwà Dayàa naŋ woò wààŋ kɛ̀ wo nyùnɔ̀ɔŋ gbiŋ naŋ nyɛ̀nɛ̀ŋ maŋ tùwo mààŋ mɛɛ̀ŋ wɔ naŋ tɛɛwɛ̀ wèè wo fà. Kɛɛ yɛi nɔŋ è yaà kòò àŋ yaà nyìnìè maŋ keì naanààŋ mɛɛ̀ŋ, yèè àŋ nyiinàŋ anyuùŋ joo maŋ jii wèè aŋ miŋ nyɛ̀nɛ̀ŋ nyiŋ pɛɛ.

Luùm 2:3

Weètii, nyɛ̀iŋ nyàŋ nìŋ woà nààŋ wo Dayà nìmìlà anyùùŋ nyaŋ nyɛnɛŋ maŋ keì naanààŋ nyaŋ, nìŋ naŋ kai gongò kɛ̀ nìŋ do nàŋ dùɔ̀ŋ naŋ fòlà e kèì nyìngà Dayàa dìì, nààŋ nyɛ̀iŋ pɛɛ nìŋ nyɛnɛŋ maŋ kèì guùŋ maŋ nìŋ haà anyùùŋ nyɛɛ̀ŋ kiti diɛŋ wèè maŋ keì naanààŋ maŋ àŋ naŋ nyɛ̀nɛ̀ŋ maŋ?

Luùm 3:9

Kiìŋ tɛɛ̀ gbiŋ naŋ fasàì? Tɛɛ̀ ɓɛ̀nɛ̀ŋ tɔ̀ɔ kɛ̀ yàwi nààŋ Juùù nyaŋ tuwàìŋ tɛ̀ɛ̀ e nìàŋ anyùùŋ nyaŋ fè àŋ Juùù nyaŋ? Kpele, e fè yɛi! Aŋ Juùù, e kpùlìà anyùùŋ nyaŋ fè àŋ Juùù nyaŋ, aŋ gbiŋ àŋ yaà e gààŋ maŋ jùumù dìì, màànààŋ nɔŋ mìŋ naŋ woò lɛ.

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

Luùm 5:6

E teengaà e zɔ̀kpɔ̀ yàwì wa lɛ̀, wo Jisɛ̀ Kulaì naŋ fɔ̀ wèè yàwi nààŋ nyuùŋ nyɛ̀nɛ̀ŋ maŋ tùwo naanààŋ nyaŋ e teengaà wo Dayà naŋ wa tàeɗùù lɛ.

Luùm 5:9

Nààŋ wo Dayà naŋ wi naàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, esàɓù e ɗewe kiiɛ̀ wo Jisɛ̀ Kulaì naŋ wa fɔ̀ lɛ, e nɛ̀ŋ bà ngèè kòò è yaà weè wi è kuwa sɛmɛ weè wi e fàa kiiuŋ nɛ̀ sùà, tiŋ nàŋ yaà kɛ̀, wo Jisɛ̀ do wi wa nàwèè nàŋ joeyè e yìwìà e nìmìlàa wo Dayà kuwa weè wilɛ̀ sùà.

Luùm 6:13

Ɓɔ̀ nìŋ nyimèè wèè màŋ nɛ̀ɛ̀ŋ kɔ̀ɔ̀ màŋ kpùnaiŋ màŋ bà màŋ do nyɛ̀nɛ̀ŋ jùumù. Kɛɛ deìŋ ke dòmàŋ Dayàa diɛŋ, esaɓù kɛ̀ nìŋ yaà wa mààŋ anyùùŋ naŋ fɔ̀, kɛɛ wo Dayà wòiŋ kìɛ̀ŋ wɔŋ nyiiŋ gèe. Kìɛìŋ maŋ kpùnaiŋ màŋ ko nɛ̀ɛ̀uŋ niìŋ wèè wo toomò miŋ e tɔ̀ɔ̀nyaàŋ sùà.

Ɛfesɔ̀ 5:6

Ɓɔ̀ nìŋ nyimèè wèè wò nyùùŋ gbiŋ woiŋ zùùwò màŋ mìè gbòà foo kpàna. Esàɓù maŋ kèì guùŋ mɛɛ̀ŋ sùà, wo Dayà do nàŋ nyìnìè anyùùŋ nyaŋ fòuŋ kòmàŋ è mìè nyaŋ e wùàŋ.

Kòlo 3:6

Esàɓù maŋ keì mɛɛ̀ŋ, e wùàŋ Dayàa do nàŋ hnè anyùùŋ nyaŋ fòuŋ jɔ̀ɔ̀lɔ̀ dìì nyaŋ diɛŋ.

2Tɛsè 2:10

yèè anyùùŋ nyaŋ do nàŋ fɔ̀ nyaŋ, wò do nyiŋ nàŋ tòòmò maŋ tòa naanààŋ diɛ̀ŋ. Àŋ do nàŋ fɔ̀ esaɓù kɛ̀ aŋ gò wa mànàŋ è tɔ̀ɔ̀nyaàaŋ aiŋ jàà kùàŋ dìì wèè aŋ yɛ̀mɛ̀ è jòèyè.

2Tɛsè 2:6

Kɛɛ e nɛ̀ŋ bà naiŋ kìlìè kùàŋ feìŋ wèè e naàŋ kaaìŋ sààmɛ, yèè nàŋ nyìmàŋ kɛ̀ kiìŋ ne. Sèè e teengàiŋ nɛ̀ nɔŋ haì, kɛ̀ Wo Nyuùŋ Naanààaŋ do nàŋ fòlò.