Luùm 1:16 - WƆŊ FƐ̀Ì EBÒ SÌÀŊ DAYÀA

¹⁶ Mìŋ kuwa ke jii tùlia Ebò Siaàŋ sùà. Tiŋ nàŋ yaà e gààŋ Dayàa wèè wo jòèyè anyùùŋ nyaŋ gbiŋ kuwa hààwe nyàŋ, aŋ Juùù nyaŋ jiɛ̀ yèèngàà anyùùŋ nyaŋ fè àŋ Juùù nyaŋ.

Luùm 1:16 ပူးပေါင်းရင်းမြစ်များ

Luù 9:26

Sèè wo nyùùŋ gbiŋ woim nyìnìàŋ sàngè e kpùlìà kè mìè gbìàŋ ebò siaàŋ, kɛ̀ miàŋ, wo Jɔ̀àfèlàà Nyuùŋ Kpùnɔɔ̀ŋ douŋ wa nàwèè nàŋ nyìnìè sàngè e teengaà mìŋ hnàŋ wa nàwèè e gbolòùŋ mɛ̀ yàà gbòlòùŋ mɛ̀ɛ̀ŋ gbèè Dèdauŋ miɔ̀ŋ sùà yaà aŋ màikà nɛɛmaŋ nyàŋ.

Jɔ̀ɔŋ 7:35

Anyùùŋ gbèègbèè aŋ Juùù nyaŋ bà nyiŋ naŋ dàwè nyiŋ bi fèemàŋ nyààŋ, “Kòò wò do nàŋ kɔ̀ e yèɛ sèè è kamàuŋ e naàuŋ yɛmɛ̀? Ɓàà wò do nàŋ kɔ̀ wɔŋ fuɔŋ joo bà sùà ko yèi anyuùŋ wi nyàŋ bà joà lɛ anyuùŋ gbòà Guliì mie nyàŋ tɛɛ wèè wo nyiŋ kàà e ɗèwè e Guliì mieɛ̀ gbòa?

Nyɛ̀nɛ̀ŋ 3:26

Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”

Luùm 10:17

Sèè è nɔ̀ŋ yɛi, kɛ̀ wo nyùùŋ gbiŋ fè ɓɛ̀nɛ̀ŋ kɛ̀ɛ̀nɛ̀ŋ hààwe sèè wò go kòmàŋ ke miè gbìaàŋ, e nyaàiŋ dè wo Jisɛ̀ Kulaì.

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

Luùm 15:29

Sèè mìŋ haì ko nɛ̀ɛ̀iŋ niìŋ ko Luùm, kà nyìmàŋ mìŋ doiŋ nàŋ hìɛ̀ŋ e kpùùmaàŋ gbiŋ e yìwìà Kulaì sìwè.

Luùm 2:9

Wo Dayà do nàŋ dèèyè e keì nyìnga yaà e nimilà anyuùŋ nyɛ̀nɛ̀ŋ maŋ kpèè naanààŋ nyaŋ gbiŋ diɛŋ maŋ nyiiŋ gèe nyiŋ màŋ sùà. Tɔɔɓaa è do nàŋ kààìŋ koɓɛ̀ aŋ Juùù nyaŋ yaà anyùùŋ nyaŋ fè àŋ Juùù nyaŋ.

Luùm 4:11

Wo Dayà naŋ wa jàà wo Eɓulɔhɛɛ̀ŋ kùàŋ dìì paŋgàà wò naŋ wa nɔ̀ŋ kpùà jààuŋ. Ke kpùà jààuŋ nɛɛ̀ŋ naŋ wa tɔ̀ɔ̀ e tɔ̀ɔ̀màŋsèì keì ɔ̀ɔ̀ e fee kɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù hààweɛ̀ wò kuwa wo Dayà sùà lɛ. Tɛɛ̀ naŋ nyɛ̀nɛ̀ŋ wo Eɓulɔhɛɛ̀ŋ naŋ nɔ̀ŋ wo dèdaà wèè anyùùŋ nyaŋ naŋ hààwè Dayà nyaŋ, e kìlà wo Dayà naŋ nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, jòòpɛɛ aŋ fè kpùà jàa nyiŋ.

1 Kɔliìŋ 15:2

Tiŋ nàŋ yaà e tɔɔɓaaà, ke miè gbìàŋ Ebò Siaàŋ mìŋ naŋ wòò ko nɛ̀ɛ̀ŋ niìŋ lɛ. E hààweɛ̀ èiŋ joeyè sèè nìŋ kùwò niìŋ kpaŋ, sɔɔ̀ zà naŋ wa nɔŋ haawè wèè foo.

1 Kɔliìŋ 2:2

E teengaà mìŋ yaà ko nɛ̀ɛ̀iŋ niìŋ lɛ, mìŋ naŋ wa ɗewè wèè ka nyɛɛnɛ̀ŋ wèè e keì gbiŋ sɔɔ̀ nɔŋ e kèè Jisɛ̀ Kulaì, kai kai ngèè e kèè e jìwauŋ nɛ̀ wɔŋ vànèkpaàa diɛŋ.

1 Kɔliìŋ 2:4

yèè e kàà kiim mɛ̀ yaà ke miè gbìaàŋ, miŋ gò niŋ wòò mìè gbòà è gbèe zimgbe è yìwìà è jììkɛ̀ɛ̀ nyuùŋkpùuŋ sùà, sɔɔ̀ maŋ mìè gbòa kpàà nyùùŋ ɗì maŋ tɔɔ̀ e gààŋ Jìnàŋ Dayàa lɛ̀.

1 Kɔliìŋ 9:12

Sèè anyùùŋ joo nɔ̀ŋ aŋ bà nyiŋ bà wèè e tɔ̀ɔ̀nyaàŋ lɛɛ̀ ko diɛiŋ, yàwi ngèè pɛɛ e kuwàìŋ è tɔ̀ɔ̀nyaàŋ gbee e nyiŋ nìàŋ? Kɛɛ kòò è tòòmòìŋ è tɔ̀ɔ̀nyaàŋ lɛɛ̀, e nɔ̀ŋ bàiŋbà wèè maŋ keì mɛɛ̀ŋ gbiŋ wèè e nɛ̀ŋ gbiŋ go nàŋ kìlìè Èbò Siaàŋ nyaàiŋ dè Jisɛ̀ Kulaì kùàŋ feìŋ.

1 Kɔliìŋ 9:18

Kiìŋ nàŋ yaà e pààwa mɛ̀? Tiŋ nɔŋ nàŋ yaà, e gààaŋ mìŋ kuwa wèè ka wòò ke mìè gbìàŋ Ebò Siaàŋ lɛ, miŋ woò nyiŋ nɔŋ wèè foo, miŋ fè nyiŋ gè è tɔ̀ɔ̀nyaàŋ mɛ̀ gbiŋ kò sùà.

2 Kɔliìŋ 2:12

E teengaà mìŋ naŋ hàì ko Toà wèè ka wòò ke mìè gbìàŋ Ebò Siaàŋ nyaàiŋ dè wo Jisɛ̀ Kulaì lɛ, mìŋ naŋ yɛmɛ̀ kɛ̀ wo Kanaà yìlè wɔŋ gbemgbee wèè e tòmo ka feìŋ koɓɛ̀ bi.

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

2 Kɔliìŋ 9:13

Esàɓù e tɔ̀ɔ̀màŋseìɛ e tòmo kiiiŋ nɛɛ̀ e tòmò Dayàa sùà è yaà hìaŋ sùà lɛ, anyuùŋ zimgbe do nàŋ kìɛ̀ŋ wo Dayà e ɓɛ̀ɛ̀jàa, yèè e tɛ̀nɛŋ, wèè e jɔ̀ɔ̀lɔiŋ nɛ̀ koɓɛ̀ ke mìè gbìàŋ Ebò Sìàŋ Jisɛ̀ Kulaìɛ, ke yèɛ nìŋ naŋ nyimèè yɛ, yèè wèè e nɛ̀ŋ gè kùàiŋ nɛ̀ nìŋ goonàŋ naŋ nyiŋ kiɛ̀ŋ ke gbòò anyuùŋ hààwe nyàŋ e kpùlìà anyuùŋ gbànaŋ nyàŋ gbiŋ lɛ.

Gàla 1:7

Tɔɔɓaa, ebò siaŋ joo bà gbiŋ fè, kɛɛ mìŋ naŋ tɛɛ woò esaɓù nàŋ yaà kɛ̀ anyùùŋ nyaŋ bà nyiŋ yaà kààmè ɗewe wèè aŋ gɔ̀àgɔ̀à maŋ jiiŋ màŋ sùà yèè aŋ vɔ̀ɔ̀nɔ̀ŋ Ebò Sìàŋ Jisɛ̀ Kulaìɛ.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

1Time 1:11

Ebò Siaàŋ àŋ naim wa kaà yèè àŋ naim sìè ke jii tùlia yèè e zɔlɔ̀ sùà wèè ka woò lɛ, Ebò Siaŋ bi naŋ yèwè e jòòwo yèè e tɛ̀ɛ̀tɛ̀ɛ̀ wo Dàyà gaàŋ gbeeɔ̀ sìwè.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

2Time 1:16

Tɔ̀ wo Kanaà tɔ̀ɔ̀ ke nyowo koɓɛ̀ ke kpòò Ɔ̀nesifelɔ̀ɛ, esaɓù nàŋ yaà, wò kiɛ̀ìm ke jii fàa e teenga zimgbe sùà. E sàngè gòuŋ nyɛ̀nɛ̀ŋ wèè màŋ jɔ̀ɔ̀ɔ màŋ àŋ naim wa sìè kò sààŋ nyìwìi lɛ.

2Time 1:8

Ɓɔ̀ mùŋ nyɛ̀nɛ̀ŋ è sàngè, wèè maŋ gbòà kè mìè seì è nyaàiŋ dè wo Kana wiɔ̀ Jisɛ̀ Kulaì. E kìlà ɓɔ̀ mùŋ nyiniàm è sàngè, esaɓù kɛ̀ mìŋ yaà wo nyùùŋ màŋ keì esàɓù Jisɛ̀ Kulaìɛ sùà. Kɛɛ, ɓèmè e jeum keì nyìngàà wèè Ebò Siaàŋ, màànààŋ wo Dayà naum kìɛ̀ŋ e gààŋ wèè maŋ niŋ nyɛ̀nɛ̀ŋ lɛ.

Hiɓu 4:12

Ke mìè gbòà Dayàa kè yaà wɔŋ nyiiŋ gèe sùà yèè kè kuwa gààŋ. Kè nɔ̀ŋ ke nìàŋ e kòyà fòò maŋ nyààŋ tìyèe. Kè kɛɛ ke hàì koɓɛ̀i wo jinàaŋ yaà wɔŋ nyììŋ jinàaŋ deenàŋ lɛ, ko yèi maŋ sunosuno màŋ yaà e bù lɛ maŋ gòà maŋ hnàŋ koɓɛ̀ guùŋ lɛ. Kè fulià janjai e gòngò nyuùŋkpùuŋ nɛ̀ e kpùlìà e yèɛ wò naŋ ɗewè ke jiiuŋ nɛɛ̀ŋ sùà lɛ.

1Pììlɛ 4:16

E ɗewe gbiŋ sùà, sèè nìŋ nɔ̀ŋ kɔ̀ɔ̀yɛ̀ keì nyìnga dìì esaɓù kɛ̀ nìŋ yaà anyuùŋ hààwe, e sàngè tii ɓɔ̀ è nyɛ̀nɛ̀iŋ. Kɛɛ fèeìŋ Dayà ɓɛ̀ɛ̀jàa wèè e dèè Jisɛ̀ Kulaìɛ jààìŋ nɛ.