Luùm 1:13 - WƆŊ FƐ̀Ì EBÒ SÌÀŊ DAYÀA

¹³ Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

Luùm 1:13 ပူးပေါင်းရင်းမြစ်များ

Jɔ̀ɔŋ 12:24

Mìŋ yààìŋ wòò e tɔɔɓaaà kɛ̀, sèè ke kpàlì kòmàŋ guùŋ ke sɔ̀à ko dììnaŋ, ke naàŋ nìè kè guùŋ, sɔɔ̀ ke fà. Kɛɛ sèè kè fà, kè do nàŋ kòmò e kpàli komaŋ zimgbe.

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 4:36

Wo nyùnɔ̀ɔŋ yèɔ kpaa manɛ̀ŋ ɓù maŋ wɔ̀, yɛmɛ̀ e pààwa, e kìlà àŋ gbonàŋ maŋ kùù kòmàŋ wɔŋ nyiiŋ gèe gò jùà, wèè kɛ̀ wo nyuùŋ tòmò ɓùɔ yèè wo nyuùŋ kpàà manɛ̀ŋ ɓùɔ naŋ ɓɛ̀nɛ̀ŋ gììyà e zɔlɔ̀ koɓɛ̀ guùŋ.

Nyɛ̀nɛ̀ŋ 1:15

Maŋ ɗɔɔ kpàa naŋ mààŋ yèè anyuùŋ hààwe nyàŋ naŋ dèènè koɓɛ̀ guùŋ. Àŋ yaà wa e sɔ̀ngɔ̀ anyuùŋ hɔ̀nɔ̀ɔ̀ guùŋ kpɛ̀ɛ̀ùŋ guùŋ (120), kpeiŋ wo Pììlɛ naŋ sie wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 14:27

Nààŋ àŋ naŋ wa hàì ko Aŋtiɔ̀, wo Pɔɔ̀ yaà wo Bànaŋɓà naŋ nyààŋ ke gbòò anyuùŋ hààwe nyàŋ e dèène sùà. Yèè àŋ naŋ nyiŋ gbàìè jii wèè eɗewɛ̀ wo Dayà naŋ nyiŋ kpuumò lɛ, yèè e ɗeweɛ̀ wò naŋ yìlè wɔŋ gbemgbee wèè anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ hààwe wo Jisɛ̀ sùà.

Nyɛ̀nɛ̀ŋ 15:12

Anyùùŋ fuɔŋ nyàŋ gbiŋ naŋ wa nɔ̀ŋ gìli nààŋ àŋ yaà wa kùmìàŋ sùà e jìwààjɛ̀wɛ̀ɛ wo Bànaŋɓà yèè wo Pɔɔ̀ yaà wa kìɛ̀ŋ sùà lɛ nyaàiŋ dè e gàaŋ wo Dayà naŋ wa kiɛ̀ŋ wèè aŋ nyɛ̀nɛ̀ŋ maŋ kèè mèè yèè maŋ tɔ̀ɔ̀màŋsèì keì wèè anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 19:21

Nààŋ maŋ keì mɛɛ̀ŋ gbiŋ naŋ wa kaàiŋ, wo Pɔɔ̀ naŋ wa ɗewè wo jinàuŋ nɔɔ̀ŋ sùà wèè wo jaamè anyùùŋ nyaŋ ko Mɛ̀sèdonià yèè ko Àkaayà nààŋ wò yaà wa kɔ̀ɔ̀yɛ̀ ko Jùlusɛ̀làm. Wo Pɔɔ̀ naŋ wa woò wààŋ, “Sèè mìŋ yewe kuii mìŋ do nàŋ kɔ̀ ko Luùm.”

Nyɛ̀nɛ̀ŋ 21:19

Wo Pɔɔ̀ naŋ nyiŋ zuumò yèè wò naŋ nyiŋ wòò e ɗeweɛ̀ wo Dayà nauŋ toomò wèè wo kpùùmàŋ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 28:14

Kuŋ è naiŋ wa mɛ̀ɛ̀ŋ anyuùŋ hààwe nyàŋ bà. Yèè àŋ naŋ wi dawè wèè e nɔ̀ŋ nyiŋ nee gòlò wèè maŋ ɗɔ̀ɔ̀ nɔɔnɔŋ le tìyèe. Nààŋ maŋ ɗɔɔ miiŋ naŋ mààŋ, è naiŋ noo yèwè yèè è naiŋ kɔ̀ ko jawa gbeeì ko Luùm.

Luùm 1:12

E yèɛ mìŋ yaà woo lɛ̀ nàŋ yaà wèè kɛ̀ yàwi nààŋ gbiŋ eiŋ kpùùmàŋ aŋ dàwi e tèèngà guùŋ nɛ, e yìwìà e hààwe wilɛ̀ sùà.

Luùm 11:25

Wùìyaim nyàŋ, miŋ manàŋ wèè nyɛ̀iŋ nààŋ nyùùŋ nyaŋ nààŋ fè àŋ Juùù nyaŋ, naŋ ɓèmè nyɛ̀iŋ bi gbee. Weètii mìŋ doiŋ nàŋ kpìnìè ke gbùnuɛ̀, wèè e nɛ̀ɛŋ naŋ kààìŋ koɓɛ̀ anyùùŋ Ezɔ̀ɛ̀ nyaŋ lɛ̀. Aŋ bà nyiŋ naŋ wa nyìngè ɗì yèè àŋ naŋ gè maŋhɛɛ wèè aŋ kɛɛnɛ̀ŋ hààwe, e ɗì nyinge nyiŋ bi naàŋ yɛi jeè, kɛɛ yɛi àŋ do nàŋ jeè, e jèèsùà ke gbòò anyùùŋ nyaŋ fè àŋ Juùù nyaŋ, ke yèɛ wo Dayà tàeɗùù yɛ, ke hnàŋ ko nɛ̀ɛ̀uŋ niìŋ e Kanauŋ nɛ̀ sùà.

Luùm 7:1

Tɔɔɓaa wùìyaim nyàŋ, nàŋ nyìmàŋ e yèɛ mìŋ yaà hinie wèè ka woò lɛ, esaɓù nyɛ̀iŋ nààŋ gbiŋ nàŋ nyìmàŋ e kèè ke sàwà. Ke sàwàa kuwa nɔŋ e gààŋ anyùùŋ diɛŋ aŋ yè nyaŋ yaà wɔŋ nyiiŋ gèeɔ̀ sùà nyaŋ.

1 Kɔliìŋ 1:10

E yìwìà e gààŋ e dèè Kana wiɔ̀ Jisɛ̀ Kulaìɛ sùà, mìŋ yààìŋ dàwe sùà nyɛ̀iŋ nààŋ wùìyaim nyàŋ gbiŋ, wèè e nɛ̀ɛ̀ŋ nìŋ woà lɛ naiŋ jàà kùàŋ dìì, wèè e tɛɛ gòòno goiŋ nàŋ sɛ̀ɛ̀ è fèemàŋ. Nɔ̀iŋ koɓɛ̀ guùŋ, e gòngò guùŋ diɛŋ, yèè esàɓù guùŋ diɛŋ.

1 Kɔliìŋ 10:1

Mìŋ manaŋ naŋ jàà jii nyɛ̀iŋ nààŋ wùìyaim nyàŋ, kɛ̀ aŋ nèwàènèwe wi nyàŋ gbiŋ yaà wa ko fuùŋ kùwaì dìì kò yaà nyiìŋ yɛ̀ɛ̀mɛ̀ diɛŋ, e jèèsùà aŋ gbiŋ kɔ̀ɛ̀ wɔŋ Juwo Wɛinɔɔ̀ŋ sùà bòìbòì aŋ nìàŋ.

1 Kɔliìŋ 12:1

E nɛ̀ɛŋ nìŋ naŋ sìngè e nyaàiŋ dè e kèè maŋ kìɛŋ e yìwìà wo Jìnàŋ Dayà sìwè lɛ. Nyɛ̀iŋ nààŋ wùìyaim nyàŋ, mìŋ manaŋ naŋ nyìmàŋ e tɔɔɓaaà e nyaàiŋ e miŋ dè.

1 Kɔliìŋ 14:20

Nyɛ̀iŋ nààŋ wùìyaim nyàŋ, ɓɔ̀ nìŋ gongò mààŋ àŋ jɔ̀à kaiŋ gòngoìŋ mààŋ anyuùŋ kàmaiŋ e kìla niŋ nɔ̀ŋ mààŋ aŋ jɔaa bɔwɔ gò nyìmàŋ keì naanààŋ è fèemàŋ.

1 Kɔliìŋ 14:26

Nyɛiŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀. Sèè nìŋ deenàŋ wèè zòòlo, wo nyùùŋ guùŋ nɔ̀o wò kuwa wɔŋ nùŋ wèè dàa, wo bàa kuwa e kàa wèè wo kaà, wo bà kuwa ebò dààne e yìwìà Dayà sìwè, wo bà kuwa ke miè gbìaŋ maŋ kaìŋ joo sùà, yèè wo nyùùŋ gɔ̀ì maŋ kaìŋ joo bi sùà nɔ̀o. Tii gbiŋ e nɔ̀ŋ kpùùmaŋ koɓɛ̀ ke gbòò anyuùŋ hààwe nyàŋ.

1 Kɔliìŋ 9:2

Sèè pɛɛ anyùùŋ bà gòim jàà kùàŋ dìì wèè ka nɔ̀ŋ wò keela tàeɗùù, kɛɛ tɔɔɓaa nyɛ̀iŋ naim jàà kùàŋ dìì. Esàɓù maŋ nyiiŋ màŋ e nɔ̀ŋ miŋ bà miŋ bà wo Kanaà Jisɛ̀ sùà, yèè nyɛ̀iŋ bi nìŋ yaà aŋ seì wèè e tòmò keela tàeɗùù mɛ̀ wo Kanaà sùà.

2 Kɔliìŋ 1:8

Nyɛ̀iŋ nààŋ wùìya wi nyàŋ, è manaŋ wèè e dè maŋ jiiiŋ màŋ, koɓɛ̀ e keì nyìngaà è naŋ kùwò maŋ kpàlàùŋ kpàlàùŋ Eesìà maŋ sùà lɛ. E keì nyìngaà naŋ wi hnè diɛŋ lɛ̀, è naŋ dɛɛ̀ yèè è naŋ wi mùŋgò diɛŋ e jèèsùà e bɔ̀mɔ̀ŋ nyiiŋ gèe e wi wùìyà.

2 Kɔliìŋ 2:14

Kɛɛ mìŋ naŋ gè Dayà ke sɛ̀! E nɔ̀ŋ wilɛ̀ aŋ bàwibà Jisɛ̀ Kulaì sùà, e teenga gbiŋ wo Dayà sià wì feìŋ nààŋ è yààìŋ anyùùŋ keì wɔŋ gɛ̀ŋ yɛ̀mɛ̀ Jisɛ̀ Kulaìɔ wò kanaŋ wɔ̀ŋ sùà. Wo Dayà toomàŋ wì wèè eiŋ ɓààyè e jiikɛ̀ɛɛ̀ nyaàiŋ dè wo Jisɛ̀ Kulaì koɓɛ̀ gbiŋ mààŋ e dòmaŋ kuùmàì sìàŋ.

Gàla 3:15

Nyɛ̀iŋ nààŋ wùìyaim nyàŋ, mìŋ do naŋ tòòmò e tɔ̀ɔ̀màŋsèì kei maŋ kààŋ wɔŋ niìsìa màŋ gbiŋ wèè kaiŋ kpìnìàŋ e yèɛ yaà ke jii miɛ̀ŋ lɛ. E teengaà anyùùŋ tìyèe naŋ nyimèè wèè aŋ nyɛ̀nɛ̀ŋ e keì titi bà lɛ, wo nyùùŋ bà gbiŋ fè niŋ ɓɛìŋ ɓɛ̀nɛ̀ŋ gè dao ɔ̀ɔ̀ wo vɔ̀ɔ̀nɔ̀ŋ è mìèsùàguùŋ bi.

Gàla 6:18

Nyɛ̀iŋ nààŋ wùìyaim nyàŋ, mìŋ zoolà wèè e tɛ̀ɛ̀tɛ̀ɛ̀ wo Kana wiɔ̀ Jisɛ̀ Kulaì eiŋ nɔ̀ŋ maŋjɛ̀wɛ. Àmiinàŋ.

Fèle 1:22

Kɛɛ sèè ka weè nɔŋ nɔ̀ŋ wɔŋ nyiiŋ gèe ke kpùnaŋ miɛ̀ŋ sùà, kà weè ɓɛ̀nɛ̀ŋ nɔ̀ŋ nyìnìè maŋ keì tɛ̀ɛ̀wɛ̀ tɛɛwɛ, kɛɛ miŋ naàŋ nyìmè è nɛ̀ɛŋ mìŋ naŋ ɓɛ̀nɛ̀ŋ tàeɗùù wèè e nɔ̀ŋ è kɛnɛ niŋ nɛ̀.

Fèle 4:17

Mìŋ fè kààmè ɗewe wèè kaìŋ gè è nɛ̀ŋ sìwè, kɛɛ mìŋ manaŋ wèè naŋ yɛ̀mɛ̀ e kpùùmaàŋ wo Dayà doiŋ nàŋ kiɛ̀ŋ lɛ sèè nìŋ kiɛ̀ŋ.

Kòlo 1:10

kɛ̀ nìŋ do nàŋ ɓɛnɛ̀ŋ wèè naŋ nyɛ̀nɛ̀ŋ wɔŋ nyiiŋ gèeiŋ nɔɔ̀ŋ e ɗeweɛ̀ wo Kanaà manaŋ lɛ̀, e kìlà e teenga gbiŋ nìŋ do nàŋ nyɛ̀nɛ̀ŋ e yèɛ wò manaŋ lɛ̀. Nìŋ do nàŋ nyɛ̀nɛ̀ŋ e keì sìàŋ maŋ nyiiŋ gèeiŋ màŋ sùà, e kìlà e jiikɛ̀ɛ̀iŋ nɛ̀ wèè naŋ nyìmàŋ wo Dayà tɛ̀ɛ̀ do nàŋ dɛ̀kɛ̀ sùà.

Kòlo 1:6

Ebò Siaàŋ kòò è yaà nɔŋ hìàŋ sùà e kpùùmaŋ e kìlà kòò è yaà ɓààye sùà e ɗuunyaàŋ gbiŋ sùà, màànààŋ nɔŋ è naiŋ ɓààyè e tɛɛ e teenga gɔu, e yìwìà ke ɗɔɔ jiɛ̀jiɛ̀ɛ nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa, yèè nìŋ naŋ nyìmè e tɔ̀ɔ̀nyaàaŋ e nyaàiŋ e niŋ dè lɛ.

1Tɛsè 2:18

È manaŋ wa wèè eiŋ kɛ̀ɛ̀ ko nɛ̀ɛ̀iŋ niìŋ. Miàim Pɔɔ̀, mìŋ naŋ fɛ̀ɛ̀ wèè ka hnàŋ ko nɛ̀ɛ̀iŋ niìŋ è nìàŋ sùà guùŋ pɛɛ, kɛɛ wo Sɛ̀tanàŋ gò nyimèè.

1Tɛsè 4:13

Nyɛ̀iŋ nààŋ wùìya wi nyàŋ, è manaŋ wèè naŋ nyìmàŋ e tɔɔɓaà nyaàiŋ dè anyùùŋ nyaŋ naŋ fɔ̀ nyaŋ, wèè ke nyowo goiŋ nàŋ nɔ̀ŋ nyinie mààŋ ànyuùŋ gò kùwìè kè jii tùlia.

2Tɛsè 2:7

Ke gbùnù kpèè naanààŋ kòò kè yaà naàŋ toomo tɛ, kɛɛ e nɛ̀ɛŋ yaà hinie wèè e kaaìŋ lɛ, e naàŋ kaaìŋ e jèèsùà wo nyùnɔ̀ɔŋ naŋ niŋ kìlìè kùàŋ feìŋ wɔ wo Dayà wouŋ niŋ gè feìŋ.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.