Luùm 1:12 - WƆŊ FƐ̀Ì EBÒ SÌÀŊ DAYÀA

¹² E yèɛ mìŋ yaà woo lɛ̀ nàŋ yaà wèè kɛ̀ yàwi nààŋ gbiŋ eiŋ kpùùmàŋ aŋ dàwi e tèèngà guùŋ nɛ, e yìwìà e hààwe wilɛ̀ sùà.

Luùm 1:12 ပူးပေါင်းရင်းမြစ်များ

Nyɛ̀nɛ̀ŋ 11:23

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà.

Luùm 1:11

Mìŋ yaà e wùànàŋ sùà wèè kaiŋ yɛmɛ̀ e kìlà wèè kaiŋ kìɛ̀ŋ e kìɛɛ̀ŋ wo Jìnàŋ Dayàa naim kiɛ̀ŋ lɛ, wèè e hààweiŋ nɛ̀ e nyìngàà sùà.

Luùm 1:13

Jàaìŋ jii, nyɛ̀iŋ nààŋ wùìyaim nyàŋ, kɛ̀ e teenga zimgbe mìŋ naŋ ɗewè wèè kaiŋ jaamè. Kɛɛ e keì bà nàŋ keewàìm kùàŋ feìŋ e teenga zimgbe wèè miŋ gòim nàŋ jaamè. Mìŋ manaŋ ka hìàŋ anyùùŋ nyaŋ fè àŋ Juùù nyaŋ e yìwìà ko Luùm wèè aŋ dè ke dòmàŋ Jisɛ̀ Kulaìɛ diɛŋ, nààŋ mìŋ naŋ nyɛ̀nɛ̀ŋ maŋ tàta zimgbe sùà lɛ.

Luùm 15:24

E ɗèwe mɛ̀ nàŋ yaà wèè kaiŋ jaamè sèè mìŋ nɔ̀ŋ kɔ̀ɔ̀yɛ̀ ko Sipiìŋ. Yèè wèè e teenga kpuuɛ̀ mìŋ doiŋ nàŋ nɔ̀ŋ le gòlò lɛ, mìŋ kuwa ke jii tùlia kɛ̀ nìŋ doim nàŋ kpuumò wèè kao haì fiò.

Luùm 15:32

Mìŋ dawà Dayà wèè wo gèim nyààŋ diɛŋ wèè ka hnàŋ ko nɛ̀ɛ̀iŋ niìŋ, yèè miŋ nɔ̀ŋ ke jìì fà zɔlɔ̀ gbee sùà e tɛɛiŋ.

2 Kɔliìŋ 7:13

Tii naŋ nyɛ̀nɛ̀ŋ è naiŋ kùwìè jii nyingè. E fè nɔŋ kɛ̀ è naiŋ kùwìè kè jii nyingè, kɛɛ è naiŋ yɛ̀mɛ̀ e ɗeweɛ̀ wo Taitɔ̀ yaà e zɔlɔ̀ sùà lɛ, esaɓù kɛ̀ niŋ gòuŋ tɔ̀ɔ̀ è nɛ̀ŋ bà gbiŋ wèè wɔ̀ŋ nyiiuŋ nɔɔ̀ŋ sɛ̀ɛ̀ jii.

Ɛfesɔ̀ 4:5

Wo Kanaà yaà wò guùŋ, e hààweɛ̀ è yaà è guùŋ, yèè e gùà kiiɛ̀ è yaà nɔŋ è guùŋ.

2Time 1:4

Mìŋ naŋ jàà ke mìè gòla mɔɛ̀ŋ jii, yèè mìŋ nyɛnɛŋ kaì e wùànàŋ wèè kaum yɛmɛ̀, esaɓù kɛ̀ tɛɛ̀ doim nàŋ dèèyè e zɔlɔ̀ sùà.

Taitɔ̀ 1:4

Mìŋ yaà sìngìè ko nɛ̀ɛ̀ŋ muìŋ, Taitɔ̀, wo jɔ̀à tɔ̀ɔ̀nyaàŋ miɔ̀ŋ è kuwa e hààwè guùŋ wɔ̀. Tɔ̀ wo Dayà yaà wo Jisɛ̀ Kulaì wo Nyuùŋ Jòèye wiɔ̀ kiɛ̀iŋ ke jii fàa yaà e tɛ̀ɛ̀tɛ̀ɛ̀.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

2Jɔ̀ɔŋ 1:4

E zɔlɔ̀ nàim diè wèè ka yɛ̀mɛ̀ aŋ jɔ̀àiŋ nyàŋ bà nyiŋ kuwa e tɔ̀ɔ̀nyaàaŋ maŋjɛ̀wɛ, màànààŋ wo Dèdaà naŋ wi woò maŋ sàwàuŋ sùà wèè eiŋ nyɛ̀nɛ̀ŋ lɛ.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.