Luù 9:7 - WƆŊ FƐ̀Ì EBÒ SÌÀŊ DAYÀA

⁷ Nààŋ wo Kanaà Hɛɛlɔ̀ Aŋtipà, wo Kànà wɔŋ fùɔ̀ŋ Galaliìɔ naŋ kòmò ebò maŋ keì maŋ wo Jisɛ̀ yaà anyùùŋ màŋjɛ̀wɛ̀uŋ nyàŋ yaà wa nyinie màŋ, ke jiiuŋ nɛɛ̀ŋ naŋ wa gɔ̀àì gɔ̀àì sùà, esaɓù kɛ̀ anyùùŋ bà yaà wa woo nyààŋ wo Jɔ̀ɔŋ Gùà Nyùnɔ̀ɔŋ naŋ yèwè e fàaà dìì wɔŋ nyiiŋ gèeɔ̀ sùà. Wo Hɛɛlɔ̀ naŋ wa nyɛ̀nɛ̀ŋ aŋ kààlòòɗùàuŋ nyàŋ aŋ jìwà wo Jɔ̀ɔŋ Gùà Nyùnɔ̀ɔŋ.

Luù 9:7 ပူးပေါင်းရင်းမြစ်များ

Maafiù 11:2

E teengaà wo Jɔ̀ɔŋ Gùà Nyùnɔ̀ɔŋ yaà wa ko sààŋ nyìwìi lɛ̀, wò naŋ kòmò maŋ keì maŋ wo Jisɛ̀ Kulaì yaà wa nyinie màŋ. Yèè wò naŋ tùɔ̀ŋ anyùùŋ màŋjɛ̀wɛ̀uŋ bà ko nɛ̀ɛ̀uŋ niìŋ.

Luù 13:31

E tèèngà guùŋ lii sùà aŋ Fɛlosiì nyaŋ bà nyiŋ naŋ hnè koɓɛ̀ Jisɛ̀i yèè àŋ nauŋ woò nyààŋ, “Wo Hɛɛlɔ̀ manaŋ wèè woum jìwà, weètii yewà kià muŋ ka.”

Luù 21:25

“E tɔ̀ɔ̀màŋsèì maŋ kèè mèè do nàŋ kààìŋ e gɔɛɛ̀, wɔŋ wààa, yèè maŋ ɗu màŋ. E jùù do nàŋ nyɛ̀nɛ̀ŋ anyuùŋ kpùuŋ nyàŋ gbiŋ e dììɛ diɛŋ sèè àŋ yɛmɛ̀ wɔŋ juwoɔ̀ wɔ̀ŋ nɔ̀ŋ ɓuluno ɓuluno e kìlà e bɔiŋ nɛ̀ jowo, yèè aŋ naàŋ nyìmè kɛ̀ kiìŋ àŋ do nàŋ nyɛ̀nɛ̀ŋ.

Luù 23:7

Nààŋ wò naŋ wa naàŋ nyìmè kɛ̀ wo Jisɛ̀ yewe wɔŋ fuɔɔ̀ŋ wo Hɛɛlɔ̀ kuwa e gààŋ diɛŋ wɔ̀ŋ, wò nauŋ tùɔ̀ŋ ko nɛ̀ɛ̀uŋ niìŋ, wò yèɔ yaà wa naàŋ ko Jùlusɛ̀làm e teenga bi sùà wɔ.

Luù 3:1

È yaà wa wɔŋ dòà zììyà jɛ̀wɛ̀ nɔɔnɔɔ̀ŋ e kànà kɛ̀ɛ̀ Tàbiliɔ̀ Siisɔ̀ɛ sùà, wo Kànà Gbèè wɔŋ fùɔ̀ŋ anyùùŋ Luùm nyaŋ. Wo Pɔuŋtiɔ̀ Paalè nàŋ yaà wa wo kana wɔŋ fùɔ̀ŋ Jùdiàa diɛŋ, wo Hɛɛlɔ̀ nàŋ yaà wa wo kana wɔŋ fùɔ̀ŋ Galaliìɔ sùà. Wo wùìyà Hɛɛlɔ̀ɔ, Felè, wuŋ pɛɛ nàŋ yaà wa wo kanaà wèè wɔŋ fùɔ̀ŋ Etuliàa yèè wɔŋ fùɔ̀ŋ Takɔnaitèɔ, wo Làsanià nàŋ yaà wa wo kanaà wèè wɔŋ fùɔ̀ŋ Abilììɔŋ.

Luù 9:19

Àŋ nauŋ fasàì nyààŋ, “Aŋ bà nyiŋ nyààŋ muàŋ nàŋ yaà wo Jɔ̀ɔŋ Gùà Nyùnɔ̀ɔŋ, aŋ bà nyiŋ nyààŋ muàŋ nàŋ yaà wo Ìlaajà, e kìlà aŋ bà nyiŋ nyààŋ, muàŋ nàŋ yaà wo kèèlà gɔ̀ù Dayàa bà guùŋ wo yèɔ naŋ kɛ̀ɛ̀ wɔŋ nyiiŋ gèeɔ̀ sùà wɔ.”