Luù 9:55 - WƆŊ FƐ̀Ì EBÒ SÌÀŊ DAYÀA

⁵⁵ Wo Jisɛ̀ naŋ kìlè wò naŋ nyiŋ gbuuyè wààŋ aŋ gò gbòà tɛ̀ɛ̀.

Luù 9:55 ပူးပေါင်းရင်းမြစ်များ

Maafiù 16:23

Kɛɛ wo Jisɛ̀ naŋ kìlè yèè wò naŋ wòò wo Pììlɛ wààŋ, “Kɛ̀ɛ̀im maŋjɛ̀wɛ, Sɛ̀tanàaŋ! Ɓɔ̀ mùŋ kiliàim kùàŋ feìŋ. E gòngo mɔ̀ɛ̀ yiwià koɓɛ̀ Dayài, kɛɛ è yewe ke nyɛ̀nɛ̀ŋ nyuùnkpùuŋ sùà.”

Maafiù 26:33

Wo Pììlɛ naŋ gbòò yèè wò nauŋ woò wààŋ, “Julɔfɔ miŋ naùm kɛ̀ɛ̀ màŋjɛ̀wɛ, sèè pɛɛ anyuùŋ gbànaŋ nyàŋ aum jòà!”

Maafiù 26:41

Yɛ̀mɛìŋ nyɛ̀iŋ bi diɛŋ, yèè niŋ zoolò wèè e wàà e keì nyìnga goiŋ nàŋ hnè feìŋ. Kà nyìmàŋ kɛ̀ nìŋ manaŋ naŋ nyɛ̀nɛ̀ŋ e yèɛ yaà tɛ̀ɛ̀ lɛ, kɛɛ niŋ fè niŋ ɓɛ̀nɛ̀ŋ nyɛ̀nɛŋ è gààŋ è kèìŋ nyuùŋkpùuŋ nɛ̀ sùà.”

Maafiù 26:51

Anyùùŋ nyaŋ kuwa wo Jisɛ̀ maŋjɛ̀wɛ nyàŋ bà guùŋ koɓɛ̀ bi naŋ gè e kòyà ɗùàuŋ nɛ̀ yèè wò naŋ nyɛ̀mɛ̀ŋ wo ɓɔ̀ìjɔ̀à wo Kànà Sìèfèìŋ Zòòlo Gbeeɔ̀, wouŋ kɛ̀ɛ̀ ke nùŋ kpo.

Luù 9:54

Nààŋ anyùùŋ màŋjɛ̀wɛ̀ nyaŋ, wo Jìiiŋ yèè wo Jɔ̀ɔŋ naŋ wa tɛɛ̀ yɛmɛ̀, àŋ naŋ dawè nyààŋ, “Kanaà, mùŋ manaŋ wèè eiŋ nyaanè wèè e hmɔ̀ɔ̀ŋ e yìwìà ko àìjɛnɛ̀ŋ wèè e sùàŋ anyùùŋ nyɛɛ̀ŋ?”

Luù 9:56

Yèè wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ ko vàa joo bà.

Jɔ̀ɔŋ 16:9

Wo Jinàaŋ do nyiŋ nàŋ tɔɔ̀ kɛ̀ è yaà e keì jèèe nyiŋ e fèfoo aŋ nyimààŋ kɛ̀ kiìŋ nàŋ yaà è jùumù, esaɓù kɛ̀ aŋ gòim haawè.

Jìiiŋ 3:10

E yìwìà e mìlè guùŋ bi diɛŋ ko nyaàŋ wiì è tɛnɛ̀ìŋ e kìlà eiŋ gboonò. Nyɛ̀iŋ nààŋ wùìyaim nyàŋ, tɛɛ̀ ɓɔ̀ è nɔ̀ŋ yɛi!

1Pììlɛ 3:9

Ɓɔ̀ nìŋ giiyà è kpàŋ keì naanààŋ è keì naanààŋ ɔ̀ɔ̀ è kpàŋ gbòòno è gbòòno. Gììyaìŋ niŋ e zòòlo sùà esaɓù kɛ̀ e zòòlo nàŋ yaà e nɛ̀ɛŋ wo Dayà naŋ ɓèmè e ɗààhiì wèè woiŋ kiɛ̀ŋ nààŋ wò naiŋ nyààŋ.

Maŋ kèì nyɛɛnɛŋ 3:19

Mìŋ gbuuyà e kìlà mìŋ nimilà anyùùŋ nyaŋ gbiŋ mìŋ manaŋ nyàŋ. Weètii, nɔ̀ŋ wo nyùùŋ tɔ̀ɔ̀nyaàŋ, e kìlà muŋ fè maŋ tùwo naanààum màŋ jɛwɛ.