Luù 9:50 - WƆŊ FƐ̀Ì EBÒ SÌÀŊ DAYÀA

⁵⁰ Wo Jisɛ̀ nauŋ woò yaà anyùùŋ màŋjɛ̀wɛ̀ gbànaŋ nyàŋ wààŋ, “Ɓɔ̀ nìŋ haàuŋ è nàà sìwè, esaɓù kɛ̀ wo nyùnɔ̀ɔŋ fè wò jooum wɔ̀ wò yàa weèum.”

Luù 9:50 ပူးပေါင်းရင်းမြစ်များ

Maafiù 12:30

“Wo nyùnɔ̀ɔŋ gbiŋ gò dè kpèè miɛ̀ŋ màŋjɛ̀wɛ wɔ̀, wò yaà wo jooim. Wo nyùnɔ̀ɔŋ gbiŋ gòim kpuumàŋ wèè eiŋ gbònò àŋ ɓaawaa nyàŋ kòɓɛ̀ guùŋ wɔ wò do nyiŋ nàŋ nyɛ̀nɛ̀ŋ aŋ dùàŋ aŋ ɓaayè.”

Maafiù 17:24

Nààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ wa hnè ko Kepanàùm, anyuùŋ kùwà e nɛ̀ɛ̀nɛ̀ŋ ke Saaŋ Zòòlò Dayàa naŋ hnè koɓɛ̀ Pììlɛì yèè àŋ nauŋ dawè nyààŋ, “Wo kààmɔɔiŋ nɔɔ̀ŋ wò paawà e nɛ̀ɛ̀nɛ̀ŋ ke Saaŋ Zòòlò Dayàa?”

Maafiù 17:26

Wo Pììlɛ naŋ fasàì wààŋ, “Àŋ gè niìŋ anyùùŋ fuɔŋ joo sìwè.” Yèè wo Jisɛ̀ naŋ fasàì wààŋ, “Kɛ̀ aŋ jɔ̀à kùmìàŋ fuɔɔ̀ŋ kuwà wèè aŋ niŋ paawà.

Luù 11:23

Wo Jisɛ̀ naŋ ɓɛìŋ woò wààŋ, “Wo nyùnɔ̀ɔŋ gbiŋ gò dè kpèè miɛ̀ŋ màŋjɛ̀wɛ wɔ̀, wò yaà wo jooim. Wo nyùnɔ̀ɔŋ gbiŋ gòim kpuumàŋ wèè eiŋ gbònò àŋ ɓaawaa nyàŋ kòɓɛ̀ guùŋ wɔ wò do nyiŋ nàŋ nyɛ̀nɛ̀ŋ aŋ dùàŋ aŋ ɓaayè.”

Luù 16:13

“Wo ɓɔìjɔ̀à gbiŋ fè ɓɛ̀nɛ̀ŋ nɔ̀ŋ wò ɗo wèè àŋ kààmɔ̀ɔ̀ŋ ɗì tìyèe. Wò do nàŋ mɔ̀nɔ̀ŋ wò guùŋ e nìàŋ wo bàa, ɔ̀ɔ̀ wò do nàŋ jɔ̀ɔ̀lɔ̀ wò guùŋ dìì e nìàŋ wo bàa. Muŋ fè ɓɛ̀nɛ̀ŋ zòòlò wò Dayà yaà è nɛɛnɛŋ.”

1 Kɔliìŋ 12:3

Wèètii, mìŋ manaŋ wèè naŋ nyìmàŋ kɛ̀ wo nyùnɔ̀ɔŋ gbiŋ wo Jìnàŋ Dayàa yaà maŋjɛ̀wɛ wɔ̀ wo fè woò wààŋ, “E gbòòno yaà wo Jisɛ̀ Kulaì màŋjɛ̀wɛ!” Wo nyùùŋ gbiŋ fè ɓɛ̀nɛ̀ŋ wòo wààŋ, “Jisɛ̀ Kulaì yaà Kana,” è yèɛ wo Jìnàŋ Dayàa fèeùŋ màŋjɛ̀wɛ lɛ̀.