Luù 9:44 - WƆŊ FƐ̀Ì EBÒ SÌÀŊ DAYÀA

⁴⁴ “Ɓɔ̀ nìŋ nyɛɛnɛ̀ŋ è yèɛ mìŋ yaà hinie kaiŋ woò lɛ! Miàim wo Jɔ̀àfèlàà Nyuùŋ Kpùnɔɔ̀ŋ àŋ doim nàŋ gè kùàŋ aim fè koɓɛ̀ e gààŋ anyuùŋ kpùuŋ nyàŋ.”

Luù 9:44 ပူးပေါင်းရင်းမြစ်များ

Maafiù 16:21

E yìwìà e teenga lii wo Jisɛ̀ naŋ tɔ̀ɔ̀tù anyùùŋ màŋjɛ̀wɛ̀uŋ nyàŋ wòo janyai wààŋ, “Mìŋ yaà kɔ̀ɔ̀yɛ̀ ko Jùlusɛ̀làm yèè mìŋ do nàŋ kɔ̀ e nìmìlà maŋ keì zimgbe dìì e yìwìà aŋ màmànkùmɛ̀ŋ fuɔŋ nyàŋ, aŋ kànà sìèfèìŋ zòòlo nyàŋ, yèè aŋ kààmɔ̀ɔ̀ŋ maŋ Sàwà Dayà nyaŋ. Àŋ doim nàŋ jìwè, yèè sèè e gɔ̀ɛ̀ɛ̀ taai maaŋ, ka yèwà e fàaà dìì wɔŋ nyiiŋ gèeo sùà.”

Maafiù 26:2

“Nàŋ nyìmàŋ kɛ̀ maŋ ɗɔ̀ɔ̀ tìyèe naŋ joo wèè wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ wɔŋ haì, e kìlà àŋ do nàŋ kìlè miàim wo Jɔ̀àfèlàà Nyuùŋ Kpùnɔɔ̀ŋ koɓɛ̀ anyùùŋ nyaŋ wèè aim jìwà.”

Luù 1:66

Anyùùŋ nyaŋ gbiŋ naŋ niŋ wa kòmò nyaŋ, naŋ wòò maŋ jii nyiŋ màŋ sùà nyààŋ, “Ɓòò wo jɔ̀à wɛɛ̀ do nàŋ nɔ̀ŋ?” Esaɓù kɛ̀ è naŋ wa tɔɔ̀ janjai kɛ̀ e gààŋ Kanaà Dayà yàaùŋ wa maŋjɛ̀wɛ.

Luù 18:31

Wo Jisɛ̀ naŋ mììnyɛ̀ŋ anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ e ɓula yèè wò naŋ nyiŋ woò wààŋ, “Kùmiaŋ nìim! È yààìŋ kɔ̀ɔ̀yɛ̀ ko Jùlusɛ̀làm ko yèi e yèɛ gbiŋ aŋ wɛ̀ijì nyaŋ naŋ wa sìngè lɛ e nyaàiŋ dè miàim wo Jɔ̀àfèlàà Nyuùŋ Kpùnɔɔ̀ŋ do nàŋ hɛɛnɛ̀ŋ.

Luù 2:19

Kɛɛ wo Mèèle naŋ wa jàà maŋ keì mɛɛ̀ŋ gbiŋ jii yèè wò naŋ miŋ nɔ̀ŋ goongo kɛ̀ kiìŋ maŋ mìè gbòa mɛɛ̀ŋ naŋ fasàì.

Luù 2:51

Kpeiŋ wo Jisɛ̀ naŋ nyiŋ dè maŋjɛ̀wɛ àŋ naŋ kɔ̀ ko Naazɔ̀ɛ̀, yèè wò he nyiŋ wa jɔ̀ɔ̀lɔ̀ dìì. Wo Mèèle naŋ wa bànè maŋ keì wòo mɛɛ̀ŋ gbiŋ hàa ke jiiuŋ nɛɛ̀ŋ sùà.

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Luù 9:22

Wo Jisɛ̀ naŋ nyiŋ ɓɛìŋ woò wààŋ kɛ̀, “Miàim wo Jɔ̀àfèlàà Nyuùŋ Kpùnɔɔ̀ŋ do nàŋ kɔ̀ e nìmìlà maŋ keì zimgbe dìì e kìlà aŋ màmànkùmɛ̀ŋ fuɔŋ nyàŋ, aŋ kànà sìèfèìŋ zòòlo nyàŋ, yaà aŋ kààmɔ̀ɔ̀ŋ maŋ Sàwà Dayà nyaŋ aim gbàŋ. Àŋ doim nàŋ jìwè, sèè e gɔ̀ɛ̀ɛ̀ taai maaŋ, ka yèwà e fàaà dìì wɔŋ nyiiŋ gèeo sùà.”

Jɔ̀ɔŋ 16:31

Yèè wo Jisɛ̀ naŋ nyiŋ dawè wààŋ, “Tɔɔɓaa nàim ngàà haawè?”

Jɔ̀ɔŋ 16:4

Mìŋ yààìŋ naàŋ tɛɛ̀ wòo sùà wèè naŋ niŋ jàà jii wèè kɛ̀ sèè è kaaìŋ wa nàwèè naŋ nyìmàŋ kɛ̀ kàiŋ niŋ wa woò. “Miŋ gòiŋ wa wòò màŋ keì mɛɛ̀ŋ kò tɔ̀ɔ̀tù è mɔ̀ɔ̀nɔŋ wilɛ̀, esaɓù kɛ̀ è yààìŋ wa koɓɛ̀ guùŋ.

Jɔ̀ɔŋ 19:11

Wo Jisɛ̀ naŋ fasàì wààŋ, “Sèè wo Dayà gòum weè kìɛ̀ŋ è gààaŋ, muŋ naàim weè ɓɛ̀nɛ̀ŋ kpùùnyàŋ wɔ̀ŋ vànèkpaaà diɛŋ. Kɛɛ wo nyùnɔ̀ɔŋ naim mààŋ ko nɛ̀ɛ̀ŋ muìŋ wɔ nàŋ kanaŋ e jùumù gbeeɛ̀.”

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Hiɓu 2:1

Esaɓùɛ lɛɛ̀ è kuwa eiŋ gbìàŋ e gòngo wilɛ̀ gbiŋ koɓɛ̀ e tɔ̀ɔ̀nyaàaŋ è naiŋ kòmò lɛ maŋjɛ̀wɛ, wèè kɛ̀ e goiŋ niŋ nàŋ fè jɛwɛ.