Luù 9:41 - WƆŊ FƐ̀Ì EBÒ SÌÀŊ DAYÀA

⁴¹ Wo Jisɛ̀ naŋ wòò anyùùŋ nyaŋ gbiŋ naaŋ wa deenè nyaŋ wààŋ, “Nàŋ yɛ̀mɛ̀ e ɗeweɛ̀ mìŋ naŋ kpùùmò anyùùŋ lɛ, yèè kòò nìŋ kɛ̀ɛ̀nɛ̀ŋ è hààweɛ̀ kɛ̀ nàŋ ɓɛ̀nɛ̀ŋ nyɛ̀nɛ̀ŋ è keì kɛnɛ gbiŋ? Kiìŋ è teenga mùnlaŋ mìŋ doiŋ nàŋ nɔ̀ŋ kɔɔ paŋgàà nìŋ nyɛnɛŋ e nɛ̀ɛŋ mìŋ nyɛnɛŋ lɛ̀? Kiìŋ è teenga mùŋlaŋ mìŋ do nàŋ kùwò ke jii maŋjɛ̀wɛiŋ wèè e hààwe gò kɛɛnɛ̀iŋ nɛ̀?” Yèè wò naŋ wòò wo felaaà wààŋ, “Hiàŋ kià wo felaajɔa mɔɔ̀ŋ ko nɛ̀ɛ̀ŋ miìŋ.”

Luù 9:41 ပူးပေါင်းရင်းမြစ်များ

Maafiù 11:28

Wo Jisɛ̀ naŋ ɓɛìŋ woò wààŋ, “Hnaìŋ ko nɛ̀ɛ̀ŋ miìŋ, nyɛ̀iŋ nyàŋ kinɛiŋ nìŋ yaà kɔ̀ɔ̀yɛ̀ e keì nyìnga dìì e nyaàiŋ dè e yèɛ aŋ kààmɔ̀ɔ̀ŋ maŋ Sàwà nyaŋ naiŋ woò yèè àŋ naiŋ gbùwò ɗì maŋ, yèè mìŋ doiŋ nàŋ gè maŋ keì nyìnga bi ɗì.

Maafiù 12:39

Wo Jisɛ̀ naŋ dàà nyiiŋ yèè wò naŋ nyiŋ woò wààŋ, “Nìŋ manaŋ naŋ yɛ̀mɛ̀ e kèè mèè esaɓù kɛ̀ nìŋ yaà anyuùŋ nyɛ̀nɛ̀ŋ maŋ keì naanààŋ yèè niŋ naàŋ kɛ̀ɛ̀nɛ̀ŋ è hààwe! Kɛɛ e tɔ̀ɔ̀màŋsèì keìɛ nɔŋ nìŋ do nàŋ yɛmɛ̀ lɛ nàŋ yaà e tɔ̀ɔ̀màŋsèì wo wɛ̀ijìɔ Joonàŋ.

Maafiù 12:45

kpeiŋ kɛ̀ wo jinàŋ naanààaŋ wò fòlà wò ka wò hìàŋ aŋ jinàŋ naanààŋ àŋ nɔɔnɔŋ le tìyèe aŋ yè nyaŋ ngèè nanaŋ aŋ nìàŋ wuŋ bi nyàŋ. Aŋ gbiŋ àŋ hnàŋ aŋ nyɛ̀nɛ̀ŋ koɓɛ̀ bi ko gboo nyiŋ niìŋ. Sèè tii è maaŋ, wo nyùnɔ̀ɔŋ àŋ jɔ̀à ko sùà wɔ wò nɔ̀ŋ naanààŋ e nìàŋ e ɗeweɛ̀ wò yaà wa gɔu lɛ̀. Yɛi nyɛ̀iŋ nààŋ nyuùŋ naanààŋ nyàŋ nàaŋ nìŋ do wa nàwèè nàŋ nɔ̀ŋ.”

Maafiù 16:4

Wèè kiìŋ anyùùŋ maŋ jùumù gò kɛ̀ɛ̀nɛ̀ŋ hààwe nyɛ̀nɛ̀ŋ hmɔŋtu nyɛɛ̀ŋ wɔŋ niìsìa wɛɛ̀ŋ sùà àŋ dawà wèè e tɔ̀ɔ̀mànsèì e kèè mèè? Kpele! E tɔ̀ɔ̀màŋsèì kèè mèèɛ nɔŋ mìŋ naiŋ ɓɛ̀nɛ̀ŋ kìɛŋ lɛ̀ nàŋ yaà e yèɛ naŋ wa kààìŋ wo Joonàŋ lɛ.” Yèè wo Jisɛ̀ naŋ nyiŋ jòò wò naŋ kɔ̀.

Maafiù 17:17

Wo Jisɛ̀ naŋ nyiŋ woò wààŋ, “Kuoo nyɛ̀iŋ nààŋ nyuùŋ gò kùwìè hààwe yèè kpèè naanààŋ nyɛɛ̀ŋ! Kiìŋ è teenga mùnlaŋ mìŋ doiŋ naŋ nɔ̀ŋ e kɔɔ? Kiìŋ è teenga mùŋlaŋ mìŋ do nàŋ kùwò ke jii maŋjɛ̀wɛiŋ? Hìaìŋ kià wo felaajɔaà ko nɛ̀ɛ̀ŋ miìŋ.”

Maafiù 23:36

Tɔɔɓaa tɔ̀ miŋ woòiŋ kɛ̀, maŋ keì mɛɛ̀ŋ gbiŋ do nàŋ kààìŋ anyùùŋ nyaŋ gbiŋ yaà nàaŋ wɔŋ nyiiŋ gèeɔ̀ sùà nyaŋ.”

Maafiù 3:7

Nààŋ wo Jɔ̀ɔŋ naŋ wa yɛ̀mɛ̀ anyuùŋ zimgbe e yìwìà ke gbòò aŋ Fɛlosiì nyaŋ yèè aŋ Sadusiì nyaŋ sùà àŋ yaà hìnìè ko nɛ̀ɛ̀uŋ niìŋ wèè wo nyiŋ gùà, wò naŋ nyiŋ woò wààŋ, “Nyɛ̀iŋ nààŋ kaì nyɛɛ̀ nyɛɛ̀ŋ, ɓòò naiŋ woò nààŋ nàŋ ɓɛ̀nɛ̀ŋ dùàŋ e nimilàa sìwè, e yèɛ wo Dayà yaà hinie woiŋ tùàŋ lɛ?

Luù 8:25

Kpeiŋ wò naŋ wòò anyùùŋ màŋjɛ̀wɛ̀ nyaŋ wààŋ, “Kòò e hààweiŋ nɛ̀ yaà?” Kɛɛ è naŋ nyiŋ wa foonò e kìlà e jùù naŋ nyiŋ nyɛ̀nɛ̀ŋ, yèè àŋ naŋ kùùnò wòò nyiŋ bi e fèemàŋ nyààŋ, “Ɓòò naŋ yaà wo felaa wɛɛ̀? Wɔŋ dùfòìɔ yaà e bɔiŋ nɛ̀ kàìŋ nɛ pɛɛ jɔɔlɔ̀uŋ dìì!”

Luù 9:40

Mìŋ naŋ dàwè anyùùŋ màŋjɛ̀wɛ̀um nyàŋ wèè auŋ sùngà, kɛɛ aŋ gò ɓɛnɛ̀ŋ.”

Luù 9:42

Nààŋ àŋ yaà wa hìàŋ sùà wo felaajɔaà, wo jinàŋ naanààaŋ nauŋ dàà dììnaŋ wouŋ mɛɛmɛ̀ɛ̀ŋ sɛmɛ. Wo Jisɛ̀ naŋ nàà wo jinàŋ naanààaŋ wèè wo dangèuŋ. Kpeiŋ wò naŋ sùngò wo felaajɔaà yèè wò nauŋ kìɛ̀ŋ koɓɛ̀ wo dèdauŋ nɔɔ̀ŋ.

Jɔ̀ɔŋ 14:9

Wo Jisɛ̀ naŋ fàsàì wo Felè wààŋ, “Kàiŋ naàŋ nɔ̀ŋ e tɛɛ wèè e teenga mùŋlaŋ bà. Yèè kòò nìŋ nyìmè nɔ̀ŋ kɛ̀ ɓòò nàŋ yààìm? Sèè nìŋ yɛmɛ̀ìm nɔŋ, kɛ̀ nàŋ yɛ̀mɛ̀ wo Dèdaà ko àìjɛnɛ̀ŋ. Dièsɔa nìŋ naŋ ɓɛ̀nɛ̀ŋ wòo nààŋ, ‘Tɔ̀ɔ̀ wi wo Dèdaà’?

Jɔ̀ɔŋ 20:27

Wo Jisɛ̀ naŋ wòò wo Tàmaŋ wààŋ, “Yɛ̀mɛ̀ maŋ kuàim màŋ e kìlà muŋ mɛnlɛ̀ɛ̀ŋ maŋ fɔta màŋ, yèè muŋ mɛnlɛ̀ɛ̀ŋ ke fɔtaà e ɓula mɛ̀ koɓɛ̀i àŋ naŋ hɔ̀ɔ̀ ke kpɛɛɛ̀ lɛ. Yèè muŋ hɔnè gè maŋhɛɛ, muŋ kɛɛnɛ̀ŋ e hààwe.”

Nyɛ̀nɛ̀ŋ 13:18

yèè wèè maŋ doà kpɛ̀ɛ̀ùŋ tìyèe wò naŋ nyiŋ yɛ̀mɛ̀ diɛŋ ke fòùngà e diì wòaà diɛŋ.

Nyɛ̀nɛ̀ŋ 2:40

Wo Pììlɛ naŋ nyiŋ kìɛ̀ŋ maŋ mìè gòo zimgbe e kìlà wò naŋ nyiŋ dawè yèè wò naŋ nyiŋ kiɛ̀ŋ maŋ jii nyingè wààŋ, “Jòèyeìŋ nyɛ̀iŋ bi e yìwìà e keì nyìnga gbeeɛ̀ yaà hìnìè anyùùŋ maŋ tùwo naanààŋ nyaŋ diɛŋ lɛ̀.”

Luùm 2:4

Tɔɔɓaa ɓɔ̀ nìŋ woò nààŋ wò Dayà yaà nyìnìè e keì sìàŋ gbee weè wi, weètii e kuwàìŋ èsaɓù bà wèè eiŋ fè màŋ tùwo naanààŋ wi màŋ jɛwɛ. Nyìmaìŋ kɛ̀ wo Dayà yààìŋ nyinie tɛ̀ɛ̀ e kìlà wò yààìŋ tɔ̀ɔ̀ sùà e mànaŋ, wèè woiŋ kìɛ̀ŋ jii nyingè naŋ fè maŋ tùwo naanààiŋ màŋ jɛwɛ yèè naŋ kìlà ko nɛ̀ɛ̀uŋ niìŋ.

Hiɓu 3:19

Nààŋ wo Dayà naŋ wa ɓèmè e ɗààhiìuŋ nɛ̀, aŋ gò wa ɓɛ̀nɛ̀ŋ hàì kòɓɛ̀ è dììɛ esàɓù e hààwe gò kɛɛnɛ̀ŋ nyiŋ nɛ̀.

Hiɓu 4:11

Weètii nyɛ̀nɛ̀ŋ wiìŋ e tɛ̀ɛ̀tɛ̀ɛ̀ɛ gbiŋ è naiŋ ɓɛ̀nɛ̀ŋ nyɛ̀nɛŋ wèè e yɛmɛ̀iŋ e nyiiŋ gèe lii, wèè kɛ̀ yàwi nààŋ bà guùŋ gbiŋ gòiŋ niŋ nàŋ sòò yɛ̀mɛ, màànààŋ àŋ naŋ wa nyɛ̀nɛ̀ŋ esàɓù e hààwe gò kɛ̀ɛ̀nɛ̀ŋ nyiŋ nɛ̀.

Hiɓu 4:2

È naiŋ wa kòmò Ebò Siaàŋ, màànààŋ nɔŋ àŋ naŋ niŋ wa kòmò lɛ, kɛɛ e gò nyiŋ wa nyìnìàŋ è keì kɛnɛ gbiŋ, esaɓù kɛ̀ àŋ naŋ wa gè maŋhɛɛ wèè aŋ hààwè e yèɛ àŋ naŋ wa kòmò lɛ.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.