Luù 9:35 - WƆŊ FƐ̀Ì EBÒ SÌÀŊ DAYÀA

³⁵ Ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ naŋ tàeɗùù wɔ̀. Kòmaìŋ e mìè nyaàuŋ nɛ̀!”

Luù 9:35 ပူးပေါင်းရင်းမြစ်များ

Maafiù 12:18

“Wɛɛ̀ nàŋ yaà wo ɓɔìjɔ̀à miɔ̀ŋ, wo yèɔ mìŋ naŋ tàeɗùù wɔ, wo yèɔ mìŋ manaŋ yèè wɔŋ nyììŋ Jinàŋ miɔ̀ŋ naŋ fɔ̀ weèuŋ wɔ̀. Mìŋ douŋ nàŋ tùɔ̀ŋ wo Jinàŋ miɔ̀ŋ diɛŋ, yèè wò do nàŋ wòò anyùùŋ nyaŋ fè àŋ Juùù nyaŋ e ɗuunyaàŋ kɛ̀ dièsɔa mìŋ do nyiŋ wa nàwèè nàŋ gbaì.

Maafiù 3:17

Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo Jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Luù 3:22

yèè wo Jìnàŋ Nɛɛmaàŋ, wo yèɔ naŋ tèènè wo poopoò ke kpùnaŋ sùà wɔ, naŋ dèyè wo jɛ̀ì Jisɛ̀ diɛŋ. Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Luù 9:34

Nààŋ wò yaà wa nɔŋ gbùùyè wo Jisɛ̀ kɔɔ, ke nyili fua naŋ hnè ke ɓùwà àŋ gbiŋ. E jùù naŋ nyɛ̀nɛ̀ŋ anyùùŋ màŋjɛ̀wɛ̀ nyaŋ nààŋ ke nyili fuaà naŋ nyiŋ wa ɓùwò nyiŋ pɛɛ.

Jɔ̀ɔŋ 12:28

Dèda miɔ̀ŋ, tɔ̀ɔ̀ e dɛ̀ɛ̀kɛ koɓɛ̀ e deè mɔ̀ɛ̀.” Kpeiŋ wo Dayà naŋ gbòò e yìwìà ko àìjɛnɛ̀ŋ yèè wò naŋ woò wààŋ, “Kà dɛ̀ɛ̀kɛ̀ miàŋ bi tɛ, e kìlà mìŋ do ɓɛìŋ nàŋ dɛ̀ɛ̀kɛ̀ miàŋ bi.”

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.

Hiɓu 3:15

Wɔŋ fɛ̀ì Dayàa naŋ woò wààŋ, “Sèè nìŋ komo nàaŋ kè mìè Dayàa, ɓɔ̀ nìŋ nyìngà màŋ jiiŋ màŋ, màànààŋ aŋ nèwàènèiŋ nyàŋ naŋ wa nyɛ̀nɛ̀ŋ e teengaà àŋ naŋ wa gììyè wo Dayà maŋhɛɛ lɛ̀.”

Hiɓu 5:9

E keì nyìngaà wo Jisɛ̀ naŋ wa kɔ̀ dìì lɛ, naŋ nyɛ̀nɛ̀ŋ wò naŋ wa nɔ̀ŋ wo nyuùŋ tùlìà jii dìà sùà, e kìlà wò naŋ nɔ̀ŋ ko tɔɔtuì wèè e jòèyè anyùùŋ nyaŋ jɔɔlɔ̀uŋ dìì nyaŋ,