Luù 9:31 - WƆŊ FƐ̀Ì EBÒ SÌÀŊ DAYÀA

³¹ Àŋ nauŋ wa fòlò fɛɛ̀feìŋ e jòòwò Dayàa sùà, yèè àŋ naŋ gbòò wo Jisɛ̀ kɔɔ e nyaàiŋ dè e ɗewe kiiɛ̀ wò yaà wa hinie wo kpɛ̀ɛ̀yɛ̀ e tòmò Dayàa e kìlà wo fɔ̀ɔ̀yɛ̀ ko Jùlusɛ̀làm.

Luù 9:31 ပူးပေါင်းရင်းမြစ်များ

Luù 9:22

Wo Jisɛ̀ naŋ nyiŋ ɓɛìŋ woò wààŋ kɛ̀, “Miàim wo Jɔ̀àfèlàà Nyuùŋ Kpùnɔɔ̀ŋ do nàŋ kɔ̀ e nìmìlà maŋ keì zimgbe dìì e kìlà aŋ màmànkùmɛ̀ŋ fuɔŋ nyàŋ, aŋ kànà sìèfèìŋ zòòlo nyàŋ, yaà aŋ kààmɔ̀ɔ̀ŋ maŋ Sàwà Dayà nyaŋ aim gbàŋ. Àŋ doim nàŋ jìwè, sèè e gɔ̀ɛ̀ɛ̀ taai maaŋ, ka yèwà e fàaà dìì wɔŋ nyiiŋ gèeo sùà.”

Luù 9:30

Ko fɛɛ̀feìŋ aŋ fèlàà tìyèe bà àŋ yàaùŋ wa gbùùyè kɔɔ. Anyùùŋ bi nàŋ yaà wa wo Mòòze yaà wo Ìlaajà.

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

Fèle 3:21

Wò do nàŋ kìlè maŋ kpùnàŋ zɔ̀kpɔ̀ wi màŋ, wo miŋ nyɛ̀nɛ̀ŋ maŋ nɔ̀ŋ mààŋ e ɗeweɛ̀ ke kpùnàŋ e jòòwò gaàŋ gbeeuŋ nɛɛ̀ŋ yaà lɛ. Wò do nàŋ tòòmò e gààaŋ wò kuwa lɛ̀ wo hìàŋ manɛ̀ŋ maŋ gbiŋ e kanauŋ nɛ̀ dìì.

Kòlo 3:4

Wɔŋ nyiiŋ gèe kɛnɛiŋ nɔɔ̀ŋ nàŋ yaà wo Jisɛ̀ Kulaì, sèè wò folo wa nàwèè ɓɛìŋ ko fɛɛ̀feìŋ, kpeiŋ kɛ̀ nyɛ̀iŋ yèè wuŋ do nàŋ fòlò ko fɛɛ̀feìŋ, e kìlà nìŋ do nàŋ nɔ̀ŋ aŋ bàiŋbà e jòòwouŋ nɛ̀ sùà.

Hiɓu 11:22

E hààwe naŋ nyɛ̀nɛ̀ŋ wo Jòòsɛ, wèè paŋ wo jòà wa e ɗuunyaàŋ, wò nàŋ woò wààŋ wo Dayà do wa nàŋ gè anyùùŋ Ezɔ̀ɛ̀ nyaŋ ko Ijè ko dòmàŋfeìŋ, yèè wò naŋ nyiŋ woò wààŋ aŋ koà maŋ goàuŋ màŋ sèè àŋ nɔ̀ŋ kɔɔyɛ.

1Pììlɛ 5:10

Sèè nìŋ kɔɛ̀ maŋ keì nyìnga mɛɛ̀ŋ sùà wèè e teenga kpuu sùà, wo Dayàa kuwa maŋ tɛ̀ɛ̀tɛ̀ɛ̀ maŋ gbiŋ wɔ̀, wo yèɔ naiŋ nyààŋ wèè wo goonòiŋ e jòòwò nyiiŋ gèe gò jùà ke gbòò Jisɛ̀ Kulaì sùà wɔ, wuŋ bi doiŋ nàŋ nyɛ̀nɛ̀ŋ sengei yèè woiŋ fè e kɔɔ nyingè, woiŋ sìà e gààŋ woiŋ jàà ko tɔɔtu tùlìà jii.

2Pììlɛ 1:15

Mìŋ do nàŋ nyɛ̀nɛ̀ŋ e yèɛ mìŋ naŋ ɓɛnɛ̀ŋ lɛ, wèè ka nyɛ̀nɛ̀ŋ e ɗewe wèè naŋ jàà maŋ keì mɛɛ̀ŋ jii e teenga gbiŋ sèè mìŋ fà.

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.