Luù 9:20 - WƆŊ FƐ̀Ì EBÒ SÌÀŊ DAYÀA

²⁰ Kpeiŋ wò naŋ nyiŋ dawè wààŋ, “Kɛɛ nyɛ̀iŋ bi zà, ɓòò nààŋ mìŋ yaà?” Wo Pììlɛ nauŋ fasàì wààŋ, “Muàŋ nàŋ yaà wo Kulaìɔ, wo yèɔ Dayà naŋ tàeɗùù wèè wo joeyè e ɗuunyaàŋ wɔ.”

Luù 9:20 ပူးပေါင်းရင်းမြစ်များ

Maafiù 22:42

“Diè nìŋ gongà e kèè wo yèɔ wo Dayà naŋ tàeɗùù wɔ, wo Kulaìɔ? Yèè kpòò ɓòò wò naŋ fòlò sùà?” Àŋ naŋ fasàì nyààŋ, “Wò folo ke kpòò Dèèweɛ̀ sùà.”

Maafiù 26:63

Kɛɛ wo Jisɛ̀ naŋ wa nɔ̀ŋ gìli e kìlà wo gò wa wòò kè mìè guùŋ pɛɛ. Wo Kànà Sìèfèìŋ Zòòlo Gbeeɔ̀ nauŋ ɓɛìŋ woò wààŋ, “Mìŋ yààùm daawe wèè maŋ wi wòò e tɔ̀ɔ̀nyaàaŋ, wo Dayà nyiiŋ gèeɔ̀ kòò wò yààùm kumie. Wòò wi sèè mààŋ muàŋ nàŋ yaà wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Jɔ̀àfèlàà Dayàa.”

Maafiù 5:47

Sèè naŋ nɔŋ zùùmò aŋ wùìyaiŋ nyàŋ nyiŋ guùŋ, kɛ̀ nìŋ gò nyɛ̀nɛ̀ŋ è keì kɛnɛ gbiŋ è do nìàŋ è yèɛ anyùùŋ nyaŋ fè àŋ Juùù nyaŋ nyɛnɛŋ lɛ̀. Anyùùŋ nyaŋ pɛɛ gò hààwè wò Dayà nyaŋ nyɛnɛŋ e kèì guùŋ bi.

Luù 22:67

Àŋ naŋ dàwè wo Jisɛ̀ nyààŋ, “Wòò wi! Muàŋ nàŋ yaà wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ?” Wo Jisɛ̀ naŋ nyiŋ fasàì wààŋ, “Sèè kaiŋ niŋ woò, niŋ naàŋ niìŋ haawè.

Luù 9:19

Àŋ nauŋ fasàì nyààŋ, “Aŋ bà nyiŋ nyààŋ muàŋ nàŋ yaà wo Jɔ̀ɔŋ Gùà Nyùnɔ̀ɔŋ, aŋ bà nyiŋ nyààŋ muàŋ nàŋ yaà wo Ìlaajà, e kìlà aŋ bà nyiŋ nyààŋ, muàŋ nàŋ yaà wo kèèlà gɔ̀ù Dayàa bà guùŋ wo yèɔ naŋ kɛ̀ɛ̀ wɔŋ nyiiŋ gèeɔ̀ sùà wɔ.”

Jɔ̀ɔŋ 1:41

Kɛɛ jiɛ̀, wo Anɗù nàŋ mɛ̀ɛ̀ŋ wo wùìyauŋ nɔɔ̀ŋ Saimɔŋ Piilɛ̀, yèè wò nauŋ woò wààŋ, “Èiŋ mɛ̀ɛ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.”

Jɔ̀ɔŋ 1:49

Wo Nàntanyàŋ naŋ fàsàì wo Jisɛ̀ wààŋ, “Kààmɔɔŋ, muàŋ nàŋ yaà wo Jɔ̀àfèlàà Dayàa yèè wo Kanaà wèè ko Ezɔ̀ɛ̀.”

Jɔ̀ɔŋ 11:27

Yèè wo Mààta naŋ fasàì wààŋ, “Hɛ̀ɛɛ̀ŋ, Kanaà! Kà haawè kɛ̀ muàŋ nàŋ yaà wo yèɔ wo Dayà naŋ tùɔ̀ŋ wɔ wèè muŋ joeyè anyùùŋ nyaŋ e ɗuunyaàŋ, wo Jɔ̀àfèlàà Dayàa, wo yèɔ è yààìŋ yɛ̀ɛ̀mɛ̀ dòmaŋ wèè wo hnàŋ koɓɛ̀ anyùùŋ nyaŋ e ɗuunyaàŋ wɔ.”

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 4:29

“Hnaìŋ niŋ yɛmɛ̀ wo kenàaŋ wo yèɔ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ. Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ?”

Jɔ̀ɔŋ 4:42

Àŋ naŋ wòò wo nìeɔ̀ nyààŋ, “Tɔɔɓaa e gòiŋ naàŋ nɔŋ hààwè wò Jisɛ̀ èsàɓù è yèɛ mùŋ naŋ wi woò lɛ. Yàwi bì èiŋ kùmìàŋ e yèɛ wò naŋ woò lɛ, yèè è naiŋ haawè kɛ̀ wuŋ nàŋ yaà wo yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè e ɗuunyaàŋ wɔ!”

Jɔ̀ɔŋ 7:41

Aŋ bà nyiŋ naŋ woò nyààŋ, “Wuŋ nàŋ yaà wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.” Kɛɛ aŋ bà nyiŋ naŋ dawè nyààŋ, “Tɔɔɓaa wo yèɔ wo Dayà naŋ tàeɗùù wèè wo joeyè e ɗuunyaàŋ wɔ ɓɛ̀nɛ̀ŋ yèwà ko Galaliì?

Nyɛ̀nɛ̀ŋ 17:3

wèè wo nyiŋ tɔɔ̀ kɛ̀ wo Kulaìɔ wo Dayà naŋ wa tàeɗùù wèè wo jòèyè e ɗuunyaàŋ wɔ kuwa wa wo kà e nimilà dìì yèè wo fà, e kìlà wo yèwà e fàa dìì wɔŋ nyiiŋ gèeo sùà. Wo Pɔɔ̀ naŋ nyiŋ woò wààŋ, “Wo Jisɛ̀ wɛɛ̀ mìŋ yààìŋ yaà wòò e kiiuŋ wɔ̀ nàŋ yaà wo Kulaìɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ.”

Nyɛ̀nɛ̀ŋ 8:36

Yèè nààŋ àŋ yaà wa naàŋ kɔɔyɛ ke dòmaàŋ diɛŋ, àŋ naŋ hàì koɓɛ̀ e wùìyè bà. Wo nyùùŋ gbèè fuɔɔ̀ŋ naŋ wòò wo Felè wààŋ, “Yɛ̀mɛ̀, e wùìyè lɛɛ̀ kià, esaɓù bà kòò è yao eim kèèwè kùàŋ feìŋ wèè miŋ go nàŋ nɔ̀ŋ gùaim?” [

Nyɛ̀nɛ̀ŋ 9:22

Wo Sɔɔ̀ naŋ wa gbùùyè e gaàŋ gbee sùà ko Dàmakɔ̀, nààŋ wò naŋ wa tɔɔ̀ janyai kɛ̀ wo Jisɛ̀ nàŋ yaà wo yèɔ wo Dayà naŋ tàeɗùù wèè wo jòèyè anyùùŋ nyaŋ gbiŋ e ɗùùnyaàŋ wɔ, yèè aŋ Juùù nyaŋ ko Dàmakɔ̀ gò niŋ wa ɓɛ̀nɛ̀ŋ gììyà màŋhɛɛ.

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.