Luù 9:2 - WƆŊ FƐ̀Ì EBÒ SÌÀŊ DAYÀA

² Kpeiŋ wò naŋ nyiŋ tùɔ̀ŋ wèè aŋ ka aŋ woò ke mìè gbìàŋ e Kànà Dayàa e kìlà aŋ sùngà anyùùŋ nyaŋ kuwa sàaŋ nyàŋ.

Luù 9:2 ပူးပေါင်းရင်းမြစ်များ

Maafiù 10:5

Nààŋ wo Jisɛ̀ naŋ banebànè wèè wo tùàŋ a keela tàeɗùù zììyà jɛ̀wɛ̀ tìyèe nyàŋ, wò naŋ nyiŋ woò wààŋ, “Ɓɔ̀ nìŋ ka kò jàwà ànyùùŋ nyaŋ fè àŋ Juùù nyaŋ ɔ̀ɔ̀ màŋ jàwà ànyùùŋ fùɔ̀ŋ Sàmilià nyaŋ bà gbiŋ sùà.

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 24:14

Eɓìèmàŋjɛ̀wɛ̀ tii, Ebò Siaàŋ e nyaàiŋ dè e Kànà Dayàa, do wa nàwèè nàŋ nɔ̀ŋ ɓààye niŋ koɓɛ̀ anyùùŋ nyaŋ gbiŋ e ɗuunyaàŋ, wèè kɛ̀ maŋ ziì maŋ gbiŋ maŋ fuɔŋ màŋ sùà aŋ niŋ kòmàŋ e kìlà aŋ kiɛ̀ŋ ke mìè seì, kpeiŋ kɛ̀ ɗuunyaàŋ hàì ko dìa.”

Maafiù 3:2

Wo Jɔ̀ɔŋ naŋ wa wòò anyùùŋ nyaŋ wààŋ, “Fèiŋ maŋ tùwo naanààiŋ màŋ jɛwɛ niŋ kìlà koɓɛ̀ Dayài, esaɓù kɛ̀ e Kànà àìjɛnɛ̀ɛŋ è gbɛ̀ɛ̀.”

Luù 10:1

Eɓìèmàŋjɛ̀wɛ̀ tɛɛ̀ wo Kanaà naŋ tùɔ̀ŋ anyuùŋ kpɛ̀ɛ̀ùŋ taai jɛ̀wɛ̀ zììyà jɛ̀wɛ̀ tìyèe, àŋ tìyèe tìyèe ke gbòò sùà. Wo Jisɛ̀ naŋ nyiŋ wa tùɔ̀ŋ ko feìŋ maŋ jawa màŋ gbiŋ sùà maŋ yè maŋ wuŋ bi hewa nàŋ kɔ̀ɛ̀ɛ̀ sùà maŋ.

Luù 10:11

‘È yààìŋ gbùmo sùà e hèì jawaiŋ nɛ̀ maŋ gòlòò dìì wi màŋ wèè e nɔ̀ŋ wo seì yaà e gòo ko nɛ̀ɛ̀iŋ niìŋ. Kɛɛ nyìmaìŋ kɛ̀ e Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀!’

Luù 10:9

Sùngaìŋ anyuùŋ sàaŋ nyàŋ ko jawa wii, yèè niŋ woò anyùùŋ ko jawa bi nààŋ, ‘E Kànà Dayàa è hnàŋ ko nɛ̀ɛ̀iŋ niìŋ fɔ̀ɔ̀.’

Luù 16:16

“Anyùùŋ nyaŋ naŋ wa jɔ̀ɔ̀lɔ̀ maŋ Sàwà Dayà maŋ dìì yaà maŋ fɛi màŋ aŋ wɛ̀ijì nyaŋ naŋ wa sìngè maŋ, e hàì e teengaà wo Jɔ̀ɔŋ Gùà Nyùnɔ̀ɔŋ naŋ wa hnè lɛ. Kɛɛ e yìwìà e teengaà Ebò Siaàŋ naŋ wa nɔ̀ŋ wòo niŋ e nyaàiŋ dè e Kànà Dayà lɛ̀, wo nyùùŋ gbiŋ kòò wò yaà kààmè ɗewe wèè wo niŋ jàà kùàŋ dìì.

Luù 9:11

Nààŋ anyùùŋ nyaŋ naŋ nyìmè kɛ̀ wò wa ka, àŋ nauŋ dè maŋjɛ̀wɛ. Wo Jisɛ̀ naŋ nyiŋ wa ɓeè, yèè wò naŋ nyiŋ gbòò kɔɔ e nyaàiŋ dè e Kànà Dayàa, e kìlà wo sùngà anyùùŋ nyaŋ kuwa wa maŋ sàaŋ gɛ̀wɛɛ̀ nyaŋ.