Luù 9:18 - WƆŊ FƐ̀Ì EBÒ SÌÀŊ DAYÀA

¹⁸ Kè ɗɔ̀ɔ̀ guùŋ nààŋ wo Jisɛ̀ yaà wa zoolo wuŋ guùŋ, anyùùŋ màŋjɛ̀wɛ̀uŋ nyàŋ naŋ hnè ko nɛ̀ɛ̀uŋ niìŋ. Yèè wò naŋ nyiŋ dawè wààŋ, “Ɓòò anyùùŋ nyaŋ naŋ woò nyààŋ mìŋ yaà?”

Luù 9:18 ပူးပေါင်းရင်းမြစ်များ

Maafiù 14:23

Nààŋ wò naŋ kpɛ̀ɛ̀yɛ̀ aŋ nyùùŋ nyaŋ dìàmaŋ, wò naŋ kɔ̀ wɔŋ toò bà dìmɛ̀ wuŋ guùŋ wèè wo zoolò. E koya gɔɛɛ lii, wɔŋ gɔɔ̀ yaà wa naàŋ e wùìyèɛ tɛɛ, wo Jisɛ̀ wuŋ guùŋ naŋ wa jòò ko tiwiì.

Maafiù 26:36

Kpeiŋ wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ koɓɛ̀ bà àŋ nyaaŋ ko Gɛ̀sɛmɛ̀nìŋ, yèè wò naŋ nyiŋ woò wààŋ, “Jɛ̀ìyiìŋ kià miŋ ka miŋ zoolò.”

Luù 11:1

Ke ɗɔ̀ɔ̀ guùŋ wo Jisɛ̀ yaà wa zoolo koɓɛ̀ bà. Nààŋ wò naŋ wa kpɛ̀ɛ̀yɛ̀ zòòlo, wo nyùùŋ màŋjɛ̀wɛ̀uŋ nɔɔ̀ŋ bà guùŋ naŋ hnè ko nɛ̀ɛ̀uŋ niìŋ wò nauŋ woò wààŋ, “Kanaà, kàà wi e ɗèwè zòòlo, màànààŋ nɔŋ wo Jɔ̀ɔŋ naŋ wa kàà anyùùŋ màŋjɛ̀wɛ̀uŋ nyàŋ lɛ.”

Luù 3:21

Nààŋ wo Jɔ̀ɔŋ yaà wa gùùyè anyùùŋ nyaŋ, wo Jisɛ̀ wuŋ pɛɛ naŋ wa nɔ̀ŋ gùauŋ. Kpeiŋ nààŋ wò yaà wa zoolo, ke nyiliɛ̀ naŋ yilè,

Luù 6:12

E teenga bi sùà wo Jisɛ̀ naŋ wa kɔ̀ wɔŋ toò bà dìmɛ̀ wèè wo zoolò. Wò nao nɔ̀ŋ wɔŋ dùùm wiiŋ gbiŋ ko zòòlò Dayà.

Luù 9:19

Àŋ nauŋ fasàì nyààŋ, “Aŋ bà nyiŋ nyààŋ muàŋ nàŋ yaà wo Jɔ̀ɔŋ Gùà Nyùnɔ̀ɔŋ, aŋ bà nyiŋ nyààŋ muàŋ nàŋ yaà wo Ìlaajà, e kìlà aŋ bà nyiŋ nyààŋ, muàŋ nàŋ yaà wo kèèlà gɔ̀ù Dayàa bà guùŋ wo yèɔ naŋ kɛ̀ɛ̀ wɔŋ nyiiŋ gèeɔ̀ sùà wɔ.”

Luù 9:28

Maŋ ɗɔ̀ɔ̀ nɔɔnɔŋ le taai naŋ mààŋ, yèè wo Jisɛ̀ naŋ ɓèmè wo Pììlɛ, wo Jɔ̀ɔŋ wo Jìiiŋ àŋ naŋ kɔ̀ wɔŋ toò bà dìmɛ̀ ko zoolo.

Luù 9:29

Nààŋ wo Jisɛ̀ yaà wa zoolo, e nɔ̀ŋ kìì wɔŋ dewàuŋ nɔɔ̀ŋ naŋ kìlè, yèè maŋ dèè kɔɔuŋ màŋ naŋ fòò maŋ mɛ̀ɛ̀ŋ pepe.