Luù 9:11 - WƆŊ FƐ̀Ì EBÒ SÌÀŊ DAYÀA

¹¹ Nààŋ anyùùŋ nyaŋ naŋ nyìmè kɛ̀ wò wa ka, àŋ nauŋ dè maŋjɛ̀wɛ. Wo Jisɛ̀ naŋ nyiŋ wa ɓeè, yèè wò naŋ nyiŋ gbòò kɔɔ e nyaàiŋ dè e Kànà Dayàa, e kìlà wo sùngà anyùùŋ nyaŋ kuwa wa maŋ sàaŋ gɛ̀wɛɛ̀ nyaŋ.

Luù 9:11 ပူးပေါင်းရင်းမြစ်များ

Maafiù 12:15

Nààŋ wo Jisɛ̀ naŋ wa kòmò kɛ̀ aŋ Fɛlosiì nyaŋ naŋ ɗewè wèè auŋ jìwà, wò naŋ ɓèmè anyùùŋ màŋjɛ̀wɛ̀uŋ nyàŋ yèè wò naŋ yèwè koɓɛ̀ wii wo kà koɓɛ̀ bà. Anyuùŋ zimgbe e kpùlìà anyuùŋ sàaŋ nauŋ wa dè maŋjɛ̀wɛ, esaɓù kɛ̀ àŋ manaŋ wa wèè wo nyiŋ sùngà, yèè wò naŋ sùngò anyuùŋ sàaŋ nyàŋ gbiŋ,

Maafiù 14:14

Nààŋ wo Jisɛ̀ naŋ wa fòlò wɔŋ gɔɔ̀ sùà wò naŋ dè, wò naŋ mɛ̀ɛ̀ŋ e faaŋ gbee lɛɛ̀ sia koɓɛ̀i, ke nyowoɛ̀ nauŋ nyɛ̀nɛ̀ŋ weè nyiŋ, yèè wò naŋ sùngò anyuùŋ sàaŋ nyiŋ nyàŋ.

Maafiù 21:31

Kòòuŋ aŋ jɔ̀àfèlàà tìyèe nyɛɛ̀ŋ sùà naŋ nyɛ̀nɛ̀ŋ e yèɛ wo dèda nyiŋ nɔɔ̀ŋ manaŋ wa lɛ̀?” Yèè àŋ naŋ fàsàì wo Jisɛ̀ nyààŋ, “Wo jɔ̀àfelaa gbeeɔ̀.” Kpeiŋ wo Jisɛ̀ naŋ nyiŋ woò wààŋ, “Miŋ woòiŋ e tɔɔɓaaà, anyuùŋ kùwà nɛ̀ɛ̀nɛ̀ŋ fuɔɔ̀ŋ yaà aŋ jɔùŋ nyɛ̀nɛ̀ŋ ke yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyàŋ kòò àŋ yaà kɔ̀ɔ̀yɛ̀ e Kànà Dayàa sùà ko fenìiŋ.

Maafiù 21:43

Yèè wo Jisɛ̀ naŋ nyiŋ ɓɛìŋ woò wààŋ, “Weètii tɔ̀ miŋ woòiŋ kɛ̀, àŋ doiŋ nàŋ gè e Kànà Dayàa sìwè yèè aŋ niŋ kìɛ̀ŋ koɓɛ̀ anyùùŋ nyaŋ do nàŋ nyɛ̀nɛ̀ŋ e yèɛ wo Dayà manaŋ lɛ̀. [

Luù 1:53

Wò kiɛ̀ŋ e nɛ̀ŋje siaŋ koɓɛ̀ anyùùŋ nyaŋ e jìè yaà nyaŋ, yèè wò nyɛnɛŋ anyuùŋ bàne nyàŋ àŋ kòà le siwè foo.

Luù 5:31

Wo Jisɛ̀ naŋ nyiŋ woò wààŋ, “Anyuùŋ ɓòù nyaŋ fè kàmè wò zòòlègòò, sɔɔ̀ nɔŋ anyuùŋ sàaŋ nyàŋ.

Luù 8:1

Eɓìèmàŋjɛ̀wɛ̀ tɛɛ̀, wo Jisɛ̀ yaà anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ naŋ kìlìè maŋ jawa yèè maŋ vàa màŋ gbiŋ sùà, wò yaà wòò ke mìè gbìàŋ Ebò Siaàŋ e nyaàiŋ dè e Kànà Dayàa.

Luù 8:10

Wo Jisɛ̀ naŋ nyiŋ woò wààŋ, “Kàiŋ nyɛ̀nɛ̀ŋ nàŋ nyìmàŋ ke gbùnù e Kànà Dayàa. Kɛɛ sèè è nɔ̀ŋ wèè aŋ gbànaŋ nyàŋ, esaɓùɛ mìŋ gbuuyà nyiìŋ maŋ kàɓanè sùà lɛ nàŋ yaà kɛ̀, aŋ pɛɛ yɛmɛ yɛ̀mɛ̀, aŋ fè niŋ yɛmɛ̀, àŋ do jàà maŋ nùŋ dìì, kɛɛ aŋ naàŋ nyìmè kɛ̀ kiìŋ è naŋ fasàì.”

Luù 9:10

Aŋ keela tàeɗùù nyaŋ naŋ kɛ̀ɛ̀ maŋjɛ̀wɛ àŋ naŋ wòò wo Jisɛ̀ e nɛ̀ɛŋ gbiŋ àŋ naŋ nyɛ̀nɛ̀ŋ lɛ. Kpeiŋ wo Jisɛ̀ naŋ nyiŋ ɓemè yèè àŋ naŋ kɔ̀ nyiŋ wouwòù ko jawa bà àŋ nyaaŋ Bɛ̀sailià.

Luù 9:12

Nààŋ e gɔɛɛ̀ naŋ wa naàŋ hàmèè mààŋ, anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ naŋ hnè ko nɛ̀ɛ̀uŋ niìŋ àŋ nauŋ woò nyààŋ, “Tuàŋ anyùùŋ nyɛɛ̀ŋ maŋ vàa yaà màŋ ɓù maŋ sùà wèè aŋ kamè maŋ hàwe yèè aŋ dènàŋ e nɛ̀ŋje wèè nyiŋ bi, esaɓù kɛ̀ koɓɛ̀ yaà kò yaà su.”

Luù 9:2

Kpeiŋ wò naŋ nyiŋ tùɔ̀ŋ wèè aŋ ka aŋ woò ke mìè gbìàŋ e Kànà Dayàa e kìlà aŋ sùngà anyùùŋ nyaŋ kuwa sàaŋ nyàŋ.

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Nyɛ̀nɛ̀ŋ 28:31

Wò hewa gbòà e nyaàiŋ dè e Kànà Dayàa yèè wo kàà anyùùŋ nyaŋ e nyaàiŋ dè wo Jisɛ̀ Kulaì, yèè wo nyùùŋ gbiŋ gòuŋ wa kèèwè kùàŋ feìŋ.

Luùm 10:14

Kɛɛ dièsɔa àŋ naŋ ɓɛ̀nɛ̀ŋ nyààŋ e dèè Kanaà wèè e kpùùmaŋ sèè àŋ go kɛ̀ɛ̀nɛ̀ŋ hààwe? Dièsɔa àŋ naŋ ɓɛ̀nɛ̀ŋ kɛ̀ɛ̀nɛ̀ŋ hààwe sèè àŋ go kòmàŋ ke miè gbìaàŋ? Dièsɔa àŋ naŋ ɓɛ̀nɛ̀ŋ kòmàŋ ke miè gbìaàŋ sèè wo nyùùŋ bà go nyiŋ niŋ woò?

Luùm 10:17

Sèè è nɔ̀ŋ yɛi, kɛ̀ wo nyùùŋ gbiŋ fè ɓɛ̀nɛ̀ŋ kɛ̀ɛ̀nɛ̀ŋ hààwe sèè wò go kòmàŋ ke miè gbìaàŋ, e nyaàiŋ dè wo Jisɛ̀ Kulaì.

Luùm 15:3

Wo Jisɛ̀ Kulaì gò wa nɔ̀ŋ wɔ̀ŋ nyiiŋ gèeɔ̀ sùà wèè wo nyɛ̀nɛ̀ŋ è kèì wùmauŋ. Wɔŋ fɛ̀ì Dayàa naŋ woò wààŋ, “Maŋ mìè ɓɛ̀ɛ̀pɔ̀ɔ maŋ aŋ naiŋ kiɛ̀ŋ maŋ, maŋ mìè ɓɛ̀ɛ̀pɔ̀ɔ bi naim kpɛ̀lɛ̀.”

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Hiɓu 4:16

Kɛ̀ɛ̀nɛŋ wiìŋ ke jii tùlia e kìlà e kaiŋ ko gbɛ̀ɛ̀ ke kpùà kanaà Dayà ko yèi è doiŋ nàŋ yɛ̀mɛ̀ e tɛ̀ɛ̀tɛ̀ɛ̀. Kuŋ wo Dayà do wi nàŋ tɔ̀ɔ̀ ke nyowo yèè wo wi kìɛ̀ŋ e kpùùmaàŋ è naiŋ kpɛɛ̀ŋ weè niŋ lɛ̀.