Luù 8:54 - WƆŊ FƐ̀Ì EBÒ SÌÀŊ DAYÀA

⁵⁴ Kɛɛ wo Jisɛ̀ nauŋ kùwò kùàŋ yèè wò naŋ woò wààŋ, “Ɓɔ̀jɔa wɛɛ̀, yewà dìì!”

Luù 8:54 ပူးပေါင်းရင်းမြစ်များ

Maafiù 9:25

Kɛɛ nààŋ wò naŋ wa nyɛ̀nɛ̀ŋ àŋ naŋ fòlò ko jɔɔlèi, wo Jisɛ̀ naŋ jɔ̀ ko saaìŋ wo jɔùŋjɔaà hawa lɛ̀, yèè wò nauŋ kùwò kùàŋ wouŋ kpuumàŋ wo yèwà dìì.

Luù 8:51

Nààŋ wo Jisɛ̀ naŋ wa hàì ko gbooì, wo gò wa nyimèè wèè yaà wò nyùùŋ bà gbiŋ àŋ do jɔ̀à kò saaìŋ, sɔɔ̀ nɔŋ wo Pììlɛ, wo Jɔ̀ɔŋ, wo Jìiiŋ e kpùlìà wo kɛ̀ɛ̀ yaà wo nààŋ kòmàŋ ɓɔ̀jɔaà.

Luù 8:53

Anyùùŋ nyaŋ gbiŋ nauŋ kùùnò hììle, esaɓù àŋ nyìmàŋ kɛ̀ wò fà.

Luù 8:55

Wɔŋ nyiiuŋ nɔɔ̀ŋ nauŋ kɛ̀ɛ̀ ko sùà yèè wò naŋ yèwè dìì ko fɛɛ̀feìŋ. Kpeiŋ wo Jisɛ̀ naŋ nyiŋ woò wààŋ aŋ kiɛ̀uŋ e nɛ̀ŋje wo jè.

Jɔ̀ɔŋ 11:43

Nààŋ wo Jisɛ̀ naŋ tɛɛ̀ kpɛ̀ɛ̀yɛ̀ wòo, wò naŋ nyaanè ke miè gbeeo sùà wààŋ, “Lazɔlɔ̀, yewà dìì muŋ fòlà!”

Jɔ̀ɔŋ 5:21

Màànààŋ nɔŋ wo Dèda miɔ̀ŋ gè anyuùŋ fàa nyàŋ dìì yèè wo nyiŋ kìɛ̀ŋ wɔŋ nyiiŋ gèe, yɛi nɔŋ e ɗèwè guùŋ bi sùà miàim wo Jɔ̀àfelaauŋ nɔɔ̀ŋ kiɛ̀ŋ wɔŋ nyiiŋ gèe koɓɛ̀ wo nyùnɔ̀ɔŋ mìŋ manaŋ wɔ̀.

Nyɛ̀nɛ̀ŋ 9:40

Wo Pììlɛ naŋ tùɔ̀ŋ anyùùŋ nyaŋ gbiŋ ko jɔɔlèi, wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ zoolò. Yèè wò naŋ kìlè koɓɛ̀ e fàaà wò naŋ woò wààŋ, “Tàbità, yewà dìì!” Wo nìeɔ̀ naŋ gbàì le fɛɛ̀uŋ nɛ̀, yèè nààŋ wò naŋ yɛ̀mɛ̀ wo Pììlɛ, wo naŋ yèwè dìì wo jɛi.

Luùm 4:17

Wɔŋ fɛ̀ì Dayàa naŋ woò wààŋ, wo Dayà naŋ nyɛ̀nɛ̀ŋ wo Eɓulɔhɛɛ̀ŋ wo nèwàènèwe wèè anyuùŋ zimgbe maŋ fuɔŋ màŋ sùà. Wo Dayà naŋ wa jɔ̀ɔ̀ e ɗààhiì lɛɛ̀ koɓɛ̀ Eɓulɔhɛɛ̀iŋ esàɓù e hààweɛ̀ wò kuwa wo Dayà sùà lɛ, wo yèɔ naŋ gè anyuùŋ fàa nyàŋ dìì wo nyiŋ kìɛ̀ŋ wɔŋ nyiiŋ gèe, yèè wò naŋ bànè manɛ̀ŋ maŋ yè maŋ fè wa màŋ.