Luù 8:50 - WƆŊ FƐ̀Ì EBÒ SÌÀŊ DAYÀA

⁵⁰ Kɛɛ nààŋ wo Jisɛ̀ naŋ wa tɛɛ̀ kòmò, wò naŋ wòò wo kenàaŋ Jalɔ̀ wààŋ, “E jùù ɓɔ̀ è nyɛ̀nɛ̀um. Kùwiè nɔŋ e hààweɛ̀ kɛ̀ wo jɔ̀àjɔùŋ mɔɔ̀ŋ do nàŋ jòèyè.”

Luù 8:50 ပူးပေါင်းရင်းမြစ်များ

Luù 8:48

Wo Jisɛ̀ naŋ wòò wo nìeɔ̀ wààŋ, “Nìe siaŋ wɛɛ̀, e hààwe mɔ̀ɛ̀ èum joeyè. Kɔ̀à ke jii fàa sùà.”

Luù 8:51

Nààŋ wo Jisɛ̀ naŋ wa hàì ko gbooì, wo gò wa nyimèè wèè yaà wò nyùùŋ bà gbiŋ àŋ do jɔ̀à kò saaìŋ, sɔɔ̀ nɔŋ wo Pììlɛ, wo Jɔ̀ɔŋ, wo Jìiiŋ e kpùlìà wo kɛ̀ɛ̀ yaà wo nààŋ kòmàŋ ɓɔ̀jɔaà.

Jɔ̀ɔŋ 11:25

Wo Jisɛ̀ nauŋ woò wààŋ, “Miàŋ nàŋ kuwa e gààaŋ wèè ka gè wo nyuùŋ fàa dìì wo kɛ̀ɛ̀ wɔŋ nyiiŋ gèeɔ̀ sùà. Anyùùŋ nyaŋ gbiŋ naim haawè nyaŋ do ɓɛìŋ nàŋ yèwè e fàaà dìì, jòòpɛɛ àŋ wa fà.

Jɔ̀ɔŋ 11:40

Wo Jisɛ̀ nauŋ woò wààŋ, “Miŋ gòum woò mìàŋ kɛ̀ sèè mùŋ kɛɛnɛ̀ŋ e hààwe mùŋ do nàŋ yɛ̀mɛ̀ e jòòwò Dayàa?”

Luùm 4:17

Wɔŋ fɛ̀ì Dayàa naŋ woò wààŋ, wo Dayà naŋ nyɛ̀nɛ̀ŋ wo Eɓulɔhɛɛ̀ŋ wo nèwàènèwe wèè anyuùŋ zimgbe maŋ fuɔŋ màŋ sùà. Wo Dayà naŋ wa jɔ̀ɔ̀ e ɗààhiì lɛɛ̀ koɓɛ̀ Eɓulɔhɛɛ̀iŋ esàɓù e hààweɛ̀ wò kuwa wo Dayà sùà lɛ, wo yèɔ naŋ gè anyuùŋ fàa nyàŋ dìì wo nyiŋ kìɛ̀ŋ wɔŋ nyiiŋ gèe, yèè wò naŋ bànè manɛ̀ŋ maŋ yè maŋ fè wa màŋ.

Luùm 4:20

Wo Eɓulɔhɛɛ̀ŋ gò wa fè è hààweiŋ nɛ̀ jɛwɛ, yèè wo gò wa sikà wèè wo hààwè è yèɛ wo Dayà naŋ wa jɔ̀ɔ̀ ɗààhiì kɛ̀ wò do nàŋ nyɛ̀nɛ̀ŋ lɛ. E hààweuŋ nɛ̀ nauŋ wa kìɛ̀ŋ gààŋ, yèè wò naŋ tɛ̀nɛ̀ŋ wo Dayà e jòòwo gbee sùà.