Luù 8:47 - WƆŊ FƐ̀Ì EBÒ SÌÀŊ DAYÀA

⁴⁷ Wo nìeɔ̀ wa nyìmàŋ kɛ̀ wò fòònò jɛ̀wɛ̀, kpeiŋ wò naŋ hnè wò gè jèla kpàkpà yèè wò naŋ dè maŋ gɛ̀ɛ̀ŋ nùuŋ màŋ dìì wo Jisɛ̀ fɛɛ̀feìŋ. Kpeiŋ ko fɛ̀ɛ̀fèìŋ anyùùŋ nyaŋ gbiŋ wò naŋ wòò esaɓùɛ wò naŋ mɛ̀nlɛ̀ɛ̀ŋ wo Jisɛ̀ lɛ, yèè e ɗeweɛ̀ wò naŋ jòèyè fiò lɛ.

Luù 8:47 ပူးပေါင်းရင်းမြစ်များ

Maafiù 28:8

Yèè àŋ naŋ kɔ̀ maŋ dùaŋ dùaŋ e yìwìà koɓɛ̀ ke hùaàŋ. Jòòpɛɛ e jùù yaà nyiìŋ wa, kɛɛ maŋ jii nyiŋ màŋ naŋ wa dìè e zɔlɔ̀, àŋ naŋ dùɔ̀ŋ wèè aŋ ka aŋ woò ebò lɛɛ̀ koɓɛ̀ anyùùŋ màŋjɛ̀wɛ̀uŋ nyàŋ.

Luù 8:46

Kɛɛ wo Jisɛ̀ naŋ woò wààŋ, “Wo nyùùŋ bà naim mɛnlɛ̀ɛ̀ŋ, esaɓù kà nyìmàŋ kɛ̀ e gààŋ naim fòlò e kɔɔ sùà.”

Luù 8:48

Wo Jisɛ̀ naŋ wòò wo nìeɔ̀ wààŋ, “Nìe siaŋ wɛɛ̀, e hààwe mɔ̀ɛ̀ èum joeyè. Kɔ̀à ke jii fàa sùà.”

Nyɛ̀nɛ̀ŋ 16:29

Wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ dawè wèè ke sìnga kùwa, yèè wò naŋ kɔ̀ɔ̀ maŋ dùàŋ wo jɔ̀à ko sààŋ nyìwìi; e jùùɛ yaàùŋ wa wò gè jèla kpàkpà yèè wò naŋ kɔ̀ wo sɔ̀à ko dììnaŋ wo Pɔɔ̀ yèè wo Silà fɛɛ̀feìŋ.

1 Kɔliìŋ 2:3

Kpeiŋ nààŋ mìŋ naŋ hnè ko nɛ̀ɛ̀iŋ niìŋ, e kɔɔ mɛ̀ naŋ nɔ̀ŋ sùà ɓèèlɛ̀ɛ̀ è jele kpàkpà wèè e jùù,

2 Kɔliìŋ 7:15

E wèètii e mànauŋ nɛ̀ weèiŋ naŋ ngèè ɓɛìŋ nyìngè sùà, nààŋ wò naŋ jàà jii e ɗeweɛ̀ nyɛ̀iŋ nààŋ gbiŋ nìŋ naŋ banebànè wèè naŋ jɔ̀ɔ̀lɔ̀ e mìè nyaàuŋ nɛ̀ dìì, e ɗeweɛ̀ nìŋ nauŋ ɓèè e jùù yaà e kɔɔ jèla sùà lɛ.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Hiɓu 12:28

Gè wiìŋ Dayà ke sɛ̀, wèè esaɓù kɛ̀ è naìŋ yɛ̀mɛ̀ e kana e yèɛ fè ɓɛ̀nɛ̀ŋ mɛ̀ɛ̀mɛɛŋ lɛ. Kɛ̀ɛ̀nɛ̀ŋ wiìŋ e jòòwo gbee yèè e zoolòiŋ Dayà e ɗewe kiiɛ̀ douŋ nàŋ fɔ̀ɔ̀yɛ̀ jii lɛ̀ e ɓɛ̀ɛ̀jàa sùà.