Luù 8:37 - WƆŊ FƐ̀Ì EBÒ SÌÀŊ DAYÀA

³⁷ Kpeiŋ anyùùŋ nyaŋ gbiŋ maŋ kpàlàùŋ kpàlàùŋ miiŋ sùà e gbɛ̀ɛ̀ ko Gɛ̀lesà naŋ pɔ̀wɔ̀ wo Jisɛ̀ wèè wo yèwà wɔŋ fuɔŋ nyiŋ nɔɔ̀ŋ sùà, esaɓù kɛ̀ e jùù naŋ wa nyɛ̀nɛ̀ŋ aŋ gbiŋ. Wo Jisɛ̀ naŋ sɛ̀ɛ̀ wɔŋ gɔɔ̀ sùà wò naŋ kɔ̀.

Luù 8:37 ပူးပေါင်းရင်းမြစ်များ

Maafiù 8:34

Kpeiŋ anyùùŋ nyaŋ gbiŋ ko jawaì naŋ kɔ̀ wèè aŋ mɛɛ̀ŋ wo Jisɛ̀. Nààŋ àŋ nauŋ yɛmɛ̀, àŋ nauŋ pɔwɔ̀ wèè wo yèwà wɔŋ fuɔŋ nyiŋ nɔɔ̀ŋ sùà.

Luù 10:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo nyùnɔ̀ɔŋ gbiŋ komo maŋ mìè gbòaiŋ màŋ wɔ, wo nyùùŋ bi wòim kumiàŋ. Wo nyùnɔ̀ɔŋ gbiŋ goiŋ jàà kùàŋ dìì wɔ, kɛ̀ wo nyùùŋ bì gòim jàà kùàŋ dìì. Wo nyùnɔ̀ɔŋ gbiŋ gòim jàà kùàŋ dìì wɔ kɛ̀ wo nyùùŋ bi gò jàà wò nyùnɔ̀ɔŋ naim tùɔ̀ŋ wɔ kùàŋ dìì.”

Luù 5:8

Nààŋ wo Saimɔ̀ŋ Piilɛ̀ naŋ yɛ̀mɛ̀ aŋ kɛ̀ì nyaŋ, wò naŋ dè maŋ gɛ̀ɛ̀nùuŋ màŋ dìì wo Jisɛ̀ fɛɛ̀feìŋ yèè wò naŋ woò wààŋ, “Kanaà, ɓɔ̀ mùŋ gbɛ̀ɛ̀im, esaɓù kɛ̀ mìŋ yaà wo nyùùŋ maŋ jùumù.”

Luù 8:28

E teengaà wo felaaà naŋ wa yɛ̀mɛ̀ wo Jisɛ̀ lɛ, wò naŋ dè maŋ gɛ̀ɛ̀ŋ nùuŋ màŋ dììnaŋ ko fɛɛ̀fenùuŋ yèè wò naŋ kpààŋ sɛiiŋ, wààŋ, “Kiìŋ mùŋ manaŋ maim nyiniàŋ, Jisɛ̀, Jɔ̀àfèlàà Dàyà Gaàŋ Gbeeɔ̀? Kɔ̀nɛɛ̀ŋ ɓɔ̀ mùŋ nimilàim.”

Luù 8:36

Anyùùŋ nyaŋ naŋ wa yɛ̀mɛ̀ e keì bi sùà nyaŋ, naŋ gbàì anyùùŋ nyaŋ jii e nyaàiŋ dè e ɗeweɛ̀ wo felaaà aŋ jinàŋ naanààŋ nyaŋ yaà wa weè maŋjɛ̀wɛ wɔ̀ naŋ jòèyè lɛ.

Luù 8:38

Wo fèlaaà aŋ jinàŋ naanààŋ nyaŋ naŋ wa fòlò ko sùà wɔ, naŋ pɔ̀wɔ̀ wo Jisɛ̀ wààŋ, “Tɔ̀ miŋ dèum maŋjɛ̀wɛ e ka.” Kɛɛ wo Jisɛ̀ gòuŋ wa nyimèè. Wò naŋ wòò wo felaaà wààŋ,

Luù 9:5

Sèè nìŋ kɔ̀à ko jawaì ko yèi anyùùŋ nyaŋ gòiŋ jàà kùàŋ dìì lɛ, yèwaìŋ ko jawa bi e kìlà niŋ gbumò e hèì gòlòò dìiŋ nɛ̀ wèè e nɔ̀ŋ wo seì yaà e gòo ko nɛ̀ɛ̀ŋ nyiŋ niìŋ.”

Luù 9:56

Yèè wo Jisɛ̀ yaà anyùùŋ màŋjɛ̀wɛ̀uŋ nyàŋ naŋ kɔ̀ ko vàa joo bà.

Nyɛ̀nɛ̀ŋ 16:39

Yèè àŋ naŋ kɔ̀ aŋ nyiŋ hùmàŋ hakɛ̀. Kpeiŋ àŋ naŋ nyiŋ gè ko sààŋ nyìwìi yèè àŋ naŋ nyiŋ dawè wèè aŋ yèwà ko jawa gbeeì.