Luù 8:31 - WƆŊ FƐ̀Ì EBÒ SÌÀŊ DAYÀA

³¹ Aŋ jinàŋ naanààŋ nyaŋ naŋ pɔ̀wɔ̀ wo Jisɛ̀ nyààŋ ɓɔ̀ wò tùàŋ nyiŋ kò golo zutùùŋ, ko yèi àŋ hewa nàŋ kɔ̀ e keì nyìnga dìì lɛ.

Luù 8:31 ပူးပေါင်းရင်းမြစ်များ

Maafiù 25:41

“Kpeiŋ mìŋ do nàŋ wòò aŋ yè nyaŋ sìàìm wɔŋ kùàŋ gbɔnɔŋ nyàŋ mìàŋ, ‘Yèwa nìim feìŋ, nìŋ yaà e gbòònò Dayàa dìì. Kɔ̀àaìŋ niŋ sɛɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀ sùà, e yèɛ àŋ naŋ banebànè wèè wo Sɛ̀tanàaŋ yaà aŋ màikàuŋ nyàŋ lɛ.

Luù 8:28

E teengaà wo felaaà naŋ wa yɛ̀mɛ̀ wo Jisɛ̀ lɛ, wò naŋ dè maŋ gɛ̀ɛ̀ŋ nùuŋ màŋ dììnaŋ ko fɛɛ̀fenùuŋ yèè wò naŋ kpààŋ sɛiiŋ, wààŋ, “Kiìŋ mùŋ manaŋ maim nyiniàŋ, Jisɛ̀, Jɔ̀àfèlàà Dàyà Gaàŋ Gbeeɔ̀? Kɔ̀nɛɛ̀ŋ ɓɔ̀ mùŋ nimilàim.”

Luù 8:32

Ke gbòò aŋ nyuàŋ gbee bà yaà wa e gbɛ̀ɛ nyiŋ nɛ̀ wɔŋ tolòɔ ɓula koɓɛ̀ bi ko gbilie. Aŋ jinàŋ naanààŋ nyaŋ naŋ pɔ̀wɔ̀ wo Jisɛ̀ wèè wo gè nyiŋ nyààŋ diɛŋ aŋ ka aŋ jɔ̀à aŋ nyùàŋ nyaŋ ko sùà, yèè wò naŋ nyiŋ gè nyààŋ diɛŋ wèè aŋ ka aŋ jɔ̀à nyiŋ ko sùà.

Luùm 10:7

“Ɓɔ̀ mùŋ dawè mààŋ, Ɓòò nàŋ do nàŋ dèyè koɓɛ̀ anyuùŋ fàa nyàŋ e gùòɛ dìì?” Tɛɛ̀ naŋ tɔɔ̀ wèè wo jùwìà wo Jisɛ̀ Kulaì ko nɛ̀ɛ̀ŋ wiì e yìwìà e fàa dìì.

Maŋ kèì nyɛɛnɛŋ 11:7

E teengaà aŋ sèì nyaŋ wo Dayà naŋ tùɔ̀ŋ nyaŋ àŋ kpɛɛyɛ̀ kìɛ̀ŋ ke mìè seì nyiŋ nɛɛ̀ŋ, wo yilì kùùno do nàŋ fòlò ko golo zutùùiŋ wo nyiŋ sumiàŋ. Wo yilì kùùno bi do nyiŋ nàŋ ɓùlò wo nyiŋ jìwà,

Maŋ kèì nyɛɛnɛŋ 17:8

Wo yilì kùùno wii yaà wa wɔŋ nyiiŋ gèeɔ̀ sùà e tèèngà guùŋ bà, kɛɛ wo fè ɓɛìŋ. È joo tòloò wèè wo fòlà ko golo zutùùiŋ e dììɛ dìì wèè auŋ pɔɔpɔ̀ɔ̀. Anyùùŋ nyaŋ gbiŋ yaà e ɗuunyaàŋ aŋ yè nyaŋ kòò àŋ sìngè maŋ deè nyiŋ màŋ wɔ̀ŋ fɛ̀ì ànyuùŋ gè nyiiŋ nyàŋ sùà paŋgàà wo Dayà naŋ wa bànè e ɗuunyaàŋ nyaŋ, è do nyiŋ nàŋ foonò sèè àŋ yɛmɛ̀ wa nàwèè wo yilì kùùnoɔ̀. Wo yàà wa wɔŋ nyiiŋ gèeɔ̀ sùà e tèèngà guùŋ. Sààmɛ tiŋ, wo fè ɓɛìŋ wɔ̀ŋ nyiiŋ gèeɔ̀ sùà, kɛɛ wò do ɓɛìŋ nàŋ fòlò ke fòolà.”

Maŋ kèì nyɛɛnɛŋ 19:20

Kɛɛ wo Dayà naŋ wa kùwò wo yilì kùùnoɔ̀ e kpùlìà wo wɛ̀ijì tòaà, wo yèɔ naŋ wa tɔ̀ɔ̀ e tɔ̀ɔ̀màŋsèì maŋ kèè mèè ko fɛ̀ɛ̀fèìŋ wo yilì kùùnoɔ̀ wɔ, wèè wo zuwò wa anyùùŋ nyaŋ gbiŋ kuwa wa e fèè wo yilì kùùnoɔ̀ e kìlà àŋ naŋ wa zòòlò wo dayà jooɔ̀ nyaŋ. Wo Dayà naŋ wa gbìɛ̀ŋ wo yilì kùùnoɔ̀ yaà wo wɛ̀ijì tòaà e hmɔɔ̀ŋ kùwa gbee kàànè sɔfɔ̀ sùà wɔŋ nyiiŋ gèe sùà.

Maŋ kèì nyɛɛnɛŋ 9:11

Wo kana nyiŋ nɔɔ̀ŋ nàŋ yaà wo màikàa sia e kèè wɔŋ golo zutùùɔŋ feìŋ wɔ. E deèuŋ nɛ̀ e Hiɓulù mieɛ̀ sùà nàŋ yaà Abadɔ̀ùŋ. E deèuŋ nɛ̀ e Guliì mieɛ̀ sùà nàŋ yaà wo Àponyɔ̀ŋ. E fàsàì tɛɛ̀ nàŋ yaà, “Wo Nyuùŋ Pɔ̀ɔ̀pɔ̀ɔ̀ Keì.”