Luù 8:3 - WƆŊ FƐ̀Ì EBÒ SÌÀŊ DAYÀA

³ Aŋ jɔùŋ bi bà nàŋ yaà wa ɓɛìŋ wo Jòanàŋ, wo yèɔ wo fanuuŋ nɔɔ̀ŋ Kuzà hewa tòòmò ko gbòòkùàŋ Kanaà Hɛɛlɔ̀ wɔ, wo Sùzanàŋ, yèè aŋ jɔùŋ zimgbe bà, aŋ yè nyaŋ naŋ wa kpùùmò Jisɛ̀ yàà anyùùŋ màŋjɛ̀wɛ̀uŋ nyàŋ e yìwìà manɛ̀ŋ kɛ̀ɛ̀nɛ̀ŋ nyiŋ bi màŋ sùà.

Luù 8:3 ပူးပေါင်းရင်းမြစ်များ

Maafiù 14:1

E teenga lii sùà wo Kanaà Hɛɛlɔ̀, wo kànà wɔŋ fùɔ̀ŋ Galaliìɔ, naŋ kòmò ebò Jisɛ̀ɛ.

Maafiù 14:3

Wo kanaà Hɛɛlɔ̀ wuŋ bi naŋ wa kìɛ̀ŋ e gààaŋ wèè aŋ kùwà Jɔ̀ɔŋ, yèè wò naŋ nyɛ̀nɛ̀ŋ auŋ dèkà yèè àŋ nauŋ gbìɛ̀ŋ ko sààŋ nyìwìi. Wò naŋ wa tɛɛ̀ nyɛ̀nɛ̀ŋ esàɓù wo nìeɔ̀ àŋ nyaaŋ wa wo Hɛ̀lolìà wɔ, wo jàwè wùìyauŋ nɔɔ̀ŋ Felè, wo yèɔ wo kanaà Hɛɛlɔ̀ naŋ wa naàŋ ɓemè wèè wo nɔ̀ŋ wo jawèuŋ wɔ̀.

Maafiù 14:6

Kɛɛ nààŋ ke ɗɔ̀ɔ̀ kòmàŋ Hɛɛlɔ̀ɛ naŋ wa haì, wo jɔ̀àjɔ̀ùŋ Hɛ̀lolìàa naŋ hnè yèè wò naŋ yèwè ko fɛ̀ɛ̀fèìŋ anyùùŋ nyaŋ gbiŋ, yèè ke jìì wo Kanaà Hɛɛlɔ̀ naŋ wa fɔ̀,

Maafiù 2:11

Àŋ naŋ jɔ̀ ko saaìŋ koɓɛ̀i wo jɔ̀àa yaà wa lɛ̀, auŋ yɛmɛ̀ wò hawa wo yèyeuŋ nɔɔ̀ŋ wo Mèèle kùàŋ sùà, kpeiŋ àŋ naŋ dè maŋ gɛ̀ɛ̀nìŋ nyiŋ màŋ dìì yèè àŋ naŋ kìɛ̀ŋ wo jɔ̀àa e ɓɛ̀ɛ̀jàa. Aŋ naŋ wa hìɛ̀ŋ manɛ̀ŋ kìɛŋ mààŋ e goò, wɔŋ kùùkɔ̀ɔ̀ dò siaàŋ àŋ nyaaŋ nyààŋ filɛnkinsɛ̀ŋ, yèè e bù kpààì kana e yèɛ àŋ nyaaŋ nyààŋ mɛɛ̀ yèè àŋ nauŋ miŋ kiɛ̀ŋ e yìwìà maŋ sulo nyiŋ màŋ sùà.

Maafiù 20:8

“E koya gɔɛɛ lii wo kɛ̀ɛ̀nɛ̀ŋ wɔŋ ɓù gbɛɛwɛ̀jɛ̀wɛ̀ɔ naŋ wòò wo nyùnɔ̀ɔŋ sia anyuùŋ tòmo nyàŋ feìŋ nyaŋ kɛ̀ wo nyààŋ nyiŋ wèè wo paawà nyiŋ e nɛɛnɛŋ nyiŋ nɛ̀. Wo kɛ̀ɛ̀nɛ̀ŋ ɓùɔ naŋ ɓɛìŋ wòò wo felaaà wààŋ wo tɔɔtù niŋ koɓɛ̀ anyuùŋ tòmo dìàmaŋ nyàŋ, e jeèsùà wo haì koɓɛ̀ anyuùŋ jiɛ̀jiɛ̀ nyaŋ.

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Maafiù 26:11

Anyuùŋ pɔ̀ɔ nyàŋ doiŋ nàŋ nɔ̀ŋ e tɛɛ e teengaà gbiŋ, kɛɛ miàŋ mìŋ naìŋ nɔ̀ŋ è tɛɛ è teengaà gbio sùà.

Maafiù 27:55

Aŋ jɔùŋ nyùùŋ zimgbe bà sia wa fauŋ àŋ yaào yɛɛmɛ. Aŋ jɔùŋ bi naŋ wa dè wo Jisɛ̀ maŋjɛ̀wɛ̀ e yìwìà ko Galaliì yèè àŋ yàùŋ wa kpuumo.

Luù 24:10

Aŋ jɔùŋ bi nàŋ yaà wa wo Mèèle e yìwìà ko jawaì àŋ nyaaŋ Màŋdalà, wo Jòanàŋ yèè wo Mèèle wo nààŋ Jìiɔ̀ŋ. Nyiŋ yaà aŋ jɔùŋ gbànaŋ nyàŋ yàa nyiìŋ wa maŋjɛ̀wɛ nyàŋ naŋ wa wòò maŋ keì mɛɛ̀ŋ koɓɛ̀ aŋ keela tàeɗùù nyaŋ.

Jɔ̀ɔŋ 12:6

E gò tɔɔ̀ kɛ̀ wò Judà naŋ wa kpɛɛ̀ŋ wèè ànyuùŋ pɔ̀ɔ nyàŋ. Wò naŋ wa tɛɛ̀ woò esaɓù kɛ̀ wuŋ nàŋ hewa kɛ̀ɛ̀nɛ̀ŋ e sùlò nɛɛnɛɛ̀ŋ, yèè e teenga bà wò heo wa hòà kùàŋ woo gè e nɛɛnɛɛ̀ŋ bà wèè wuŋ bi.

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

Fèle 4:22

Anyùùŋ nɛɛmaŋ nyàŋ gbiŋ naiŋ tùɔ̀ŋ zùùmo, ɓɔɔɓɔɔ aŋ yè nyaŋ toomàŋ ko sààŋ gbèè Kanaà Siisɔ̀ nyaŋ.

1Time 5:10

yèè wo nɔ̀ŋ wo nyùnɔ̀ɔŋ àŋ gboo tɛ̀ɛ̀ e nyaàiŋ euŋ dè wèè ke kpèè siaŋ wɔ̀. Wo nɔ̀ŋ wo jɔunɔ̀ɔŋ wo yèɔ naŋ gè aŋ jɔ̀àuŋ nyàŋ dìì tɛ̀ɛ̀ wɔ, wo yèɔ naŋ jàà aŋ nyùnèènyɛiŋ kùàŋ dìì ko gboo noo wɔ̀, wo nɔ̀ŋ nyùnɔ̀ɔŋ deeyà wuŋ bi e tòmò nɛɛmaŋ sùà wèè anyuùŋ hààwe joo wɔ̀, wo kpuumàŋ anyùùŋ nyaŋ yaà maŋ keì nyìnga sùà nyaŋ, yèè wò naŋ gbìɛ̀ŋ ke nyɛ̀nɛ̀uŋ nɛɛ̀ŋ gbiŋ e keì sìàŋ nyɛ̀nɛŋ maŋjɛ̀wɛ wɔ̀.