Luù 8:28 - WƆŊ FƐ̀Ì EBÒ SÌÀŊ DAYÀA

²⁸ E teengaà wo felaaà naŋ wa yɛ̀mɛ̀ wo Jisɛ̀ lɛ, wò naŋ dè maŋ gɛ̀ɛ̀ŋ nùuŋ màŋ dììnaŋ ko fɛɛ̀fenùuŋ yèè wò naŋ kpààŋ sɛiiŋ, wààŋ, “Kiìŋ mùŋ manaŋ maim nyiniàŋ, Jisɛ̀, Jɔ̀àfèlàà Dàyà Gaàŋ Gbeeɔ̀? Kɔ̀nɛɛ̀ŋ ɓɔ̀ mùŋ nimilàim.”

Luù 8:28 ပူးပေါင်းရင်းမြစ်များ

Maafiù 8:29

Ko fɛɛ̀feìŋ aŋ felaa nyàŋ naŋ kpààŋ sɛiiŋ nyààŋ, “Jɔ̀àfèlàà Dayàa! Kiìŋ mùŋ manaŋ maŋ wi nyiniàŋ? Mùŋ naŋ hnè wèè maŋ wi nimilà paŋgàà e teenga wilɛ̀ è haì?”

Luù 8:27

Wò naŋ wa nɔŋ fòlò wɔŋ gɔɔ̀ sùà wò naŋ dè ko tiwiì fa, wò dèènè wo felaa bà ko jawa bi wo yèɔ kuwa wa aŋ jinàŋ naanààŋ zimgbe maŋjɛ̀wɛuŋ. Wo felaa gò wa gɔ̀àì màŋ dèè wèè è teenga mùnlaŋ bà, e kìlà wo fè wa jòò kò gboouŋ noo, kɛɛ wò hewa jòò maŋ hùaŋ màŋ sùà.

Luù 8:29

Wò naŋ wa tɛɛ̀ woò esaɓù kɛ̀ wo Jisɛ̀ naŋ wa wòò aŋ jinàŋ naanààŋ nyaŋ kɛ̀ aŋ fòlàuŋ sùà. E teenga zimgbe aŋ jinàŋ nyaŋ dàaùŋ wa, jòòpɛɛ àŋ heuŋ wa jàà koɓɛ̀ guùŋ, aŋ dìkìà maŋ kuàuŋ màŋ yaà maŋ golòuŋ màŋ maŋ jɔ̀ɔ̀ maŋ kàì, kɛɛ wò he miŋ wa kɛtɛ kɛ̀tɛ̀, e kìlà aŋ jinàŋ naanààŋ nyaŋ auŋ kòà ke fòùngà e diì wòaà sùà.

Jìiiŋ 2:19

Mùŋ naŋ haawè kɛ̀ wo Dayà yaà nɔŋ wò guùŋ? Keì sìàŋ le! Aŋ jinàŋ naanààŋ nyaŋ nyiŋ pɛɛ àŋ naŋ niŋ haawè e jèèsùà àŋ jele kɔɔ kpàkpà wèè e jùù.

2Pììlɛ 2:4

Wo Dayà gò wa yɛ̀mɛ̀ àŋ màikà nyaŋ naŋ wa sɛ̀ɛ̀ màŋ jùumù sùà nyaŋ kè nyowo, kɛɛ wò naŋ nyiŋ gbìɛ̀ŋ ko jàhamaŋ, ko yèi àŋ naŋ nyiŋ sìè maŋ pela ke nyìwìɛ sùà, àŋ yaà fùlìè ke ɗɔ̀ɔ̀ gbài kitiɛ̀ ke hnàŋ.

1Jɔ̀ɔŋ 3:8

Wo nyùnɔ̀ɔŋ gbiŋ nyɛnɛŋ maŋ kèì jùumù keleiŋ wɔ̀, wò yaà wo nyùùŋ Sɛ̀tanàŋ, e fèfoo wo Sɛ̀tanàŋ wò wa nyɛ̀nɛ̀ŋ maŋ kèì jùumù e yìwìà ko tɔ̀ɔ̀tù e ɗuunyaàŋ. Wèè esàɓù guùŋ lɛɛ̀ wo Jɔ̀àfèlàà Dayàa naŋ wa hnè, wèè wo pɔɔpɔ̀ɔ̀ e tòmoɛ̀ wo Sɛ̀tanàŋ naŋ nyɛ̀nɛ̀ŋ lɛ.

Maŋ kèì nyɛɛnɛŋ 20:10

Wo Dɛwìɔ, wo yèɔ naŋ nyiŋ wa zuwò wɔ, wo Dayà nauŋ wa gbìɛ̀ŋ ko hmɔɔ̀ŋ kàànè sɔfɔ̀ sùà, ko yèi wo yilì kùùnoɔ̀ yàà wo wɛ̀ijì tòaà àŋ yaà wa naàŋ tɛ lɛ̀. Kuŋ àŋ do nàŋ nɔ̀ŋ e keì nyìnga sùà e dùùm yaà maŋ gɔɛɛ wèè julɔfɔ yèè julɔfɔ.