Luù 8:22 - WƆŊ FƐ̀Ì EBÒ SÌÀŊ DAYÀA

²² Ke ɗɔ̀ɔ̀ guùŋ wo Jisɛ̀ naŋ wa sɛ̀ɛ̀ wɔŋ gɔ sùà yaà anyùùŋ màŋjɛ̀wɛ̀uŋ nyàŋ, yèè wò naŋ nyiŋ woò wààŋ, “Kàwiìŋ wɔŋ fàa bàa wɔŋ juwoɔ̀ nìngè.” Kpeiŋ àŋ naŋ tɔ̀ɔ̀tù kàa.

Luù 8:22 ပူးပေါင်းရင်းမြစ်များ

Maafiù 14:22

Kpeiŋ wo Jisɛ̀ naŋ nyɛ̀nɛ̀ŋ anyùùŋ màŋjɛ̀wɛ̀uŋ nyàŋ aŋ sɛ̀ɛ̀ wɔŋ gɔɔ̀ sùà aŋ kà ko feìŋ, wɔŋ juwoɔ̀ wɔŋ fààa bàa, nààŋ wò yaà wa nyɛ̀nɛ̀ŋ sùà anyùùŋ nyaŋ wèè aŋ kɛɛ̀ maŋ jawa nyiŋ màŋ sùà.

Maafiù 8:18

Nààŋ wo Jisɛ̀ naŋ wa yɛ̀mɛ̀ e faaàŋ nauŋ kiliè, wuŋ yaà anyùùŋ màŋjɛ̀wɛ̀uŋ nyàŋ naŋ kɔ̀ wɔŋ fàa bàa wɔŋ juwoɔ̀ kɔɔ ko Galaliì.

Luù 5:1

Ke ɗɔ̀ɔ̀ guùŋ wo Jisɛ̀ sia wa e tiwi feìŋ nɛ wɔŋ juwoɔ̀ kɔɔ ko Gɛ̀nɛ̀nsalɛ̀, nààŋ anyùùŋ nyaŋ yaà wa kɔ̀ɔ̀yɛ̀ ko nɛ̀ɛ̀uŋ niìŋ wèè aŋ kòmàŋ ke mìè gbìàŋ Dayàa.

Luù 8:23

Nààŋ àŋ yaà wa kɔɔyɛ wɔŋ gɔɔ̀ sùà, wo Jisɛ̀ naŋ sɛ̀ɛ̀ maŋ jàwè. Ko fɛɛ̀feìŋ wɔŋ dùfòì gbee naŋ yèwè dìì e wùìyèɛ diɛŋ, yèè e wùìyèɛ naŋ tɔ̀ɔ̀tù sɛɛ̀ wɔŋ gɔɔ̀ sùà. Àŋ yaà wa kɔ̀ɔ̀yɛ̀ e keì nyìnga gbee dìì.

Luù 8:33

Aŋ jinàŋ naanààŋ nyaŋ naŋ fòlò wo felaaà ko sùà aŋ ka aŋ jɔ̀à aŋ nyùàŋ nyaŋ ko sùà. Ke gbòò aŋ nyuàŋ tɛ̀mɛ̀ɛ̀ yii gbiŋ naŋ dùɔ̀ŋ ke dèyà e toònyàa vauŋvàùŋ lii ke ka ke sɛ̀ɛ̀ ko kòiì keo jeeè.

Jɔ̀ɔŋ 6:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ ɓèmè anyùùŋ màŋjɛ̀wɛ̀uŋ nyàŋ yèè àŋ naŋ nìè wɔŋ juwoɔ̀ wɔŋ fùɔ̀ŋ Galaliìɔ, wɔŋ yèɔ àŋ nyaaŋ ɓɛìŋ wɔŋ Jùwò Tàbiliàa.

Nyɛ̀nɛ̀ŋ 27:2

È naiŋ wa sɛ̀ɛ̀ wɔŋ meeè sùà e yìwìà ko Àɗàmatiɔ̀ŋ. Wɔŋ meeèɔ yaà wa kɔ̀ɔ̀yɛ̀ ko Eesìà. Wo Àlètakɔ̀ e yìwìà ko Tɛsèlonikà, wo felaa bà e yìwìà ko Mɛ̀sèdonià, naŋ wa sɛ̀ɛ̀ wɔŋ meeèɔ sùà wuŋ pɛɛ yèè yàwi nààŋ gbiŋ naiŋ kɔ̀.