Luù 8:15 - WƆŊ FƐ̀Ì EBÒ SÌÀŊ DAYÀA

¹⁵ Manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, nàŋ yaà anyùùŋ nyaŋ komo ke mìè Dayàa, aŋ nyiŋ jàà kùàŋ dìì e jɔ̀ɔ̀lɔ yèè ke jìì tɔ̀ɔ̀nyaàŋ sùà. Yèè àŋ jeeà nìŋ sùà e jèèsùà aŋ ɓuù, màànààŋ manɛ̀ŋ jè ɓù komo lɛ.

Luù 8:15 ပူးပေါင်းရင်းမြစ်များ

Maafiù 24:13

Kɛɛ wo nyùnɔ̀ɔŋ gbiŋ kuwo e keì nyìnga bi e jèèsùà e hàì ko dìaì wɔ̀, wo Dayà douŋ wa nàwèè nàŋ joeyè.

Luù 11:28

Wo Jisɛ̀ naŋ fasàì wò naŋ woò wààŋ, “E zɔlɔ̀ yaà ngèè koɓɛ̀ anyùùŋ nyaŋ komo ke mìè gbìàŋ Dayàa yèè aŋ nyiŋ jàà kùàŋ dìì nyaŋ!”

Luù 6:45

Wo nyuùŋ sìàŋ hiàŋ maŋ nɛ̀ŋ kɛnɛ e yìwìà ko sùlò maŋ nɛ̀ŋ kɛnɛ ke jiiuŋ nɛɛ̀ŋ sùà. Wo nyuùŋ naanààŋ hiàŋ maŋ nɛ̀ŋ naanààŋ e yìwìà ko sùlò maŋ nɛ̀ŋ naanààŋ ke jiiuŋ nɛɛ̀ŋ sùà. Wɔŋ nyààŋ nàŋ woà e nɛ̀ɛŋ naum dìè ke jiio sùà lɛ.

Luù 8:14

Manɛ̀ŋ koei màŋ naŋ sɔ̀ɔ̀ maŋ dɛ̀ɛ̀ maŋ dɛiŋ màŋ sùà maŋ, nàŋ yaà anyùùŋ nyaŋ komo ke mìè gbìàŋ Dayàa nyàŋ. Kɛɛ àŋ sɛɛ̀ jii wèè manɛ̀ŋ maŋ e ɗuunyaàŋ, yèè àŋ kamàŋ ɗewe wèè aŋ banè, e kìlà aŋ jìkà manɛ̀ŋ maŋ kiɛ̀ŋ nyiìŋ nyɛɛnkɛŋ wɔŋ nyiiŋ gèe wɛɛ̀ŋ sùà, mɛɛ̀ŋ nàŋ deka dèkà ke mìè Dayàa ke fè kà màŋ jii nyiŋ màŋ sùà, kpeiŋ aŋ fè kà feìŋ è kèè Dayàa sùà.

Luù 8:16

“Wo nyùùŋ gbiŋ fè sìà è laumpò wo niŋ hòà wɔ̀ŋ pòum ɔ̀ɔ̀ wɔ̀ŋ gbùmaŋ dìì. Wò jàa niìŋ koɓɛ̀i e laumpòɛ jaà lɛ wèè e kìɛ̀ŋ anyùùŋ nyaŋ jɔ̀à ko saaìŋ nyaŋ e gbolòùŋ.

Jɔ̀ɔŋ 14:15

Yèè wo Jisɛ̀ naŋ ɓɛìŋ woò wààŋ, “Sèè nìŋ mɔ̀nɔ̀ìm, nìŋ do nàŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ.

Jɔ̀ɔŋ 15:10

Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, nìŋ do nàŋ jèè e mànaŋ mɛ̀ sùà, màànààŋ nɔŋ mìŋ nyɛnɛŋ e yèɛ wo Dèda miɔ̀ŋ manaŋ wèè ka nyɛ̀nɛ̀ŋ lɛ yèè mìŋ naŋ jèè e mànauŋ nɛ̀ sùà.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

Luùm 6:22

Niŋ fè ɓɛìŋ è gààŋ màŋ jùumù dìì, nàŋ naàŋ kìlà aŋ ɗo koɓɛ̀ Dayài. E nàfaiŋ nɛ̀ nàŋ yaà wɔŋ nyììŋ gè nɛɛmaŋ ko nɛ̀ɛ̀uŋ niìŋ, yèè e jìwààjɛ̀wɛ̀ɛ nàŋ yaà wɔŋ nyiiŋ gèe gò jùà.

Luùm 7:18

Kà nyìmàŋ kɛ̀ e gààaŋ wèè ka nyɛ̀nɛ̀ŋ e keì è yèɛ yaà tɛ̀ɛ̀ lɛ e fè kè kpùnaŋ miɛ̀ŋ sùà. Sèè pɛɛ ka kɛ̀ɛ̀nɛ̀ŋ ɗèwe wèè ka nyɛ̀nɛ̀ŋ e tɔ̀ɔ̀nyaàŋ, miŋ fè niŋ ɓɛ̀nɛ̀ŋ nyɛ̀nɛŋ.

Luùm 7:4

Yɛi nɔŋ è yaà ko nɛ̀ɛ̀iŋ niìŋ nyɛ̀iŋ nààŋ wùìyaim nyàŋ. Nyɛ̀iŋ pɛɛ nàŋ fòlà e gààŋ ke sàwàa dìì esaɓù kɛ̀ nìŋ yaà aŋ bàiŋbà wèè ke kpùnàŋ Jisɛ̀ Kulaìɛ naŋ fɔ̀ɔ̀yɛ̀ wɔŋ vànèkpaaà yɛ̀. Wuŋ nàŋ yaà wo yèɔ wo Dayà naŋ wa gè e fàaà dìì wɔ, wuŋ nàŋ kànàìŋ wèè kɛ̀ è naiŋ ɓɛ̀nɛ̀ŋ nɔ̀ŋ anyuùŋ kɛnɛ e tòmò Dayàa sùà.

Luùm 8:25

Kɛɛ sèè è nɔ̀ìŋ yɛ̀ɛ̀mɛ̀ dòmaŋ wèè e nɛ̀ɛŋ e kuwàìŋ lɛ, kɛ̀ sɔɔ̀ eiŋ niŋ fòlà ke jii kùwa sùà.

1 Kɔliìŋ 7:19

Àŋ jàà wo kpàkòò ke kpùa, aŋ gòuŋ jàà kè kpùa, e fè è nɛ̀ŋ bà gbiŋ. E kɛnɛɛ̀ nàŋ yaà wèè eiŋ jɔ̀ɔ̀lɔ̀ ke sàwà Dayàa dìì.

Ɛfesɔ̀ 2:8

E yìwìà e tɛ̀ɛ̀tɛ̀ɛ̀ Dayàa sùà wò naiŋ joeyè, esàɓù e hààwe sùà. Niŋ gò nyɛ̀nɛ̀ŋ è nɛ̀ŋ bà gbiŋ weè niŋ, e wèè wo nyùùŋ gbiŋ go nàŋ kɛ̀ɛ̀ màŋ nyòngà, esaɓù kɛ̀ è yaà e nɛ̀ŋ kìɛŋ wo Dayà naiŋ niŋ kiɛ̀ŋ.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Kòlo 1:10

kɛ̀ nìŋ do nàŋ ɓɛnɛ̀ŋ wèè naŋ nyɛ̀nɛ̀ŋ wɔŋ nyiiŋ gèeiŋ nɔɔ̀ŋ e ɗeweɛ̀ wo Kanaà manaŋ lɛ̀, e kìlà e teenga gbiŋ nìŋ do nàŋ nyɛ̀nɛ̀ŋ e yèɛ wò manaŋ lɛ̀. Nìŋ do nàŋ nyɛ̀nɛ̀ŋ e keì sìàŋ maŋ nyiiŋ gèeiŋ màŋ sùà, e kìlà e jiikɛ̀ɛ̀iŋ nɛ̀ wèè naŋ nyìmàŋ wo Dayà tɛ̀ɛ̀ do nàŋ dɛ̀kɛ̀ sùà.

Kòlo 1:6

Ebò Siaàŋ kòò è yaà nɔŋ hìàŋ sùà e kpùùmaŋ e kìlà kòò è yaà ɓààye sùà e ɗuunyaàŋ gbiŋ sùà, màànààŋ nɔŋ è naiŋ ɓààyè e tɛɛ e teenga gɔu, e yìwìà ke ɗɔɔ jiɛ̀jiɛ̀ɛ nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa, yèè nìŋ naŋ nyìmè e tɔ̀ɔ̀nyaàaŋ e nyaàiŋ e niŋ dè lɛ.

Hiɓu 10:36

Nìŋ kuwa nàŋ kɛ̀ɛ̀nɛ̀ŋ maŋ jii tɔumtɔ̀ùm, wèè kɛ̀ niŋ nyɛ̀nɛ̀ŋ e yèɛ wo Dayà manaŋ lɛ̀, yèè nìŋ do nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè woiŋ kiɛ̀ŋ lɛ.

Hiɓu 2:1

Esaɓùɛ lɛɛ̀ è kuwa eiŋ gbìàŋ e gòngo wilɛ̀ gbiŋ koɓɛ̀ e tɔ̀ɔ̀nyaàaŋ è naiŋ kòmò lɛ maŋjɛ̀wɛ, wèè kɛ̀ e goiŋ niŋ nàŋ fè jɛwɛ.

Jìiiŋ 1:4

Nyɛ̀nɛìŋ niŋ e kpàŋ è kɔɔiŋ e gàaŋ niŋ kuwa e hààweiŋ nɛ̀ sùà lɛ e koàiŋ niŋ e haì ko dìaì niŋ fè sɔ̀à lɛ. Wèè kɛ̀ maŋ kpèèiŋ màŋ nɔ̀ŋ sengei e jùà jɛ̀wɛ̀ gbɛlɛiŋ e nɛ̀ŋ gbiŋ fè jòò jɛ̀wɛ̀. Weètii nyɛ̀iŋ gbiŋ ɓɔ̀ nìŋ soò màŋ kpèè siaŋ kɛ̀ɛ̀nɛŋ.

1Jɔ̀ɔŋ 2:3

Sèè è naiŋ jɔ̀ɔ̀lɔ̀ maŋ Sàwà Dayà maŋ dìì, è doiŋ nàŋ kùwìè e hààweɛ̀ kɛ̀ eiŋ nyìmàŋ wo Dayà.