Luù 7:6 - WƆŊ FƐ̀Ì EBÒ SÌÀŊ DAYÀA

⁶ Kpeiŋ wo Jisɛ̀ naŋ nyiŋ dè maŋjɛ̀wɛ àŋ naŋ kɔ̀. Nààŋ wo Jisɛ̀ yaà wa gbɛ̀ɛ̀ sùà ko gbooì, wo kààlòòɗùàa naŋ tùɔ̀ŋ aŋ dàwi mɔ̀ɔ̀nɔuŋ nyàŋ bà wèè aŋ woò wo Jisɛ̀ nyààŋ, “Kanaà, ɓɔ̀ mùŋ mɔɔnɛ̀ŋ muàŋ bi. Miŋ fè tɛ̀ɛ̀ wèè maŋ hnàŋ maŋ jɔ̀à kè saaŋ miɛ̀ŋ dìì.

Luù 7:6 ပူးပေါင်းရင်းမြစ်များ

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Luù 5:8

Nààŋ wo Saimɔ̀ŋ Piilɛ̀ naŋ yɛ̀mɛ̀ aŋ kɛ̀ì nyaŋ, wò naŋ dè maŋ gɛ̀ɛ̀nùuŋ màŋ dìì wo Jisɛ̀ fɛɛ̀feìŋ yèè wò naŋ woò wààŋ, “Kanaà, ɓɔ̀ mùŋ gbɛ̀ɛ̀im, esaɓù kɛ̀ mìŋ yaà wo nyùùŋ maŋ jùumù.”

Luù 7:4

Aŋ màmàŋkùmɛŋ nyàŋ naŋ hnè koɓɛ̀ Jisɛ̀i yèè àŋ nauŋ pɔwɔ̀ sɛmɛ nyààŋ, “Wo kenàŋ wɛɛ̀ yaà wo nyuùŋ tɛ̀ɛ̀ ko nɛ̀ɛ̀ŋ wiì, weètii è do nɔ̀ŋ tɛ̀ɛ̀ wèè mauŋ kpuumàŋ.

Luù 7:5

Wo kenàŋ wɛɛ̀ manaŋ anyuùŋ wi nyàŋ yèè ngèè wuŋ bi naŋ fè e nɛɛnɛŋ aŋ nyɛ̀lɛ̀ ke sààŋ zòòlò aŋ Juùù weè wi.”

Luù 7:7

Miŋ fè ngèè pɛɛ tɛ̀ɛ̀ wèè miàŋ bi ka hnàŋ kò nɛ̀ɛ̀ŋ muìŋ. Wòò nɔŋ mààŋ wo ɓɔìjɔ̀à miɔ̀ŋ jòèyà, wò do nàŋ jòèyè.

Luù 8:49

Nààŋ wo Jisɛ̀ yaà wa nɔŋ tɛɛ̀ woo, wo keela naŋ hnè e yìwìà ko gbòò wo sìèfèìŋ ko sààŋ zòòlò aŋ Juùù nyaŋ. Wo keelaà naŋ wòò wo kenàaŋ Jalɔ̀ wààŋ, “Dàa, wo jɔ̀àjɔùŋ mɔɔ̀ŋ fà, weètii ɓɔ̀ mùŋ mɔɔnɛ̀ŋ ɓɛìŋ wò Kààmɔɔŋ.”

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Jìiiŋ 4:10

Dèèyeìŋ nyɛ̀iŋ bi wo Kanaà Dayà fɛɛ̀feìŋ, kɛ̀ wò doiŋ nàŋ kìɛ̀ŋ e ɓɛ̀ɛ̀jàa.

Jìiiŋ 4:6

Kɛɛ e mànaàŋ wo Dayà kiɛ̀ŋ lɛ è naŋ nyìngè sùà. Màànààŋ wɔŋ fɛ̀ì Dayàa naŋ woò lɛ kɛ̀, “Wo Dayà giiyà wo nyùnɔ̀ɔŋ ɓemàŋ wuŋ bi gbee wɔ̀ maŋhɛɛ, kɛɛ wo kìɛ̀ŋ wo nyùnɔ̀ɔŋ deeyà wuŋ bi wɔ̀ e keì sìàŋ.”