Luù 7:42 - WƆŊ FƐ̀Ì EBÒ SÌÀŊ DAYÀA

⁴² Aŋ fèlàà tìyèe nyàŋ kuwà wa è nɛɛnɛɛ̀ŋ wèè aŋ gè è kpàŋ kenàaŋ. Yèè wo kenàaŋ naŋ nyiŋ jùùyè hakɛ̀. Aŋ fèlàà tìyèe nyɛɛ̀ŋ e fèemàŋ, kòuŋ nàŋ dò nàŋ mɔ̀nɔ̀ŋ wo kenàaŋ zimgbe?”

Luù 7:42 ပူးပေါင်းရင်းမြစ်များ

Maafiù 18:27

Wo kanaà naŋ wa kɛ̀ɛ̀nɛ̀ŋ ke nyowo wèè wo ɓɔìjɔ̀àa yèè wò nauŋ jùùyè hakɛ̀ wouŋ dangè wo ka foo. Yèè wo kanaà naŋ ngèè ɓɛìŋ dàngè e kpàaŋ wo ɓɔìjɔ̀àa kùwaùŋ wa lɛ.

Maafiù 18:34

Wo kanaà naŋ wa tuù, yèè wò naŋ tùɔ̀ŋ wo ɓɔìjɔ̀àa ko sààŋ nyìwì wèè woo nɔ̀ŋ e jèèsùà wo pààwà e nɛɛnɛɛ̀ŋ gbiŋ wò kuwa kpàŋ lɛ.”

Maafiù 6:12

Jùùyaà wi hakɛ̀ wèè maŋ keì nàànààŋ wi màŋ, màànààŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ naŋ wi jàà maŋ.

Luù 7:43

Wo Saimɔ̀ŋ naŋ fasàì wààŋ, “Kà ɓɛ̀nɛ̀ŋ gòngo kɛ̀ wo yèɔ wò naŋ jùùyè e hàkɛ̀ wèè e kpàŋ nɛɛnɛŋ gbeeɛ̀ wɔ wo.” Wo Jisɛ̀ naŋ woò wààŋ, “Mùŋ naŋ gbàì tɔ̀ɔ̀nyaàŋ.”

Luùm 3:24

Wo Dayà naŋ tɔ̀ɔ̀ e tɛ̀ɛ̀tɛ̀ɛ̀uŋ nɛ̀ koɓɛ̀ anyùùŋ nyaŋ gbiŋ, yèè esàɓù Jisɛ̀ Kulaìɛ sùà, wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ yèè wò naŋ wi jùùyè hakɛ̀ wèè maŋ jùumù wi màŋ.

Luùm 5:6

E teengaà e zɔ̀kpɔ̀ yàwì wa lɛ̀, wo Jisɛ̀ Kulaì naŋ fɔ̀ wèè yàwi nààŋ nyuùŋ nyɛ̀nɛ̀ŋ maŋ tùwo naanààŋ nyaŋ e teengaà wo Dayà naŋ wa tàeɗùù lɛ.

Gàla 3:10

Anyùùŋ nyaŋ gbiŋ naŋ gongò kɛ̀ wo Dayà do nyiŋ nàŋ jàà kùàŋ dìì sèè àŋ jɔɔlɔ̀ maŋ Sàwà maŋ dìì nyaŋ, àŋ yaà e gbòònò Dayàa dìì. Wɔŋ fɛ̀ì Dayàa naŋ woò wààŋ, “Anyùùŋ nyaŋ gò jɔ̀ɔ̀lɔ̀ è nɛ̀ɛŋ gbiŋ yaà wòòiŋ kè Sàwà Dayàa sùà lɛ, e gbòòno yaà nyiìŋ maŋjɛ̀wɛ.”

Ɛfesɔ̀ 1:7

Esàɓù maŋ sɛ̀ìŋ Jisɛ̀ Kulaì maŋ sùà wo Dayà naŋ wi bilɛ̀ŋ wèè foo, tii naŋ tɔɔ̀ kɛ̀ wò jùùyà maŋ jùumù wi màŋ hakɛ̀. E tɛ̀ɛ̀tɛ̀ɛ̀ Dayàa naŋ dɛɛ̀,

Ɛfesɔ̀ 4:32

Kɛɛ nɔ̀ɔìŋ tɛ̀ɛ̀, yèè niŋ kuwìè maŋ jìì nyowo wèè aŋ dàwiiŋ nyàŋ niŋ juuyà anyùùŋ hakɛ̀ màànààŋ wo Dayà naiŋ jùùyè hakɛ̀ esàɓù Jisɛ̀ Kulaì sùà lɛ.

Kòlo 3:13

Jàaìŋ aŋ dàwiiŋ nyàŋ kùàŋ dìì, e kìlà niŋ juuyà wo nyùùŋ gbiŋ hakɛ̀ sèè wò jààùm è nànàŋ. Nìŋ kuwa naŋ jùùyà aŋ dàwi hakɛ̀ màànààŋ nɔŋ wo Kanaà Jisɛ̀ Kulaì naiŋ jùùyè hakɛ̀ lɛ.