Luù 7:41 - WƆŊ FƐ̀Ì EBÒ SÌÀŊ DAYÀA

⁴¹ Wo Jisɛ̀ nauŋ woò wààŋ, “Aŋ fèlàà tìyèe bà kuwa wa wo kenàŋ bà e kpàŋ nɛɛnɛŋ, wo yèɔ hewa gbìàŋ anyùùŋ e kpàŋ. Wò guùŋ kùwaùŋ wa e kpàŋ e kaiŋ fua nɛɛnɛŋ hɔ̀nɔ̀ɔ̀ nɔɔnɔŋ, yèè wo bàa kuwa e kpàŋ kaiŋ fua nɛɛnɛŋ kpɛ̀ɛ̀ùŋ tìyèe jɛ̀wɛ̀ zììyà.

Luù 7:41 ပူးပေါင်းရင်းမြစ်များ

Maafiù 18:28

“Kpeiŋ wo ɓɔìjɔ̀àa naŋ kɔ̀ yèè wò naŋ mɛ̀ɛ̀ŋ wo ɓɔìjɔ̀à dàwiuŋ nɔɔ̀ŋ bà guùŋ wo yèɔ kùwaùŋ wa e kpàŋ e kaiŋ fua nɛɛnɛŋ hɔ̀nɔ̀ɔ̀ guùŋ. Yèè wò naŋ kùwò wo felaaà ke gbèìŋ. Yèè wò naŋ tɔ̀ɔ̀tù nɔ̀à wo felaaà ke gbèìŋ yèè wò nauŋ woò wààŋ, ‘Pààwaà e nɛɛnɛɛ̀ŋ gbiŋ mùŋ kùwàìm kpàŋ lɛ.’

Maafiù 6:12

Jùùyaà wi hakɛ̀ wèè maŋ keì nàànààŋ wi màŋ, màànààŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ naŋ wi jàà maŋ.

Luù 11:4

Jùùyaà wi hakɛ̀ wèè maŋ keì naanààŋ maŋ è naiŋ nyɛ̀nɛ̀ŋ maŋ, màànààŋ nɔŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ jàà wì maŋ. Ɓɔ̀ mùŋ koà wi è wàa nyìnga dìì.’ ”

Luù 12:48

Kɛɛ wo ɓɔìjɔ̀àa wo yèɔ nyimààŋ è nɛ̀ɛŋ wò kààmɔɔuŋ nɔɔ̀ŋ wò manaŋ wo nyɛ̀nɛ̀ŋ lɛ, àŋ douŋ nàŋ ɓùlò tòloò sèè wò nyɛnɛŋ e keì ɓàa. Sèè mààŋ wo Dayà naŋ nɔ̀ŋ e kpùùmaŋ ko nɛ̀ɛ̀ŋ muìŋ, wò doum nàŋ yɛ̀mɛ̀ dòmaŋ wèè mauŋ jɔ̀ɔ̀lɔ̀ dìì tɛ̀ɛ̀. Yèè sèè mààŋ wò naum ngèè kpuumò sɛmɛ, wò doum nàŋ yɛ̀mɛ̀ dòmaŋ wèè mauŋ ngèè jɔ̀ɔ̀lɔ̀ dìì e sɛmɛmaŋ mɔ̀ɛ̀ gbiŋ sùà.

Luù 13:4

Diè zà e kèè anyùùŋ zììyà jɛ̀wɛ̀ nɔɔnɔŋ le taai nyàŋ ke sààŋ fùùɛŋ naŋ wa sɔ̀ɔ̀ diɛŋ yèè àŋ naŋ fɔ̀ nyaŋ ko Sìloùm nyaŋ? Nìŋ gongà kɛ̀ anyùùŋ nyiiŋ naŋ wa nyɛ̀nɛ̀ŋ maŋ jùumù naanààŋ e nìàŋ anyuùŋ gbànaŋ nyàŋ gbiŋ ko Jùlusɛ̀làm?

Luù 7:40

Wo Jisɛ̀ naŋ gbòò wò nauŋ woò wààŋ, “Saimɔ̀ŋ, mìŋ kuwa e keì bà wèè kaum woò.” Wo Saimɔ̀ŋ naŋ fasàì wààŋ, “Hɛ̀ɛɛ̀ŋ Kanaà, wòò miŋ.”

Luù 7:47

Kpeiŋ tɔ̀ miŋ woòum, esàɓù e mànaŋ gbeeɛ̀ wò naim tɔɔ̀ lɛ, è naŋ tɔɔ̀ kɛ̀ maŋ jùumù zimgbeum màŋ nɔ̀ŋ hakɛ̀ jùùyà miŋ. Kɛɛ wo nyùnɔ̀ɔŋ àŋ naŋ jùùyè hakɛ̀ wèè e nɛ̀ŋ jɔa wɔ̀, wò do nɔŋ nàŋ tɔ̀ɔ̀ e mànaŋ jɔa.”

Luùm 3:23

Yàwi nààŋ gbiŋ èiŋ nyɛ̀nɛ̀ŋ maŋ jùumù yèè èiŋ ka fauŋ e yìwìà e jòòwò Dayàa fɛɛ̀feìŋ.

Luùm 5:20

Ke Sàwà Dayàa naŋ nɔ̀ŋ bàne nyiŋ wèè kɛ̀, eiŋ nyìmàŋ e gààŋ maŋ jùumù maŋ anyùùŋ àŋ nyɛnɛŋ màŋ. Kpeiŋ koɓɛ̀i maŋ kèì jùumù naŋ gàŋ lɛ, kuŋ wo Dayà tooyà e gààŋ tɛ̀ɛ̀tɛ̀ɛ̀uŋ nɛ̀.