Luù 7:40 - WƆŊ FƐ̀Ì EBÒ SÌÀŊ DAYÀA

⁴⁰ Wo Jisɛ̀ naŋ gbòò wò nauŋ woò wààŋ, “Saimɔ̀ŋ, mìŋ kuwa e keì bà wèè kaum woò.” Wo Saimɔ̀ŋ naŋ fasàì wààŋ, “Hɛ̀ɛɛ̀ŋ Kanaà, wòò miŋ.”

Luù 7:40 ပူးပေါင်းရင်းမြစ်များ

Maafiù 26:49

Kpeiŋ nààŋ wo Juɗà nao nɔŋ haì fa, wò naŋ kɔ̀ koɓɛ̀ Jisɛ̀i yèè wò naŋ woò wààŋ, “Ke jii fàa nɔ̀ŋ ko nɛ̀ɛ̀ŋ muìŋ, Kààmɔɔŋ!” Yèè wò nauŋ kpuuwò.

Maafiù 7:22

Sèè ke ɗɔɔɛ̀ haì wa nàwèè wèè wo Dayà wo gbàì anyùùŋ nyaŋ gbiŋ, aŋ zimgbe nyiŋ doim nàŋ woò nyààŋ, ‘Kanaà, Kanaà! Àŋ do nàŋ woò nyààŋ è naiŋ wa gbòò ke mìè Dayàa e deè mɔ̀ɛ̀ diɛŋ, e kìlà è naiŋ gè aŋ jinàŋ naanààŋ anyùùŋ maŋjɛ̀wɛ, yèè è naiŋ nyɛ̀nɛ̀ŋ maŋ kèè mèè zimgbe.’

Luù 18:18

Wo nyùùŋ gbèè aŋ Juùù nyaŋ bà naŋ dàwè wo Jisɛ̀ wààŋ, “Kààmɔɔŋ siaŋ, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka kùwìè wɔŋ nyiiŋ gèe gò jùà?”

Luù 5:22

Wo Jisɛ̀ nyìmàŋ kɛ̀ kiìŋ àŋ yaà wa goongo maŋ jii nyiŋ màŋ sùà. Kpeiŋ wò naŋ nyiŋ woò wààŋ, “Wèè kiìŋ nìŋ gongà maŋ keì mààŋ mɛɛ̀ŋ maŋ jiiŋ màŋ sùà e nyaàiŋ dè e nɛ̀ɛŋ mìŋ naŋ woò lɛ?

Luù 5:31

Wo Jisɛ̀ naŋ nyiŋ woò wààŋ, “Anyuùŋ ɓòù nyaŋ fè kàmè wò zòòlègòò, sɔɔ̀ nɔŋ anyuùŋ sàaŋ nyàŋ.

Luù 6:8

Kɛɛ wo Jisɛ̀ wa nyìmàŋ maŋ gòngo nyiŋ màŋ, yèè wò naŋ wòò wo felaa kùwìè wɔŋ kuàŋ fàaà wààŋ, “Yewà dìì muŋ hnàŋ kià ko fɛ̀ɛ̀fèìŋ anyùùŋ nyaŋ.” Yèè wo fèlaaà naŋ yèwè dìì naŋ sie.

Luù 7:39

Wo Fɛlosiìɔ naŋ nyààŋ wo Jisɛ̀ wɔ naŋ wòò ke jiiuŋ nɛɛ̀ŋ sùà wààŋ, “Sèè wo kenàŋ wɛɛ̀ tɔɔɓaa wo weè nɔ̀ŋ wo wɛ̀ijì, wò he weè nàŋ nyìmè kɛ̀ ɓòò nàŋ yaà wo nìeɔ̀ yàaùŋ mɛ̀nlɛɛŋ sùà wɔ. Wò henàŋ nyìmè kɛ̀ wò yaà wo nyùùŋ maŋ jùumù.”

Luù 7:41

Wo Jisɛ̀ nauŋ woò wààŋ, “Aŋ fèlàà tìyèe bà kuwa wa wo kenàŋ bà e kpàŋ nɛɛnɛŋ, wo yèɔ hewa gbìàŋ anyùùŋ e kpàŋ. Wò guùŋ kùwaùŋ wa e kpàŋ e kaiŋ fua nɛɛnɛŋ hɔ̀nɔ̀ɔ̀ nɔɔnɔŋ, yèè wo bàa kuwa e kpàŋ kaiŋ fua nɛɛnɛŋ kpɛ̀ɛ̀ùŋ tìyèe jɛ̀wɛ̀ zììyà.

Jɔ̀ɔŋ 13:13

Yèè wo Jisɛ̀ naŋ nyiŋ ɓɛìŋ woò wààŋ, “Nìŋ nyààìm wò Kààmɔɔŋ yèè wo Kana, e tɔɔɓaaà lii, esaɓù kɛ̀ mìŋ yaà wo Kààmɔɔŋ yèè wo Kana.

Jɔ̀ɔŋ 16:19

Wo Jisɛ̀ wa nyìmàŋ kɛ̀ àŋ manaŋ wa auŋ dawè, yèè wò naŋ nyiŋ woò wààŋ, “Nìŋ yaà daawe nààŋ mìŋ naŋ woò mìàŋ, ‘wèè e teenga kpàa bà niŋ naàim ɓɛìŋ yɛmɛ̀.’ Yèè mìàŋ ‘kɛɛ e teenga kpàa bà nìŋ doim ɓɛìŋ nàŋ yɛmɛ̀?’

Jɔ̀ɔŋ 16:30

Yèiŋ ngàà naàŋ nyìmàŋ kɛ̀ màŋ nyìmàŋ maŋ keì maŋ gbiŋ, e kìlà e kuwàìŋ ɓɛìŋ wɔ̀ŋ mààŋdàwè gbiŋ wèè eum dawè. Tɛɛ̀ naŋ nyɛ̀nɛ̀ŋ è naiŋ haawè tɔɔɓaa kɛ̀ mùŋ yewe koɓɛ̀ Dayài.”

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”