Luù 7:39 - WƆŊ FƐ̀Ì EBÒ SÌÀŊ DAYÀA

³⁹ Wo Fɛlosiìɔ naŋ nyààŋ wo Jisɛ̀ wɔ naŋ wòò ke jiiuŋ nɛɛ̀ŋ sùà wààŋ, “Sèè wo kenàŋ wɛɛ̀ tɔɔɓaa wo weè nɔ̀ŋ wo wɛ̀ijì, wò he weè nàŋ nyìmè kɛ̀ ɓòò nàŋ yaà wo nìeɔ̀ yàaùŋ mɛ̀nlɛɛŋ sùà wɔ. Wò henàŋ nyìmè kɛ̀ wò yaà wo nyùùŋ maŋ jùumù.”

Luù 7:39 ပူးပေါင်းရင်းမြစ်များ

Maafiù 20:16

Kpeiŋ wo Jisɛ̀ naŋ nyiŋ woò ko diemeì wààŋ, “Weètii anyuùŋ dìàmaŋ nyàŋ nàŋ do nàŋ nɔ̀ŋ aŋ jiɛ̀jiɛ̀ nyaŋ, yèè anyuùŋ jiɛ̀jiɛ̀ nyaŋ nàŋ do nàŋ nɔ̀ŋ aŋ dìàmaŋ nyàŋ.”

Maafiù 21:11

Anyùùŋ nyaŋ e faaàŋ sùà naŋ fasàì nyààŋ, “Wo Jisɛ̀ wɛɛ̀, wo wɛ̀ijìɔ e yìwìà ko Naazɔ̀ɛ̀ wɔŋ fùɔ̀ŋ Galaliìɔ.”

Luù 12:17

Wo kenàaŋ naŋ wòò ke jiiuŋ nɛɛ̀ŋ sùà wààŋ, ‘Kiìŋ mìŋ naŋ ɓɛ̀nɛ̀ŋ nyɛ̀nɛŋ? Miŋ kuwà kò nɛ̀nɛ̀ŋ gbee wèè kao gbìàŋ mànɛ̀ŋ jè ɓù maŋ gbiŋ mìŋ kuwa màŋ.’

Luù 15:2

Aŋ Fɛlosiì nyaŋ yaà aŋ kààmɔ̀ɔ̀ŋ maŋ Sàwà Dayà nyaŋ naŋ tɔ̀ɔ̀tù gbùùyà ɗìòsùà e nyaàiŋ dè wo Jisɛ̀. Aŋ naŋ woò nyààŋ, “Wo felaa wɛɛ̀ jaa anyùùŋ maŋ jùumù nyaŋ kùàŋ dìì aŋ jɛ̀ì koɓɛ̀ guùŋ ko jììyè nɛ̀ŋ.”

Luù 16:3

Wo ɓɔìjɔ̀à yɛ̀mɛ̀ manɛ̀ŋ diɛɔ̀ŋ naŋ wòò koɓɛ̀ wuŋ biì wààŋ, ‘Wo kààmɔɔŋ miɔ̀ŋ yaà hinie woim gè e tòmò ɓɔìjɔ̀à yɛ̀mɛ̀ manɛ̀ŋ diɛɛ̀ŋ sìwè. Kiìŋ mìŋ do nàŋ nyɛ̀nɛ̀ŋ? Miŋ gò nyìngà kɔɔ wèè ka nyɛ̀nɛ̀ŋ è tòmo nyìnga, yèè e sàngèɛ nyɛ̀nɛ̀ìm wèè ka hɔmɔ̀ɔ̀ŋ.

Luù 18:4

Wèè e teenga mùnlaŋ wo kana gbàì keìɔ naŋ gè maŋhɛɛ wèè wo nyɛ̀nɛ̀ŋ e nɛ̀ɛŋ wo nìeɔ̀ manaŋ wa lɛ̀. Kɛɛ ko diemeì wò naŋ wòò koɓɛ̀ wuŋ biì wààŋ, ‘Jòòpɛɛ miŋ fè dùàŋ Dayà ɔ̀ɔ̀ miŋ kuwà è ɓɛ̀ɛ̀jàa wèè ànyùùŋ gbiŋ,

Luù 3:8

Nyɛ̀nɛìŋ maŋ keì maŋ do nàŋ tɔɔ̀ kɛ̀ tɔɔɓaa nàŋ fè maŋ tùwo naanààiŋ màŋ jɛwɛ. Ɓɔ̀ nìŋ gongò ngèè pɛɛ kòɓɛ̀ nyɛ̀iŋ biì kɛ̀ nìŋ yewe ke kpòò Eɓulɔhɛɛ̀ɛŋ sùà. Miŋ woòiŋ e tɔɔɓaaà kɛ̀ wo Dayà ɓɛ̀nɛ̀ŋ ɓèmè le dùò lɛɛ̀ wo niŋ kìlà anyuùŋ kpùuŋ aŋ nɔ̀ŋ aŋ jɔ̀à wèè wo Eɓulɔhɛɛ̀ŋ.

Luù 7:16

E jùù naŋ wa nyɛ̀nɛ̀ŋ anyùùŋ nyaŋ gbiŋ, yèè àŋ naŋ tɛ̀nɛ̀ŋ wo Dayà. Àŋ naŋ wa woò nyààŋ, “Wo wɛ̀ijì gbee wò wi hnàŋ e tɛɛ, wo Dayà hnàŋ koɓɛ̀ anyunùuŋ nyàŋ wèè wo nyiŋ joeyè.”

Luù 7:37

Wo nìe bà yaà wa ko jawa wii, kɛɛ wò yaà wa wo nyùùŋ maŋ jùumù. Wò naŋ wa kòmò kɛ̀ wo Jisɛ̀ yaà wa jììyè nɛ̀ŋ ko gbòò Fɛlosiìɔ. Wo nìeɔ̀ naŋ hìɛ̀ŋ e sàiŋ bàànè e dùò bà àŋ nyaaŋ àlàbasità è naŋ dìè maŋ kuùmàì,

Luù 7:38

yèè wò naŋ sìè wo Jisɛ̀ jɛ̀wɛ̀ maŋ golòuŋ màŋ kɔɔ wò yaà gulie, maŋ fɛɛ̀màìuŋ màŋ dè maŋ gòlò Jisɛ̀ maŋ. Kpeiŋ wò naŋ miŋ hààngè e ɗì dumuuŋ nɛ̀, wo miŋ kisì, yèè wò naŋ miŋ kpàlèè maŋ kuùmàì.

Luù 7:40

Wo Jisɛ̀ naŋ gbòò wò nauŋ woò wààŋ, “Saimɔ̀ŋ, mìŋ kuwa e keì bà wèè kaum woò.” Wo Saimɔ̀ŋ naŋ fasàì wààŋ, “Hɛ̀ɛɛ̀ŋ Kanaà, wòò miŋ.”

Jɔ̀ɔŋ 4:19

Yèè wò naŋ ɓɛìŋ wòò wo Jisɛ̀ wààŋ, “Dàa, kà gongò kɛ̀ mùŋ yaà wo kèèlà Dayà.

Jɔ̀ɔŋ 7:12

Anyùùŋ nyaŋ e faaàŋ sùà yaà wa kpaane kpaane maŋ wɛɛwɛɛ suà nyiŋ bi e fèemàŋ e nyaàiŋ dè wò Jisɛ̀. Anyùùŋ nyaŋ bà nyiŋ yaà wa woo nyààŋ, “Wo Jisɛ̀ yaà wo nyùùŋ tɔ̀ɔ̀nyaàŋ,” kɛɛ aŋ bà nyiŋ yaà woo nyààŋ, “Kpele, wò yaà tùùya sùà anyùùŋ nyaŋ gbiŋ.”

Jɔ̀ɔŋ 9:24

Anyuùŋ gbeegbèè nyaŋ naŋ ɓɛìŋ nyààŋ wo felaaà kuwa wa weè le fɛɛ̀ zììle lɛ̀ wɔ yèè àŋ nauŋ woò nyààŋ, “Ɓèmè e ɗààhiì e dèè Dayàa diɛŋ wèè muŋ woò e tɔɔɓaaà. È nyìmàŋ kɛ̀ wo Jisɛ̀ wɛɛ̀ naum yaà sùngò wɔ wò yaà wo nyùùŋ maŋ jùumù.”